Innlent

Fólk á lágkolvetnafæði hugi vel að trefjum

Sighvatur Jónsson skrifar
Lágkolvetnafæði getur verið trefjaríkt ef fólk hugar vel að samsetningu máltíða.
Lágkolvetnafæði getur verið trefjaríkt ef fólk hugar vel að samsetningu máltíða. Úr einkasafni

Aukin neysla trefja dregur úr líkum á hjartasjúkdómum og eykur lífslíkur fólks, samkvæmt niðurstöðum viðamikillar rannsóknar sem var gerð fyrir Alþjóðaheilbrigðisstofnunina

Niðurstöðurnar eru sagðar áhugaverðar fyrir fólk á lágkolvetnafæði þar sem þannig matarræði hafi dregið úr neyslu á trefjaríkum kolvetnum.

Trefjar mikilvægar

Aðalheiður Ásdís Boutaayacht heldur úti vefsíðu og Facebook hópi um lágkolvetnafæði. Hún segir að svokallað ketó sé strangasta útgáfan af lágkolvetnamataræði. Aðalheiður segir ekki algilt að fólk á lágkolvetnafæði borði of lítið af trefjum.

„Fólk getur alveg farið út í öfgar og ekki borðað grænmeti, ávexti og fræ. En þeir sem eru á lágkolvetafæði borða vanalega fjölbreytta fæðu, þar á meðal mikið af grænmetum, ávöxtum og fræjum sem innihalda mikið af trefjum,“ segir Aðalheiður í samtali við fréttastofu.

Aðalheiður segir að hjartalæknir hafi mælt með því að hún færi á lágkolvetnafæði fyrir tæpum tveimur árum vegna heilsu hennar. Hún bendir fólki á að kynna sér vel samspil kolvetna og trefja.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.