Tónlist

Fimmtíu ný atriði kynnt á Airwaves

Stefán Árni Pálsson skrifar
Natalie Prass kemur fram á hátíðinni.
Natalie Prass kemur fram á hátíðinni.

Tónlistarhátíðin Iceland Airwaves gaf í dag út sína þriðju tilkynningu þegar forsvarsmenn Airwaves kynntu fimmtíu atriði sem koma fram.

Tónlistarhátíðin fer fram 7. - 10. nóvember í miðbæ Reykjavíkur. Meðal þeirra sem kynntir eru til leiks að þessu sinni eru Natalie Prass frá Bandaríkjunum, breska brautryðjandann Nadine Shah og stóran hóp af spennandi og upprennandi tónlistarmönnum á borð við ástralska söngfuglinn Stella Donnelly, rapparann Jimothy Lacoste frá Norður Lundúnum og belgíska/egypska listamanninn Tamino. Hin ástsæla Eivør frá Færeyjum snýr einnig aftur á Airwaves með sérstakan viðburð sem kynntur verður betur síðar.

Iceland Airwaves á 20 ára afmæli í ár og verður því boðið upp á ýmsa sérviðburði. Ólafur Arnalds spilar á tvennum tónleikum þar sem hann mun forsýna sérstaka tónleika fyrir þrjú píanó í Þjóðleikhúsinu. Högni mun einnig halda sérstaka tónleika í Þjóðleikhúsinu þar sem hann kemur fram með kór og strengjasveit. Íslenska rappið kemur einnig sterkt inn með Sturlu Atlas og Emmsjé Gauta og Sóley munu koma fram.

Í tilkynningunni kemur fram að Iceland Airwaves sé meðlimur Keychange verkefnisins þar sem tónlistarhátíðir skuldbinda sig til þess að hafa minnst fimmtíu prósent af hljómsveitum þar sem konur, kynsegin eða trans fólk eru meðlimir. Keychange hljómsveitirnar í ár eru Kat Frankie, Mari Kalkun, Mueverloreina, Tawiah og Vaz.

Hér að neðan má sjá þá listamenn sem tilkynntir voru í dag:

ALÞJÓÐLEG ATRIÐI KYNNT NÚNA:

NATALIE PRASS (US)
NADINE SHAH (UK)
STELLA DONNELLY (AU)
CRUMB (US)
DANNY & THE VEETOS (FO)
EIVØR (FO)
FIEH (NO)
INJURY RESERVE (US)
JIMOTHY LACOSTE (UK)
NANOOK (GL)
OFF BLOOM (DK)
PHILIP EMILIO (NO)
RIZAN SAID (SY)
SURMA (PT)
TAMINO (BE/EG)
TIERRA WHACK (US)
TUVABAND (NO)

KEYCHANGE LISTAMENN:
KAT FRANKIE (DE/AU)
MARI KALKUN (EE)
MUEVELOREINA (ES)
TAWIAH (UK)
VAZ (SE)

ÍSLENSK ATRIÐI KYNNT NÚNA:
ÓLAFUR ARNALDS
HÖGNI
SÓLEY
MR. SILLA
EMMSJÉ GAUTI
BERNDSEN
STURLA ATLAS
DAÐI FREYR
BIRNIR
AFK
ANDARTAK
BEEBEE AND THE BLUEBIRDS
BIRGIR
EINARINDRA
FUTURE FIGMENT
GLERAKUR
HINEMOA
JOEY CHRIST
KARITAS
KEF LAVÍK
KÖTT GRÁ PJÉ
MIGHTY BEAR
MUNSTUR
RING OF GYGES
SHAKES
SURA
SVALA
VAR
VIO

SIGURVEGARAR MÚSÍKTILRAUNA 2018:
ATERIA
LJÓSFARI
MÓRÓKÓAR
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira