Kveður sauðfjárbændur og skellir sér til Ítalíu Kolbeinn Tumi Daðason skrifar 21. september 2018 16:48 Svavar Halldórsson hlakkar til að flytja utan til Ítalíu og hefja nám. Svavar Halldórsson lætur brátt af störfum sem framkvæmdastjóri markaðsstofunnar Icelandic lamb og Markaðsráðs kindakjöts. Svavar hyggur á meistaranám á Ítalíu til eins árs og verður því í fjarri fjölskyldu um tíma. Hún mun þó fara utan til Svavars með vorinu. Hann hlakkar mjög til að setjast á skólabekk. Starf framkvæmdastjóra Icelandic lamb hefur verið auglýst laust til umsóknar. Svavar var staddur í Kaupmannahöfn með dætrum sínum þegar blaðamaður náði af honum tali. Hann segir hafa verið kominn tíma á breytingar eftir þrjú og hálft ár í starfinu. Þegar maður hættir að spretta upp úr rúminu á morgnana þurfi að horfa víðar. Svavar hyggur á nám í stjórnun og markaðssetningu við University of Gastonomic Sciences í Pollenzo. Allajafna nemur fjöldi umsækjanda fleiri hundruðum en aðeins tuttugu komust inn. Því hafi ekkert annað komið til greina en að skella sér í námið sem hefst eftir áramót. Svo skemmtilega vill til að Svavar er ekki sá eini sem hyggur á nám á erlendri grundu. Dætur Svavars horfa einnig út fyrir landsteinanna. Ein þeirra er nýstúdent og komin í ársnám í Englandi. Næstu tvær fara að ljúka menntaskólanámi og eru þær með Svavari í Kaupmannahöfn þessa stundina að skoða háskóla. Það sannast að háskólanám er fyrir fólk á öllum aldri. „Ég hlakka ótrúlega til.“Svavar ásamt konu sinni Þóru um árið á Eddunni.Krefjandi en gefandi verkefni Svavar segir starf sitt fyrir íslenska sauðfjárbændur hafa verið risaverkefni. Hann rekur síðustu þrjú og hálft ár í pistli sem hann birti á Facebook skömmu eftir að blaðamaður ræddi við hann. „Annars vegar að finna leiðir til að segja erlendum ferðamönnum frá íslenska lambinu og fá þá til að kaupa meira af afurðunum - enda hafði innanlandssalan á þjóðarréttinum lambakjöti dregist saman um 12% frá 2008 til 2014, á meðan ferðamönnum fjölgaði gríðarlega. Hins vegar fólst verkefnið í að leita nýrra leiða í útflutningi inn á velborgandi og kröfuharða markaði í útlöndum,“ segir Svavar. Framvindan hafi verið hröð. „Eftir mikla stefnumótunarvinnu var ákveðið að stofna markaðsstofuna Icelandic Lamb. Að þeirri ákvörðun stóðu framsýnir bændaforingjar og stjórnmálamenn. Nú er markaðsstofan með um 200 samstarfssamninga við veitingamenn, kokka, hönnuði, framleiðendur og handverksfólk um allt land. Samkvæmt könnunum Gallup þekkir þriðjungur ferðamanna merki Icelandic Lamb sem prýðir nú um 165 veitingastaði. Innanlandssalan á lambakjöti jókst um 8% frá 2015 til 2017 og ekkert bendir til annars en sú þróun muni halda áfram. Aukin sala til erlendra ferðamanna er helsti drifkraftur þessa viðsnúnings,“ segir Svavar. „Á sama tíma hefur verið unnið ötullega að ýmsum markaðssetningarverkefnum í útlöndum. Þótt ytri áföll hafi dunið yfir og sterk króna hafi gert útflutning erfiðan hefur aldrei verið flutt út jafn mikið af íslensku lambakjöti og í fyrra. Góður árangur hefur náðst í Japan þar sem lambakjötið er á matseðlum rúmlega 100 veitingastaða og nýtt verkefni í Þýskalandi lofar góðu. Þá eru Austurríki og Frakkland innan seilingar og viðræður við tvö fyrirtæki um að selja íslenskt lambakjöt inn á efstu hillu kínverska markaðarins. Þetta eru samvinnuverkefni innlendra framleiðenda, erlendra samstarfsaðila og markaðsstofunnar Icelandic Lamb. Ýmislegt fleira er í pípunum en nú er búið að móta ramma sem hægt er að byggja á til framtíðar.“Sinnir áfram trúnaðarstörfum Svavar segir öfluga herferð á samfélagsmiðlum hafa skilað miklum árangri og milljónir manna séð um 60 myndbönd og aðrar auglýsingar Icelandic Lamb. „Óhætt er að fullyrða að aldrei hafa fleiri heyrt um íslenska lambið á jafn stuttum tíma og síðustu tvö ár. Nú er búið að byggja upp öflugan gagnabanka og þekkingu á markaðssetningu íslenskra sauðfjárafurða á netinu sem mun nýtast þegar næstu 50 myndbönd og auglýsingar koma út úr framleiðsluferlinu á næstu vikum og mánuðum.“ Verkefnin hafi verið krefjandi en gefandi „Sjálfur hef ég kynnst fjöldanum öllum af frábæru fólki; bændum og starfsmönnum þeirra, kjötkaupmönnum, auglýsingafólki og fleirum og fleirum. Þar hefur myndast góð vinátta sem mun vara út ævina.“ Svavar segist þó áfram munu gegna ákveðnum trúnaðarstörfum fyrir sauðfjárbændur og leið tiltekið nýsköpunarverkefni sem muni vonandi gagnast íslenskum bændum í framtíðinni. „Ég er þakklátur fyrir að hafa fengið tækifæri til að koma markaðsstofunni Icelandic Lamb á legg en nú held ég að hún geti staðið á eigin fótum. Það fylgir því vissulega söknuður að kveðja verkefni sem ég hef verið vakinn og sofinn yfir í mörg ár en ég ber fullt traust til samstarfsmanna minna sem munu halda kyndlinum á lofti. Ég er reiðubúinn að taka næsta skref framávið og reikna með því að eiga dásamlegt ár á Ítalíu. Að náminu loknu verð ég svo vonandi enn betur í stakk búinn til að vinna fyrir Ísland, íslenskan mat og íslenska bændur.“ Vistaskipti Mest lesið Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Tekur við stöðu rekstrarstjóra Stöðvar 2 Viðskipti innlent Edda og Helgi bætast í hóp eigenda Expectus Viðskipti innlent Fjölbreytt vöruúrval og ein bestu verð hérlendis Samstarf Guðbjörg orðin pítsudrottning Viðskipti innlent Ritskoðaður bjór fær blessun ÁTVR Viðskipti innlent Finnur þægilegu heimatilfinninguna þegar hann lendir í Keflavík Atvinnulíf Eyjólfur vill halda formennsku áfram Viðskipti innlent Fleiri fréttir Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Hákon nýr öryggisstjóri Arion Fyrrverandi forstjóri Bláfugls stýrir nýju sviði hjá Play Hafa tapað milljörðum vegna endurtekinna lokana Segir yfirlýsingu bankaráðsins „auma“ Bankasýslan hafi ekki gert athugasemdir við tilboð í TM Sjá meira
Svavar Halldórsson lætur brátt af störfum sem framkvæmdastjóri markaðsstofunnar Icelandic lamb og Markaðsráðs kindakjöts. Svavar hyggur á meistaranám á Ítalíu til eins árs og verður því í fjarri fjölskyldu um tíma. Hún mun þó fara utan til Svavars með vorinu. Hann hlakkar mjög til að setjast á skólabekk. Starf framkvæmdastjóra Icelandic lamb hefur verið auglýst laust til umsóknar. Svavar var staddur í Kaupmannahöfn með dætrum sínum þegar blaðamaður náði af honum tali. Hann segir hafa verið kominn tíma á breytingar eftir þrjú og hálft ár í starfinu. Þegar maður hættir að spretta upp úr rúminu á morgnana þurfi að horfa víðar. Svavar hyggur á nám í stjórnun og markaðssetningu við University of Gastonomic Sciences í Pollenzo. Allajafna nemur fjöldi umsækjanda fleiri hundruðum en aðeins tuttugu komust inn. Því hafi ekkert annað komið til greina en að skella sér í námið sem hefst eftir áramót. Svo skemmtilega vill til að Svavar er ekki sá eini sem hyggur á nám á erlendri grundu. Dætur Svavars horfa einnig út fyrir landsteinanna. Ein þeirra er nýstúdent og komin í ársnám í Englandi. Næstu tvær fara að ljúka menntaskólanámi og eru þær með Svavari í Kaupmannahöfn þessa stundina að skoða háskóla. Það sannast að háskólanám er fyrir fólk á öllum aldri. „Ég hlakka ótrúlega til.“Svavar ásamt konu sinni Þóru um árið á Eddunni.Krefjandi en gefandi verkefni Svavar segir starf sitt fyrir íslenska sauðfjárbændur hafa verið risaverkefni. Hann rekur síðustu þrjú og hálft ár í pistli sem hann birti á Facebook skömmu eftir að blaðamaður ræddi við hann. „Annars vegar að finna leiðir til að segja erlendum ferðamönnum frá íslenska lambinu og fá þá til að kaupa meira af afurðunum - enda hafði innanlandssalan á þjóðarréttinum lambakjöti dregist saman um 12% frá 2008 til 2014, á meðan ferðamönnum fjölgaði gríðarlega. Hins vegar fólst verkefnið í að leita nýrra leiða í útflutningi inn á velborgandi og kröfuharða markaði í útlöndum,“ segir Svavar. Framvindan hafi verið hröð. „Eftir mikla stefnumótunarvinnu var ákveðið að stofna markaðsstofuna Icelandic Lamb. Að þeirri ákvörðun stóðu framsýnir bændaforingjar og stjórnmálamenn. Nú er markaðsstofan með um 200 samstarfssamninga við veitingamenn, kokka, hönnuði, framleiðendur og handverksfólk um allt land. Samkvæmt könnunum Gallup þekkir þriðjungur ferðamanna merki Icelandic Lamb sem prýðir nú um 165 veitingastaði. Innanlandssalan á lambakjöti jókst um 8% frá 2015 til 2017 og ekkert bendir til annars en sú þróun muni halda áfram. Aukin sala til erlendra ferðamanna er helsti drifkraftur þessa viðsnúnings,“ segir Svavar. „Á sama tíma hefur verið unnið ötullega að ýmsum markaðssetningarverkefnum í útlöndum. Þótt ytri áföll hafi dunið yfir og sterk króna hafi gert útflutning erfiðan hefur aldrei verið flutt út jafn mikið af íslensku lambakjöti og í fyrra. Góður árangur hefur náðst í Japan þar sem lambakjötið er á matseðlum rúmlega 100 veitingastaða og nýtt verkefni í Þýskalandi lofar góðu. Þá eru Austurríki og Frakkland innan seilingar og viðræður við tvö fyrirtæki um að selja íslenskt lambakjöt inn á efstu hillu kínverska markaðarins. Þetta eru samvinnuverkefni innlendra framleiðenda, erlendra samstarfsaðila og markaðsstofunnar Icelandic Lamb. Ýmislegt fleira er í pípunum en nú er búið að móta ramma sem hægt er að byggja á til framtíðar.“Sinnir áfram trúnaðarstörfum Svavar segir öfluga herferð á samfélagsmiðlum hafa skilað miklum árangri og milljónir manna séð um 60 myndbönd og aðrar auglýsingar Icelandic Lamb. „Óhætt er að fullyrða að aldrei hafa fleiri heyrt um íslenska lambið á jafn stuttum tíma og síðustu tvö ár. Nú er búið að byggja upp öflugan gagnabanka og þekkingu á markaðssetningu íslenskra sauðfjárafurða á netinu sem mun nýtast þegar næstu 50 myndbönd og auglýsingar koma út úr framleiðsluferlinu á næstu vikum og mánuðum.“ Verkefnin hafi verið krefjandi en gefandi „Sjálfur hef ég kynnst fjöldanum öllum af frábæru fólki; bændum og starfsmönnum þeirra, kjötkaupmönnum, auglýsingafólki og fleirum og fleirum. Þar hefur myndast góð vinátta sem mun vara út ævina.“ Svavar segist þó áfram munu gegna ákveðnum trúnaðarstörfum fyrir sauðfjárbændur og leið tiltekið nýsköpunarverkefni sem muni vonandi gagnast íslenskum bændum í framtíðinni. „Ég er þakklátur fyrir að hafa fengið tækifæri til að koma markaðsstofunni Icelandic Lamb á legg en nú held ég að hún geti staðið á eigin fótum. Það fylgir því vissulega söknuður að kveðja verkefni sem ég hef verið vakinn og sofinn yfir í mörg ár en ég ber fullt traust til samstarfsmanna minna sem munu halda kyndlinum á lofti. Ég er reiðubúinn að taka næsta skref framávið og reikna með því að eiga dásamlegt ár á Ítalíu. Að náminu loknu verð ég svo vonandi enn betur í stakk búinn til að vinna fyrir Ísland, íslenskan mat og íslenska bændur.“
Vistaskipti Mest lesið Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Tekur við stöðu rekstrarstjóra Stöðvar 2 Viðskipti innlent Edda og Helgi bætast í hóp eigenda Expectus Viðskipti innlent Fjölbreytt vöruúrval og ein bestu verð hérlendis Samstarf Guðbjörg orðin pítsudrottning Viðskipti innlent Ritskoðaður bjór fær blessun ÁTVR Viðskipti innlent Finnur þægilegu heimatilfinninguna þegar hann lendir í Keflavík Atvinnulíf Eyjólfur vill halda formennsku áfram Viðskipti innlent Fleiri fréttir Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Hákon nýr öryggisstjóri Arion Fyrrverandi forstjóri Bláfugls stýrir nýju sviði hjá Play Hafa tapað milljörðum vegna endurtekinna lokana Segir yfirlýsingu bankaráðsins „auma“ Bankasýslan hafi ekki gert athugasemdir við tilboð í TM Sjá meira