Lífið

Ábreiða Kelly Clarkson af Shallow vekur athygli

Sylvía Hall skrifar
Clarkson syngur eins og engill og fór létt með Shallow.
Clarkson syngur eins og engill og fór létt með Shallow. Vísir/Getty
Líklega hafa flestir landsmenn heyrt lagið Shallow á einhverjum tímapunkti en lagið hefur farið sigurför um heiminn frá því að kvikmyndin A Star Is Born kom í kvikmyndahús.

Lagið er flutt af aðalleikurum myndarinnar, þeim Bradley Cooper og Lady Gaga, og hefur átt öruggt sæti á topplistum útvarpsstöðva og tónlistarveitna síðustu mánuði.  

Í hópi aðdáenda lagsins er söngkonan Kelly Clarkson sem er þekkt fyrir sterka söngrödd sína. Hún tók lagið á tónleikum í Green Bay í Wisconsin-fylki í Bandaríkjunum en söngkonan er á tónleikaferðalagi um þessar mundir. 

Myndbandið var birt á Youtube í gær og hefur verið horft á það hátt í sjö hundruð þúsund sinnum þegar þetta er skrifað. 

Hér að neðan má heyra fallega ábreiðu Clarkson af laginu vinsæla. 


Tengdar fréttir






Fleiri fréttir

Sjá meira


×