„Það er ekkert stærra mál sem mannkynið þarf að fást við en loftslagsbreytingarnar“ Sylvía Hall skrifar 20. október 2018 14:00 Ólafur Ragnar Grímsson var gestur Heimis Más í Víglínunni í dag. Vísir Ólafur Ragnar Grímsson var gestur Heimis Más Péturssonar í Víglínunni í dag þar sem hann ræddi Arctic Circle ráðstefnuna, Hringborð norðurslóða, en þar koma saman um tvö þúsund fulltrúar frá 50 ríkjum heimsins og ræða málefni norðurslóða. Ráðstefnan er haldin í Hörpu í október hvert ár og er þetta í sjötta skiptið sem ráðstefnan fer fram. Ráðstefnan er stærsti vettvangur alþjóðlegrar umræðu um málefni norðurslóða og koma þar saman vísindamenn, stjórnmálamenn, sérfræðingar og fulltrúar frumbyggja ásamt öðrum áhugamönnum um málefnið. Ólafur Ragnar, sem er formaður Hringborðs norðurslóða, segir tilgang ráðstefnunnar vera að leiða saman fólk úr allskyns áttum sem tengjast málefninu og gefa þeim tækifæri á að deila hugmyndum sínum. Hann segir augu margra beinast að norðurslóðum vegna loftslagsbreytinga enda séu þær hvað mest sýnilegar á norðurslóðum. Hann segir lykilatriði í uppbyggingu ráðstefnunnar vera það að þar sitji allir við sama borð og þangað séu allir velkomnir burtséð frá deilumálum einstakra þjóða á alþjóðavettvangi og tilgangurinn sé að byggja upp árangursríka samvinnu. „Þetta er borð sem allir geta setið við,“ segir Ólafur. Eitthvað einstakt í loftinu á Íslandi Ólafur segir Ísland vera kjörinn vettvang fyrir ráðstefnuna og það hafi margsinnis sannað sig. Harpan sé einstakt ráðstefnuhús og hér sé öðruvísi andrúmsloft en leiðtogar heimsins hafi kynnst áður. Friðsælt andrúmsloft og samfélagið sjálft eigi stóran hlut í því og nefnir þar leiðtogafund Ronald Reagan og Gorbachev sem dæmi. Hann segir það skipta máli hversu hve lítil þörf er á gæslu og viðbúnaði í kringum embættismenn, það hafi góð áhrif á upplifun þeirra sem heimsækja landið og því sé auðvelt að mæta hingað til lands og ræða málin. „Það var eitthvað í andrúmsloftinu á Íslandi, þessu litla friðsæla landi, þar sem forsetinn og ráðherrar labba um án þess að vera með nokkra lífverði eða gæslu sem gerir það að verkum að menn koma hingað með opnari huga,“ segir Ólafur. Ekki bara vísindamenn sem eiga að tala um loftslagsbreytingar Þá segir Ólafur Ragnar loftslagsbreytingar vera stærsta mál sem mannkynið þurfi að kljást við. Það sé ekki einungis vísindamanna að tala um þær heldur verði ráðamenn og almenningur um allan heim að horfast í augu við ástandið og bregðast við. Þá segir hann áhuga heimsins á norðurslóðum í þessu samhengi skýrast af því að það sem gerist hér hefur áhrif á allan heim og má nefna þar bráðnun jökla. „Ef um það bil fjórðungur af Grænlandsjökli bráðnar þá hækkar sjávarborð um allan heim um tvo metra,“ segir hann og nefnir ríki eins og Kíríbatí, Arabísku furstadæmin og Singapúr í því samhengi, en Kíríbatí er um tvo metra yfir sjávarmáli. „Ef ísinn heldur áfram að bráðna á norðurslóðum þá verður Singapúr eða Arabísku furstadæmin ekki til í þeirri mynd sem við þekkjum í dag.“ Aðspurður hvort hann sé svartsýnn framhaldið segir Ólafur vera raunsæismaður og því sé svarið bæði já og nei. „Ég hef þá trú að við séum að sjá öldu breytinga í áttina að hreinni orku sem muni hafa afgerandi áhrif á loftslag jarðarinnar og framtíðina.“ Í spilaranum hér að neðan má sjá Víglínuna í heild sinni. Norðurslóðir Ólafur Ragnar Grímsson Hringborð norðurslóða Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Skólastjóradrama í Kóraskóla fær óvæntan endi Innlent Býst við aukinni sókn Rússa Erlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira
Ólafur Ragnar Grímsson var gestur Heimis Más Péturssonar í Víglínunni í dag þar sem hann ræddi Arctic Circle ráðstefnuna, Hringborð norðurslóða, en þar koma saman um tvö þúsund fulltrúar frá 50 ríkjum heimsins og ræða málefni norðurslóða. Ráðstefnan er haldin í Hörpu í október hvert ár og er þetta í sjötta skiptið sem ráðstefnan fer fram. Ráðstefnan er stærsti vettvangur alþjóðlegrar umræðu um málefni norðurslóða og koma þar saman vísindamenn, stjórnmálamenn, sérfræðingar og fulltrúar frumbyggja ásamt öðrum áhugamönnum um málefnið. Ólafur Ragnar, sem er formaður Hringborðs norðurslóða, segir tilgang ráðstefnunnar vera að leiða saman fólk úr allskyns áttum sem tengjast málefninu og gefa þeim tækifæri á að deila hugmyndum sínum. Hann segir augu margra beinast að norðurslóðum vegna loftslagsbreytinga enda séu þær hvað mest sýnilegar á norðurslóðum. Hann segir lykilatriði í uppbyggingu ráðstefnunnar vera það að þar sitji allir við sama borð og þangað séu allir velkomnir burtséð frá deilumálum einstakra þjóða á alþjóðavettvangi og tilgangurinn sé að byggja upp árangursríka samvinnu. „Þetta er borð sem allir geta setið við,“ segir Ólafur. Eitthvað einstakt í loftinu á Íslandi Ólafur segir Ísland vera kjörinn vettvang fyrir ráðstefnuna og það hafi margsinnis sannað sig. Harpan sé einstakt ráðstefnuhús og hér sé öðruvísi andrúmsloft en leiðtogar heimsins hafi kynnst áður. Friðsælt andrúmsloft og samfélagið sjálft eigi stóran hlut í því og nefnir þar leiðtogafund Ronald Reagan og Gorbachev sem dæmi. Hann segir það skipta máli hversu hve lítil þörf er á gæslu og viðbúnaði í kringum embættismenn, það hafi góð áhrif á upplifun þeirra sem heimsækja landið og því sé auðvelt að mæta hingað til lands og ræða málin. „Það var eitthvað í andrúmsloftinu á Íslandi, þessu litla friðsæla landi, þar sem forsetinn og ráðherrar labba um án þess að vera með nokkra lífverði eða gæslu sem gerir það að verkum að menn koma hingað með opnari huga,“ segir Ólafur. Ekki bara vísindamenn sem eiga að tala um loftslagsbreytingar Þá segir Ólafur Ragnar loftslagsbreytingar vera stærsta mál sem mannkynið þurfi að kljást við. Það sé ekki einungis vísindamanna að tala um þær heldur verði ráðamenn og almenningur um allan heim að horfast í augu við ástandið og bregðast við. Þá segir hann áhuga heimsins á norðurslóðum í þessu samhengi skýrast af því að það sem gerist hér hefur áhrif á allan heim og má nefna þar bráðnun jökla. „Ef um það bil fjórðungur af Grænlandsjökli bráðnar þá hækkar sjávarborð um allan heim um tvo metra,“ segir hann og nefnir ríki eins og Kíríbatí, Arabísku furstadæmin og Singapúr í því samhengi, en Kíríbatí er um tvo metra yfir sjávarmáli. „Ef ísinn heldur áfram að bráðna á norðurslóðum þá verður Singapúr eða Arabísku furstadæmin ekki til í þeirri mynd sem við þekkjum í dag.“ Aðspurður hvort hann sé svartsýnn framhaldið segir Ólafur vera raunsæismaður og því sé svarið bæði já og nei. „Ég hef þá trú að við séum að sjá öldu breytinga í áttina að hreinni orku sem muni hafa afgerandi áhrif á loftslag jarðarinnar og framtíðina.“ Í spilaranum hér að neðan má sjá Víglínuna í heild sinni.
Norðurslóðir Ólafur Ragnar Grímsson Hringborð norðurslóða Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Skólastjóradrama í Kóraskóla fær óvæntan endi Innlent Býst við aukinni sókn Rússa Erlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira