Innlent

Í höndum lögreglu að hafa uppi á strokufanganum

Gunnar Hrafn Jónsson skrifar
Páll Winkel forstjóri Fangelsismálastofnunnar.
Páll Winkel forstjóri Fangelsismálastofnunnar. Vísir/Anton Brink

Páll Winkel fangelsismálastjóri segir það í höndum lögreglu að hafa uppi á strokufanga sem skilaði sér ekki á áfangaheimilið Vernd um helgina. Aðeins eitt og hálft ár er liðið frá því að maðurinn var dæmdur í fjögurra ára fangelsi fyrir hrottalega árás á fyrrverandi sambýliskonu sína sem sagði hann haldinn miklum ranghugmyndum.

Sjá einnig: Skilaði sér ekki á áfangaheimilið Vernd

Páll Winkel sagði í samtali við fréttastofu í gær að í langflestum tilvikum skiluðu fangar sér eftir að þeir fréttu að handtökuskipun hefði verið gefin út. Þeir sem dvelji á vernd séu á lokastigum afplánunar og því miklir hagsmunir fólgnir í því fyrir vistmenn að skila sér á tilsettum tíma.

Maðurinn sem um ræður er á þrítugsaldri og var í fyrra dæmdur í fjögurra ára fangelsi fyrir hrottalega og langvarandi árás á fyrrverandi sambýliskonu sína. Var hann dæmdur fyrir frelsissviptingu, líkamsárás, kynferðisbrot og hótanir.

Brotaþoli lýsti því meðal annars í viðtali við DV að maðurinn hefði miklar ranghugmyndir vegna fíkniefnaneyslu og hefði sagst vera með klofinn persónuleika.
 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.