Fótbolti

Lánaður frá Chelsea til AC Milan

Arnar Geir Halldórsson skrifar
Bakayoko í leik gegn Inter. Hann er nú búinn að semja við erkifjendur þeirra.
Bakayoko í leik gegn Inter. Hann er nú búinn að semja við erkifjendur þeirra. vísir/getty

Franski miðjumaðurinn Tiemoue Bakayoko er farinn frá Chelsea eftir eins árs dvöl.

Hann hefur verið lánaður til ítalska úrvalsdeildarliðsins AC MIlan. Lánssamningnum fylgir ákvæði um að AC Milan geti keypt Bakayoko fyrir 30 milljónir punda að lánstímanum loknum.

Chelsea borgaði 40 milljónir punda til Monaco fyrir einu ári síðan fyrir Bakayoko en þessi stóri og stæðilegi miðjumaður náði ekki að slá í gegn í enska boltanum þó hann hafi spilað mikið fyrir Chelsea.

Hann var ekki inn í myndinni hjá Maurizio Sarri sem tók við stjórnartaumunum hjá Chelsea í sumar en Lundúnarliðið fjárfesti í tveimur nýjum miðjumönnum í sumar; þeim Jorginho og Mateo Kovacic.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.