Upp á hár á nýju ári Brynhildur Björnsdóttir skrifar 8. janúar 2019 22:00 Pastellitir með dekkri strípum í sama tóni munu verða vinsælir hjá þeim sem vilja sýna dirfsku og hárhug 2019. Veistu upp á hár hvernig þú ætlar að hafa hárið á nýju ári? Línurnar hafa verið lagðar og það er klippt og skorið hvernig hárið verður 2019. Hin sívinsæla "bob“ klipping hefur verið mikið í tísku undanfarin ár og verður áfram heit í vetur. Bob-klippingin tekur nafn sitt frá öðrum og þriðja áratugnum þegar konur hófu að klippa hár sitt í stað þess að hafa það eins sítt og mögulegt var. Bobinn er yfirleitt þverklipping allan hringinn, þar sem hárið nemur ekki neðar en við axlir en sú útgáfa hefur verið vinsæl undanfarin ár. Hárið styttist í bobnum ef eitthvað er í ár og nemur nú einhvers staðar á milli eyrnasnepla og höku. Þá er í tísku að hafa bob-inn styttri að aftan og aðeins síðari við andlitið sem býr til fallegan ramma sem er samt hægt að vinna aðeins með, til dæmis með því að krulla nokkra lokka og ná þannig styttuyfirbragði án þess að vera með styttur. Þá er einnig töff að hafa hárið aðeins síðara og knallstuttan eða síðari topp með styttum sem dregur fram augnsvipinn.Styttri bob með óreglulegum toppi er einnig vinsæl klipping.Þær sem kjósa að vera með síðara hár ættu líka að hugleiða toppa en ekki stutta þvertoppa heldur síðari og óreglulegri línur, og jafnvel má segja að erfitt sé að sjá hvar toppur verður að styttum í fremsta hluta hársins. Þessi klipping er einkar hagkvæm þar sem hún léttir á síðu hári, einkum ef það er mjög þykkt og svo er ekkert mál að skella öllu hárinu í tagl ef svo ber undir. Styttur og stórir liðir verða einnig áberandi 2019 og sléttujárnin fá alveg að hvíla sig á síða hárinu þó þeirra verði enn þörf til að geirnegla kantaðar styttri klippingar.Úr sér vaxin álfaklipping eða „pixie“ verður áberandi 2019.Álfastelpuklippingin sem stundum er einnig kölluð „pixie“ heldur stöðu sinni fyrir þær sem vilja hafa það þægilegt og einfalt. Þessi klipping á sér einnig rætur í tuttugustu öldinni, nánar tiltekið er þetta klipping sem Audrey Hepburn var með í kvikmyndinni A Roman Holiday á sjötta áratugnum. Þykkir þvertoppar verða í tísku með aðeins síðari bob-klippingu. Dökkbrúnn litur sem daðrar við kastaníubrúnan með hjálp strípa verður einnig vinsæll,Mia Farrow og Twiggie urðu svo fyrirmyndir þeirra sem kjósa þennan stutta hálfgerða drengjakoll sem er einstaklega þægilegt að eiga við og getur bæði verið frjálslegur og spari. Úr sér vaxið „pixie“ er líka vinsælt, en þá er styttunum leyft að verða aðeins lengri og tjásulegri. En varist að halda að sú greiðsla sé alveg áreynslulaus því eins og með allt í tískunni þá skiptir máli hvernig óreiðan er sett fram.Stórir liðir sem ramma andlitið inn verða aðalmálið í síðu hári í sumar og hlýir, hunangsljósir tónar taka við af kaldari hvít- eða platínuljósum litbrigðum.Vinsælustu litirnir verða hunangsskol sem er aðeins dekkri útgáfa af hunangsljósum, mjúkur kastaníubrúnn með rauðgylltum strípum, koparkossar í endana á dökku hári, pastellitir og jafnvel skyggingar þar sem fleiri en einn tónn leika saman, karamellustrípur í alla brúna liti með ljósari áherslu næst andlitinu. Já, eins og venjulega er úr nægu að velja í hártískunni og ætti að vera auðvelt að finna réttu greiðsluna árið 2019.Rauðir eða koparlitir tónar í síðu, dökku hári verða áberandi á því frúarári 2019 og því meira eftir því sem neðar dregur í lokkunum. Birtist í Fréttablaðinu Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Inga Tinna og Logi greina frá kyni barnsins Lífið Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Fréttatía vikunnar: Skúlptúrar, ráðherrarifrildi og EM Lífið Fleiri fréttir Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Tískan á körfuboltaleiknum Mikil væntumþykja í garð lyklakippunnar Alltaf að stela fötum af kærastanum „Allt frá ofnæmistöflum yfir í míní gjaldeyrissjóð“ Steldu stílnum af konunum í forsetaframboði „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Sjá meira
Veistu upp á hár hvernig þú ætlar að hafa hárið á nýju ári? Línurnar hafa verið lagðar og það er klippt og skorið hvernig hárið verður 2019. Hin sívinsæla "bob“ klipping hefur verið mikið í tísku undanfarin ár og verður áfram heit í vetur. Bob-klippingin tekur nafn sitt frá öðrum og þriðja áratugnum þegar konur hófu að klippa hár sitt í stað þess að hafa það eins sítt og mögulegt var. Bobinn er yfirleitt þverklipping allan hringinn, þar sem hárið nemur ekki neðar en við axlir en sú útgáfa hefur verið vinsæl undanfarin ár. Hárið styttist í bobnum ef eitthvað er í ár og nemur nú einhvers staðar á milli eyrnasnepla og höku. Þá er í tísku að hafa bob-inn styttri að aftan og aðeins síðari við andlitið sem býr til fallegan ramma sem er samt hægt að vinna aðeins með, til dæmis með því að krulla nokkra lokka og ná þannig styttuyfirbragði án þess að vera með styttur. Þá er einnig töff að hafa hárið aðeins síðara og knallstuttan eða síðari topp með styttum sem dregur fram augnsvipinn.Styttri bob með óreglulegum toppi er einnig vinsæl klipping.Þær sem kjósa að vera með síðara hár ættu líka að hugleiða toppa en ekki stutta þvertoppa heldur síðari og óreglulegri línur, og jafnvel má segja að erfitt sé að sjá hvar toppur verður að styttum í fremsta hluta hársins. Þessi klipping er einkar hagkvæm þar sem hún léttir á síðu hári, einkum ef það er mjög þykkt og svo er ekkert mál að skella öllu hárinu í tagl ef svo ber undir. Styttur og stórir liðir verða einnig áberandi 2019 og sléttujárnin fá alveg að hvíla sig á síða hárinu þó þeirra verði enn þörf til að geirnegla kantaðar styttri klippingar.Úr sér vaxin álfaklipping eða „pixie“ verður áberandi 2019.Álfastelpuklippingin sem stundum er einnig kölluð „pixie“ heldur stöðu sinni fyrir þær sem vilja hafa það þægilegt og einfalt. Þessi klipping á sér einnig rætur í tuttugustu öldinni, nánar tiltekið er þetta klipping sem Audrey Hepburn var með í kvikmyndinni A Roman Holiday á sjötta áratugnum. Þykkir þvertoppar verða í tísku með aðeins síðari bob-klippingu. Dökkbrúnn litur sem daðrar við kastaníubrúnan með hjálp strípa verður einnig vinsæll,Mia Farrow og Twiggie urðu svo fyrirmyndir þeirra sem kjósa þennan stutta hálfgerða drengjakoll sem er einstaklega þægilegt að eiga við og getur bæði verið frjálslegur og spari. Úr sér vaxið „pixie“ er líka vinsælt, en þá er styttunum leyft að verða aðeins lengri og tjásulegri. En varist að halda að sú greiðsla sé alveg áreynslulaus því eins og með allt í tískunni þá skiptir máli hvernig óreiðan er sett fram.Stórir liðir sem ramma andlitið inn verða aðalmálið í síðu hári í sumar og hlýir, hunangsljósir tónar taka við af kaldari hvít- eða platínuljósum litbrigðum.Vinsælustu litirnir verða hunangsskol sem er aðeins dekkri útgáfa af hunangsljósum, mjúkur kastaníubrúnn með rauðgylltum strípum, koparkossar í endana á dökku hári, pastellitir og jafnvel skyggingar þar sem fleiri en einn tónn leika saman, karamellustrípur í alla brúna liti með ljósari áherslu næst andlitinu. Já, eins og venjulega er úr nægu að velja í hártískunni og ætti að vera auðvelt að finna réttu greiðsluna árið 2019.Rauðir eða koparlitir tónar í síðu, dökku hári verða áberandi á því frúarári 2019 og því meira eftir því sem neðar dregur í lokkunum.
Birtist í Fréttablaðinu Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Inga Tinna og Logi greina frá kyni barnsins Lífið Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Fréttatía vikunnar: Skúlptúrar, ráðherrarifrildi og EM Lífið Fleiri fréttir Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Tískan á körfuboltaleiknum Mikil væntumþykja í garð lyklakippunnar Alltaf að stela fötum af kærastanum „Allt frá ofnæmistöflum yfir í míní gjaldeyrissjóð“ Steldu stílnum af konunum í forsetaframboði „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Sjá meira