Innlent

Ljósmæður og átök um evrópumál í Víglínunni

Sylvía Rut Sigfúsdóttir skrifar
Ágúst Ólafur Ágústsson, þingmaður Samfylkingarinnar, Svandís Svavarsdóttir heilbrigðisráðherra og Birgir Þórarinsson, þingmaður Miðflokksins, ræða málin í Víglínunni í dag.
Ágúst Ólafur Ágústsson, þingmaður Samfylkingarinnar, Svandís Svavarsdóttir heilbrigðisráðherra og Birgir Þórarinsson, þingmaður Miðflokksins, ræða málin í Víglínunni í dag. Vísir

Svandís Svavarsdóttir heilbrigðisráðherra stendur í ströngu þessar vikurnar við að móta nýja stefnu í heilbrigðismálum á sama tíma og uppsagnir ljósmæðra á Landspítalanum liggja í loftinu. Þótt samningsumboðið við þær heyri ekki undir hennar ráðuneyti heldur fjármálaráðuneytið yrðu afleiðingarnar af uppsögnum tuga ljósmæðra úrlausnarefni heilbrigðisyfirvalda. Svandís mætir í Víglínuna til Heimis Más Péturssonar fréttamanns til að ræða þessi mál og fleiri á Stöð 2 og Vísi í hádeginu. En í dag er alþjóðlegur dagur ljósmæðra.

Samskipti Íslands við Evrópusambandið í gegnum samninginn um evrópska efnahagssvæðið hafa verið nokkuð í umræðunni. Þar má greina undirliggjandi strauma frá þeim hugsa Evrópusambandinu þegjandi þörfina og gera í því að draga upp dökka mynd af áhrifum EES samningsins þegar kemur að þeim skuldbindingum sem fylgja því að vera aðilar að samningnum.

Til að ræða þessi mál og fleiri sem efst eru á baugi koma þeir Birgir Þórarinsson þingmaður Miðflokksins og Ágúst Ólafur Ágústsson þingmaður Samfylkingarinnar í Víglínuna. Segja má að þeir hafi verið talsmenn andstæðra sjónarmiða í umræðum um afnám tolla á landbúnaðarvörum frá Evrópusambandinu á Alþingi í vikunni. Hin hliðin á þeim peningi eru auknar heimildir Íslendinga til útflutnings landbúnaðarafurða til evrópusambandsríkjanna.

Víglínan er í opinni dagskrá og í beinni útsendingu á Stöð 2 og Vísi klukkan 12:20.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.