Boðað til mótmæla vegna stöðunnar í kjaradeilu ljósmæðra: „Vanvirðing við konur“ Sunna Kristín Hilmarsdóttir skrifar 2. júlí 2018 23:15 Þær ljósmæður sem sagt hafa upp störfum á Landspítalanum lögðu skó sína á tröppur Stjórnarráðsins í gær í táknrænum gjörningi. vísir/sunna sæmundsdóttir Þegar þetta er skrifað hafa tæplega 400 manns boðað komu sína á samstöðu- og mótmælafund vegna ljósmæðradeilunnar á fimmtudagsmorgun við húsnæði ríkissáttasemjara í Borgartúni. Boðað er til fundarins klukkan 10, á sama tíma og samninganefnd ljósmæðra og samninganefnd ríkisins eiga sáttafund í kjaradeilu sem hefur staðið yfir síðan síðastliðið haust. Oddný Arnarsdóttir, barnshafandi kona sem á bókaða gangsetningu þann 1. ágúst næstkomandi, stofnaði viðburð fyrir samstöðufundinn á Facebook undir yfirskriftinni Stöndum með ljósmæðrum! Samstöðufundur/mótmæli. „Þetta er náttúrulega samstaða með ljósmæðrum og mótmæli gegn því að ekki sé samið við þær,“ segir Oddný í samtali við Vísi.Frá síðasta samningafundi í deilunni síðastliðinn fimmtudag.fréttablaðið/ernirEkki staða sem konur vilja vera í með börnin sín Tólf ljósmæður hættu störfum á meðgöngu- og sængurlegudeild Landspítalans í gær. Þá hafa ljósmæður samþykkt yfirvinnubann sem tekur gildi um miðjan þennan mánuð náist ekki að semja. Alls hafa þrjátíu ljósmæður sagt upp störfum á Landspítalanum en í kvöldfréttum RÚV var greint frá því að níu ljósmæður hefðu sagt upp í síðustu viku. Aðgerðaáætlun Landspítalans hefur verið virkjuð vegna uppsagna ljósmæðra en aðspurð hvernig henni líði fyrir fæðinguna í ljósi ástandsins segir Oddný að óvissan sé mikil. „Þetta er svolítið erfitt. Þetta vekur óvissu. Það kemur til dæmis fram í aðgerðaáætlun Landspítalans að gangsetningar geti riðlast til og að keisarar verði fluttir á Akranes og Akureyri. Þarna er verið að setja verðandi mæður í ómögulega aðstöðu og börnin líka. Það er ekki þar með sagt að ég treysti ekki Akranesi og Akureyri, óvissan er bara svo mikil. Fyrir utan það að eftir keisara liggurðu inni í nokkra daga og stundum líka eftir gangsetningu. Þetta er ekki staða sem konur vilja vera í með börnin sín,“ segir Oddný. Hún segist skilja að verið sé að bregðast við vanda á spítalanum. „En við skiljum ekki af hverju það er ekki samið við ljósmæður.“Frá samstöðufundi með ljósmæðrum við húsnæði ríkissáttasemjara fyrr á árinu.vísir/rakelÓtrúlega mikilvæg stétt fyrir mæður, börn og feður á vissum tíma í þeirra lífi Oddný bendir á að ljósmæður séu kvennastétt sem sé ótrúlega mikilvæg fyrir mæður, börn og feður á vissum tíma í þeirra lífi. „Það er verið að fylgjast með manni í níu mánuði og svo áfram. Þannig að ég held að þetta sé eitthvað sem almenningur skilur ekki að það sé ekki hægt að koma til móts við þær. Þetta er líka einhvern veginn vanvirðing við konur, bæði sem kvennastétt og konur sem mæður,“ segir Oddný. Þessi orð hennar enduróma pistil sem Sóley Tómasdóttir, fyrrverandi oddviti Vinstri grænna í Reykjavík, ritaði á Facebook í kvöld og deilt var á síðu samstöðufundarins. Þar segir Sóley að hún eigi erfitt með að koma því tilfinningum sínum vegna ljósmæðradeilunnar í orð en hún ætli samt að reyna. Í pistlinum segir Sóley að kvenfrelsi á Íslandi sé í hættu vegna þeirrar stöðu sem upp er komin í deilunni. „Sú vanvirðing sem ríkisvaldið sýnir þessari mikilvægu kvennastétt og fæðandi konum er til marks um að konur, reynsluheimur kvenna og framlag þeirra til samfélagsins sé einskis virði. Ríkisvald sem ber ekki virðingu fyrir fæðingum er ekki líkleg til að bera virðingu fyrir öðru því sem konur taka sér fyrir hendur eða leggja sig fram um að tryggja öryggi kvenna (og barna) á öðrum vettvangi. Þessi framkoma vekur litla von um að laun kvennastétta verði leiðrétt, að ofbeldi verði upprætt eða að tekið sé mið af sjónarmiðum og reynsluheimi kvenna í annarri pólítískri ákvarðanatöku. Þvert á móti er hún til marks um lítilsvirðingu,“ segir í pistli Sóleyjar sem lesa má í heild sinni hér.Þá má nálgast nánari upplýsingar um fundinn á fimmtudag hér. Kjaramál Tengdar fréttir Ljósmæður vilja leiðréttingu en ekki hækkun um fram aðra Ljósmæður samþykktu yfirvinnubann í gær en það tekur gildi eftir rúmar tvær vikur ef samningar nást ekki. Formaður samninganefndar ljósmæðra vonar að til þess komi ekki. 2. júlí 2018 07:00 Sakar fjármálaráðherra um ábyrgðarleysi og hroka í kjaradeilu Formaður samninganefndar ljósmæðra sakar fjármálaráðherra um ábyrgðarleysi og hroka. Hann svari ekki skilaboðum og hafi gefið út að kröfur þeirra ógni stöðuleika meðan hann hafi sjálfur þegið tugprósenta launahækkun á síðasta ári. Formaðurinn hefur sagt starfi sínu sem ljósmóðir lausu. 2. júlí 2018 19:00 Mest lesið Harma banaslysið og hafa uppfært verkferla Innlent Svandís og Sigurður Ingi sögð bakka upp bílastæðagjöldin Innlent Festust á hvolfi í hálftíma Erlent Of snemmt að kenna bikblæðingum um Innlent Katrín kemur fram í fyrsta sinn frá krabbameinsgreiningu Erlent Tveimur haldið sofandi vegna slyssins Innlent Alvarlegt rútuslys í Öxnadal Innlent Guðni snýr aftur í sagnfræðina Innlent Þeir sem „brjóta alvarlega af sér“ verði sviptir dvalarleyfum Innlent Krefst landsvæðis og að Úkraína dragi NATO-umsóknina til baka Erlent Fleiri fréttir Efast um að ráðherrar nái fram markmiði sínu Tveimur haldið sofandi vegna slyssins Rútuslys í Öxnadal og meintar rangfærslur ráðherra Guðni snýr aftur í sagnfræðina Leita að nýju húsnæði fyrir kaffistofu Samhjálpar Öxnadalsheiði opin á ný Harma banaslysið og hafa uppfært verkferla Bein útsending: Brautskráningar Háskóla Íslands Svandís og Sigurður Ingi sögð bakka upp bílastæðagjöldin Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Sjá meira
Þegar þetta er skrifað hafa tæplega 400 manns boðað komu sína á samstöðu- og mótmælafund vegna ljósmæðradeilunnar á fimmtudagsmorgun við húsnæði ríkissáttasemjara í Borgartúni. Boðað er til fundarins klukkan 10, á sama tíma og samninganefnd ljósmæðra og samninganefnd ríkisins eiga sáttafund í kjaradeilu sem hefur staðið yfir síðan síðastliðið haust. Oddný Arnarsdóttir, barnshafandi kona sem á bókaða gangsetningu þann 1. ágúst næstkomandi, stofnaði viðburð fyrir samstöðufundinn á Facebook undir yfirskriftinni Stöndum með ljósmæðrum! Samstöðufundur/mótmæli. „Þetta er náttúrulega samstaða með ljósmæðrum og mótmæli gegn því að ekki sé samið við þær,“ segir Oddný í samtali við Vísi.Frá síðasta samningafundi í deilunni síðastliðinn fimmtudag.fréttablaðið/ernirEkki staða sem konur vilja vera í með börnin sín Tólf ljósmæður hættu störfum á meðgöngu- og sængurlegudeild Landspítalans í gær. Þá hafa ljósmæður samþykkt yfirvinnubann sem tekur gildi um miðjan þennan mánuð náist ekki að semja. Alls hafa þrjátíu ljósmæður sagt upp störfum á Landspítalanum en í kvöldfréttum RÚV var greint frá því að níu ljósmæður hefðu sagt upp í síðustu viku. Aðgerðaáætlun Landspítalans hefur verið virkjuð vegna uppsagna ljósmæðra en aðspurð hvernig henni líði fyrir fæðinguna í ljósi ástandsins segir Oddný að óvissan sé mikil. „Þetta er svolítið erfitt. Þetta vekur óvissu. Það kemur til dæmis fram í aðgerðaáætlun Landspítalans að gangsetningar geti riðlast til og að keisarar verði fluttir á Akranes og Akureyri. Þarna er verið að setja verðandi mæður í ómögulega aðstöðu og börnin líka. Það er ekki þar með sagt að ég treysti ekki Akranesi og Akureyri, óvissan er bara svo mikil. Fyrir utan það að eftir keisara liggurðu inni í nokkra daga og stundum líka eftir gangsetningu. Þetta er ekki staða sem konur vilja vera í með börnin sín,“ segir Oddný. Hún segist skilja að verið sé að bregðast við vanda á spítalanum. „En við skiljum ekki af hverju það er ekki samið við ljósmæður.“Frá samstöðufundi með ljósmæðrum við húsnæði ríkissáttasemjara fyrr á árinu.vísir/rakelÓtrúlega mikilvæg stétt fyrir mæður, börn og feður á vissum tíma í þeirra lífi Oddný bendir á að ljósmæður séu kvennastétt sem sé ótrúlega mikilvæg fyrir mæður, börn og feður á vissum tíma í þeirra lífi. „Það er verið að fylgjast með manni í níu mánuði og svo áfram. Þannig að ég held að þetta sé eitthvað sem almenningur skilur ekki að það sé ekki hægt að koma til móts við þær. Þetta er líka einhvern veginn vanvirðing við konur, bæði sem kvennastétt og konur sem mæður,“ segir Oddný. Þessi orð hennar enduróma pistil sem Sóley Tómasdóttir, fyrrverandi oddviti Vinstri grænna í Reykjavík, ritaði á Facebook í kvöld og deilt var á síðu samstöðufundarins. Þar segir Sóley að hún eigi erfitt með að koma því tilfinningum sínum vegna ljósmæðradeilunnar í orð en hún ætli samt að reyna. Í pistlinum segir Sóley að kvenfrelsi á Íslandi sé í hættu vegna þeirrar stöðu sem upp er komin í deilunni. „Sú vanvirðing sem ríkisvaldið sýnir þessari mikilvægu kvennastétt og fæðandi konum er til marks um að konur, reynsluheimur kvenna og framlag þeirra til samfélagsins sé einskis virði. Ríkisvald sem ber ekki virðingu fyrir fæðingum er ekki líkleg til að bera virðingu fyrir öðru því sem konur taka sér fyrir hendur eða leggja sig fram um að tryggja öryggi kvenna (og barna) á öðrum vettvangi. Þessi framkoma vekur litla von um að laun kvennastétta verði leiðrétt, að ofbeldi verði upprætt eða að tekið sé mið af sjónarmiðum og reynsluheimi kvenna í annarri pólítískri ákvarðanatöku. Þvert á móti er hún til marks um lítilsvirðingu,“ segir í pistli Sóleyjar sem lesa má í heild sinni hér.Þá má nálgast nánari upplýsingar um fundinn á fimmtudag hér.
Kjaramál Tengdar fréttir Ljósmæður vilja leiðréttingu en ekki hækkun um fram aðra Ljósmæður samþykktu yfirvinnubann í gær en það tekur gildi eftir rúmar tvær vikur ef samningar nást ekki. Formaður samninganefndar ljósmæðra vonar að til þess komi ekki. 2. júlí 2018 07:00 Sakar fjármálaráðherra um ábyrgðarleysi og hroka í kjaradeilu Formaður samninganefndar ljósmæðra sakar fjármálaráðherra um ábyrgðarleysi og hroka. Hann svari ekki skilaboðum og hafi gefið út að kröfur þeirra ógni stöðuleika meðan hann hafi sjálfur þegið tugprósenta launahækkun á síðasta ári. Formaðurinn hefur sagt starfi sínu sem ljósmóðir lausu. 2. júlí 2018 19:00 Mest lesið Harma banaslysið og hafa uppfært verkferla Innlent Svandís og Sigurður Ingi sögð bakka upp bílastæðagjöldin Innlent Festust á hvolfi í hálftíma Erlent Of snemmt að kenna bikblæðingum um Innlent Katrín kemur fram í fyrsta sinn frá krabbameinsgreiningu Erlent Tveimur haldið sofandi vegna slyssins Innlent Alvarlegt rútuslys í Öxnadal Innlent Guðni snýr aftur í sagnfræðina Innlent Þeir sem „brjóta alvarlega af sér“ verði sviptir dvalarleyfum Innlent Krefst landsvæðis og að Úkraína dragi NATO-umsóknina til baka Erlent Fleiri fréttir Efast um að ráðherrar nái fram markmiði sínu Tveimur haldið sofandi vegna slyssins Rútuslys í Öxnadal og meintar rangfærslur ráðherra Guðni snýr aftur í sagnfræðina Leita að nýju húsnæði fyrir kaffistofu Samhjálpar Öxnadalsheiði opin á ný Harma banaslysið og hafa uppfært verkferla Bein útsending: Brautskráningar Háskóla Íslands Svandís og Sigurður Ingi sögð bakka upp bílastæðagjöldin Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Sjá meira
Ljósmæður vilja leiðréttingu en ekki hækkun um fram aðra Ljósmæður samþykktu yfirvinnubann í gær en það tekur gildi eftir rúmar tvær vikur ef samningar nást ekki. Formaður samninganefndar ljósmæðra vonar að til þess komi ekki. 2. júlí 2018 07:00
Sakar fjármálaráðherra um ábyrgðarleysi og hroka í kjaradeilu Formaður samninganefndar ljósmæðra sakar fjármálaráðherra um ábyrgðarleysi og hroka. Hann svari ekki skilaboðum og hafi gefið út að kröfur þeirra ógni stöðuleika meðan hann hafi sjálfur þegið tugprósenta launahækkun á síðasta ári. Formaðurinn hefur sagt starfi sínu sem ljósmóðir lausu. 2. júlí 2018 19:00