Ölvunin talin skýra ofbeldið á Gýgjarhóli best Kjartan Kjartansson skrifar 27. ágúst 2018 15:15 Geðlæknir fann engin merki um vitglöp eða geðræn vandamál sem gætu útskýrt minnisleysi Vals Lýðssonar sem er ákærður fyrir að hafa valdið dauða bróður síns í mars. V'isir/Vilhelm Geðlæknir sem lagði mat á Val Lýðsson, sem er sakaður um að hafa valdið dauða bróður síns á Gýgjarhóli II, telur að ölvunarástand hans skýri best ofbeldið sem hann hafi beitt. Bæði Valur og tveir vinir hans hafi kannast við að hann hafi gerst ofbeldisfullur undir áhrifum áfengis. Valur er ákærður fyrir að hafa valdið dauða Ragnars bróður síns á Gýgjarhóli II í Biskupstungum 31. mars. Hann er sakaður um að hafa ráðist að Ragnari með ofbeldi og sparkað eða trampað á höfði hans og líkama. Rannsóknarlögreglumenn báru vitni um að blóðblettir og áverkar bendi til þess að Ragnari hafi verið veitt högg þar sem hann lá á gólfi þvottahússins á Gýgjarhóli þar sem hann var gestkomandi. Blóð úr Ragnari fannst á sokkum Vals.Var hættur að drekka þar til kvöldið sem Ragnar dó Bræðurnir sátu við drykkju að kvöldi föstudagsins langa. Valur hefur borið því við að hann muni ekkert eftir að til átaka hafi komið á milli þeirra bræðra. Hann hefur þó hvorki geta gefið neinar aðrar skýringar á hvernig dauði Ragnars kom til né útilokað að hann hafi borið ábyrgð á honum. Nanna Briem, geðlæknir, vann geðmat á Vali og útilokaði hún að vitglöp eða andlegir kvillar gætu hafa valdið minnisleysi hans um atburði kvöldsins. Í viðtölum þeirra hafi aftur á móti komið fram áfengisvandi og saga um óminni sem tengdist drykkju. Tveir vinir Vals sem Nanna ræddi við hafi jafnframt kannast við að hann hafi getað orðið ofbeldisfullir undir áhrifum. Það hafi Valur sömuleiðis gert. Valur viðurkenndi það sjálfur fyrir dómi í morgun en sagði að í þeim tilfellum hefði „einhver pirringur“ yfirleitt verið orsökin. Kannaðist hann ekki við að hafa borið þungan hug til bróður síns. Fram kom að Valur hafi verið hættur að drekka frá áramótum. Það hafi verið hans eigin ákvörðun því honum hafi sjálfum þótt nóg komið. Hann hefði ekki drukkið áfengi þar til kvöldið sem bræður hans tveir sóttu hann heim að Gýgjarhóli umrætt kvöld. „Eftir á að hyggja hefði maður átt að vera löngu hættur að drekka,“ sagði Valur þegar hann gaf skýrslu fyrir dómi í morgun.Sér eftir því sem gerðist Nanna sagði að Valur hefði ítrekað sagt sér að hann myndi aðeins eftir fyrri hluta kvöldsins. Hann kannaðist ekki við að hafa verið reiður bróður sínum á neinn hátt. Engu að síður sæi hann enga aðra skýringu á atburðum en að hann hefði orðið valdur að þeim. Skýrt hafi komið fram í viðtölum að Valur sæi eftir því sem hefði gerst en að hann hefði ekki getað gefið neina skýringu á því hvers vegna svo fór sem fór. Taldi Nanna að ölvunarástand Vals væri besta skýringin á ofbeldinu. Spurði Ólafur Björnsson, verjandi Vals, þá hvort að ölvunin hafi sem slík verið orsök atburðanna. „Hún er allavegana besta skýringin,“ sagði Nanna og vísaði til áhrifa áfengis á dómgreind, skynjun og tilfinningar fólks.Afburðagreind í málfari en með einhverfurófseinkenni Brynjar Emilsson, sem lagði sálfræðilegt mat á Val, lýsti honum með „mjög góða“ greind og „afburðagreind“ í málfari. Engin merki væru um geðræn veikindi eða persónuleikavanda hjá Vali. Hins vegar væri margt sem benti til einhverfurófseinkenna hjá honum. Minni Vals væri mjög gott og engin merki væru um vitglöp. Síðasta vitni dagsins var Gísli Sigurjón Jónsson, félagi Ragnars, sem ræddi við Ragnar í síma kvöldið sem hann lést. Bar Gísli að létt hefði verið yfir Ragnari sem hafi sagst vera á Gýgjarhóli með bræðrum sínum. Ragnar hafi sagt honum að hann væri undir áhrifum áfengis en Gísli sagðist ekki hafa heyrt það á honum sjálfur í símanum. Hann hafi orðið þess á áskynja að mjög vel færi á með þeim bræðrum. Hann hafi alltaf skynjað að samband þeirra bræðra hefði verið gott. Hlé var gert á aðalmeðferð málsins síðdegis en henni verður haldið áfram mánudaginn 3. september. Manndráp á Gýgjarhóli II Tengdar fréttir Reiðilegt andlit síðasta minningin fyrir dauða bróðurins Maður sem ákærður er fyrir að hafa valdi dauða bróður síns á bænum Gýgjarhóli II gat litlar skýringar gefið á því hvernig hann bar að þegar hann gaf skýrslu við aðalmeðferð málsins í Héraðsdómi Suðurlands í morgun. 27. ágúst 2018 10:28 Sagðist hafa orðið manni að bana Björgunarsveitarfólk sem kom fyrst á Gýgjarhól II sá blóð á höfði hans og hendi. Hann sagðist hafa orðið manni að bana. 27. ágúst 2018 12:15 Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Segir alvarlegt hvernig Katrín tjáði sig um Persónuvernd Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Gular viðvaranir á Suðurlandi, Suðausturlandi og Faxaflóa á morgun Innlent Skuldirnar bíði þegar frelsið taki við Innlent Slasaður eftir hestaslys í Ölfusi Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent Fleiri fréttir 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Sjá meira
Geðlæknir sem lagði mat á Val Lýðsson, sem er sakaður um að hafa valdið dauða bróður síns á Gýgjarhóli II, telur að ölvunarástand hans skýri best ofbeldið sem hann hafi beitt. Bæði Valur og tveir vinir hans hafi kannast við að hann hafi gerst ofbeldisfullur undir áhrifum áfengis. Valur er ákærður fyrir að hafa valdið dauða Ragnars bróður síns á Gýgjarhóli II í Biskupstungum 31. mars. Hann er sakaður um að hafa ráðist að Ragnari með ofbeldi og sparkað eða trampað á höfði hans og líkama. Rannsóknarlögreglumenn báru vitni um að blóðblettir og áverkar bendi til þess að Ragnari hafi verið veitt högg þar sem hann lá á gólfi þvottahússins á Gýgjarhóli þar sem hann var gestkomandi. Blóð úr Ragnari fannst á sokkum Vals.Var hættur að drekka þar til kvöldið sem Ragnar dó Bræðurnir sátu við drykkju að kvöldi föstudagsins langa. Valur hefur borið því við að hann muni ekkert eftir að til átaka hafi komið á milli þeirra bræðra. Hann hefur þó hvorki geta gefið neinar aðrar skýringar á hvernig dauði Ragnars kom til né útilokað að hann hafi borið ábyrgð á honum. Nanna Briem, geðlæknir, vann geðmat á Vali og útilokaði hún að vitglöp eða andlegir kvillar gætu hafa valdið minnisleysi hans um atburði kvöldsins. Í viðtölum þeirra hafi aftur á móti komið fram áfengisvandi og saga um óminni sem tengdist drykkju. Tveir vinir Vals sem Nanna ræddi við hafi jafnframt kannast við að hann hafi getað orðið ofbeldisfullir undir áhrifum. Það hafi Valur sömuleiðis gert. Valur viðurkenndi það sjálfur fyrir dómi í morgun en sagði að í þeim tilfellum hefði „einhver pirringur“ yfirleitt verið orsökin. Kannaðist hann ekki við að hafa borið þungan hug til bróður síns. Fram kom að Valur hafi verið hættur að drekka frá áramótum. Það hafi verið hans eigin ákvörðun því honum hafi sjálfum þótt nóg komið. Hann hefði ekki drukkið áfengi þar til kvöldið sem bræður hans tveir sóttu hann heim að Gýgjarhóli umrætt kvöld. „Eftir á að hyggja hefði maður átt að vera löngu hættur að drekka,“ sagði Valur þegar hann gaf skýrslu fyrir dómi í morgun.Sér eftir því sem gerðist Nanna sagði að Valur hefði ítrekað sagt sér að hann myndi aðeins eftir fyrri hluta kvöldsins. Hann kannaðist ekki við að hafa verið reiður bróður sínum á neinn hátt. Engu að síður sæi hann enga aðra skýringu á atburðum en að hann hefði orðið valdur að þeim. Skýrt hafi komið fram í viðtölum að Valur sæi eftir því sem hefði gerst en að hann hefði ekki getað gefið neina skýringu á því hvers vegna svo fór sem fór. Taldi Nanna að ölvunarástand Vals væri besta skýringin á ofbeldinu. Spurði Ólafur Björnsson, verjandi Vals, þá hvort að ölvunin hafi sem slík verið orsök atburðanna. „Hún er allavegana besta skýringin,“ sagði Nanna og vísaði til áhrifa áfengis á dómgreind, skynjun og tilfinningar fólks.Afburðagreind í málfari en með einhverfurófseinkenni Brynjar Emilsson, sem lagði sálfræðilegt mat á Val, lýsti honum með „mjög góða“ greind og „afburðagreind“ í málfari. Engin merki væru um geðræn veikindi eða persónuleikavanda hjá Vali. Hins vegar væri margt sem benti til einhverfurófseinkenna hjá honum. Minni Vals væri mjög gott og engin merki væru um vitglöp. Síðasta vitni dagsins var Gísli Sigurjón Jónsson, félagi Ragnars, sem ræddi við Ragnar í síma kvöldið sem hann lést. Bar Gísli að létt hefði verið yfir Ragnari sem hafi sagst vera á Gýgjarhóli með bræðrum sínum. Ragnar hafi sagt honum að hann væri undir áhrifum áfengis en Gísli sagðist ekki hafa heyrt það á honum sjálfur í símanum. Hann hafi orðið þess á áskynja að mjög vel færi á með þeim bræðrum. Hann hafi alltaf skynjað að samband þeirra bræðra hefði verið gott. Hlé var gert á aðalmeðferð málsins síðdegis en henni verður haldið áfram mánudaginn 3. september.
Manndráp á Gýgjarhóli II Tengdar fréttir Reiðilegt andlit síðasta minningin fyrir dauða bróðurins Maður sem ákærður er fyrir að hafa valdi dauða bróður síns á bænum Gýgjarhóli II gat litlar skýringar gefið á því hvernig hann bar að þegar hann gaf skýrslu við aðalmeðferð málsins í Héraðsdómi Suðurlands í morgun. 27. ágúst 2018 10:28 Sagðist hafa orðið manni að bana Björgunarsveitarfólk sem kom fyrst á Gýgjarhól II sá blóð á höfði hans og hendi. Hann sagðist hafa orðið manni að bana. 27. ágúst 2018 12:15 Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Segir alvarlegt hvernig Katrín tjáði sig um Persónuvernd Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Gular viðvaranir á Suðurlandi, Suðausturlandi og Faxaflóa á morgun Innlent Skuldirnar bíði þegar frelsið taki við Innlent Slasaður eftir hestaslys í Ölfusi Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent Fleiri fréttir 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Sjá meira
Reiðilegt andlit síðasta minningin fyrir dauða bróðurins Maður sem ákærður er fyrir að hafa valdi dauða bróður síns á bænum Gýgjarhóli II gat litlar skýringar gefið á því hvernig hann bar að þegar hann gaf skýrslu við aðalmeðferð málsins í Héraðsdómi Suðurlands í morgun. 27. ágúst 2018 10:28
Sagðist hafa orðið manni að bana Björgunarsveitarfólk sem kom fyrst á Gýgjarhól II sá blóð á höfði hans og hendi. Hann sagðist hafa orðið manni að bana. 27. ágúst 2018 12:15