Brynjar skilur eftir sig magnaða tölfræði og mörg met sem leikmaður KR
Körfuboltamaðurinn Brynjar Þór Björnsson hefur yfirgefið KR og samið við Tindastól í Domino´s deild karla eins og fram kom á Vísi fyrr í dag.
Fyrirliði Íslandsmeistaraliðs KR undanfarin fimm ár hefur slegið flest virtustu metin á tíma sínum í Vesturbænum og hann skilur eftir sig magnaða tölfræði.
Tímabilið í vetur var það þrettánda sem Brynjar spilar með KR í úrvalsdeildinni en hann lék eitt ár sem atvinnumaður í Svíþjóð og var einnig hálft tímabil við nám í Bandaríkjunum.
Fyrsta tímabil Brynjars var tímabilið 2004-05. Hann vann sinn fyrsta Íslandsmeistaratitil 2007 og hefur undanfarin fimm ár lyft ellefu stórum bikunum sem fyrirliði KR-liðsins.
Brynjar eignaðist stigametið hjá KR í úrvalsdeild karla í vetur en það var áður í eigu Guðna Guðnasonar. Brynjar hafði áður slegið leikjametið. Tölfræði Brynjars í úrslitakeppninni er síðan algjörlega sér á báti hjá KR.
Hér fyrir neðan má sjá yfirlit yfir helstu tölfræði Brynjars sem leikmanns KR í efstu deild karla í körfubolta.
Ferill Brynjars Þórs Björnssonar hjá KR í tölum:
13 tímabil í úrvalsdeild
75,8 prósent sigurhlutfall í úrvalsdeild (194 sigrar - 62 töp)
68,4 prósent sigurhlutfall í úrslitakeppni úrvalsdeildar (78 sigrar - 36 töp)
13,1 stig að meðaltali í leik í úrvalsdeild
11,9 stig að meðaltali í leik í úrslitakeppni úrvalsdeildar
Ferillinn í nokkrum staðreyndum:
370 leikir með KR á Íslandsmóti (úrvalsdeild+úrslitakeppni)
4704 stig í leikjum með KR á Íslandsmóti (úrvalsdeild+úrslitakeppni)
870 þristar í leikjum með KR á Íslandsmóti (úrvalsdeild+úrslitakeppni)
Tíu 200 stiga tímabil með KR í úrvalsdeild (deildarkeppni)
Sjö 50 þrista tímabil með KR í úrvalsdeild (deildarkeppni)
8 Íslandsmeistaratitlar
6 deildarmeistaratitlar í úrvalsdeild
3 bikarmeistaratitlar
Hefur fimm sinnum lyft Íslandsmeistarabikarnum
Nokkur met sem Brynjar Þór Björnsson á líka hjá KR í úrvalsdeild:
256 leikir fyrir KR í úrvalsdeild
3353 stig fyrir KR í úrvalsdeild
620 þristar fyrir KR í úrvalsdeild
194 sigurleikir spilaðir með KR í úrvalsdeild
114 leikir fyrir KR í úrslitakeppni úrvalsdeildar
1351 stig fyrir KR í úrslitakeppni úrvalsdeildar
250 þristar fyrir KR í úrslitakeppni úrvalsdeildar
78 sigurleikir spilaðir með KR í úrslitakeppni úrvalsdeildar
