Tíska og hönnun

Gegnsætt fjaðurmagnað og flögrandi í sumar

Köntuð hálsmál klæða flesta og í sumar má finna þau í öllu, frá hvítum stuttermabolum yfir í glæsilega kokteilkjóla eins og þennan frá Adeam.
Köntuð hálsmál klæða flesta og í sumar má finna þau í öllu, frá hvítum stuttermabolum yfir í glæsilega kokteilkjóla eins og þennan frá Adeam.

Frá því í haust hefur það verið í deiglunni hvað verður raunverulega það heitasta eða svalasta að klæðast í sumar. Nú eru tískulínur teknar að skýrast og nokkrir þræðir virðast ætla að vera gegnumgangandi þegar sól hækkar á lofti.













Gegnsætt gala. Næstum því of gott til að vera satt! Ekki bara verða gúmmíkjólar í tísku í sumar heldur líka gegnsæir plastskór, hanskar, töskur og hettur. Syngjum saman í regninu í sumar.

Við hér á Íslandi, þar sem rignir bróðurpart sumars, getum sannarlega fagnað sumartískunni þar sem ýmiss konar vatns - og vindheldur glamúr er í kortunum.

Fjaðrafok. Stórar og flögrandi strútsfjaðrir taka flugið í sumar eins og sjá má á þessari þægilegu flík frá Caroline Herrera.

Gúmmí er ekki bara fyrir stígvél og uppþvott. Klæðilegir galakjólar úr hreinu gúmmíi eiga örugglega eftir að slá í gegn á útihátíðunum, sérstaklega í rigningu og roki og passa fáránlega vel við gegnsæja plastskó, hanska, töskur og hettur sem líka sáust (eða ekki) á tískusýningarpöllunum. Syngjum saman í regninu.

Söngkonan Tameka 'Tiny' Cottle mætti á frumsýninguna á 'Fifty Shades Darker' í gúmmíkjól en glæsikjólar út gúmmíi hljóta að verða það allra heitasta á útihátíðum í sumar.

Í öðrum gagnsæjum fréttum er það helst að fallegar nærbuxur eiga erindi við alla. Fendi lagskipti gagnsæjum efnum á sýningu sinni og þar með sáust nærbuxurnar eins og óvart en samt ekki en Adam Selman lét skína í perlustrengi undir hálfgagnsæjum kjól. Nærbuxurnar sem svo eru til sýnis eru almennt frekar efnismiklar og ekki verra ef þær ríma við brjóstahaldara og sokka sem jafnvel gæti glitt í líka með góðum vilja. 

Meg Ryan mætti í þessari glæsilegu snjóhvítu buxnadragt á sýningu hjá Christian Siriano á tískuvikunni í New York á dögunum.

Litirnir í sumar verða ljósfjólublár og hvítur annars vegar fyrir þá sem vilja hafa það náðugt en sterkir bleikur og rauður grípa augað hvert sem litið er að mati Coach 1941, Brandon Maxwell og Oscar de la Renta. Það er gaman að segja frá því að af tómri tilviljun var þessi litasamsetning kynnt í öllum betri verslunum og tískuvikum í tæka tíð fyrir Valentínusardaginn í gær.

Victoria Beckham veðjar á ljósfjólubláan lavender sem næsta tískulitinn.

Buxnadragtir virðast vera mikið teknar á tískupöllunum enda bæði þægilegar og klæðilegar og dökk gallaefni eru einnig að koma aftur, bæði í buxum og jökkum.  Köntuð hálsmál klæða flesta og í sumar má finna þau í öllu, allt frá hvítum stuttermabolum yfir í glæsilega kokteil­kjóla, segja fulltrúar tískuhúsa þeirra Carolina Herrera, Christian Dior og Rodarte.

Augnaæði Sterkir bleikur og rauður grípa augað hvert sem litið er í vor og sumar og hér má sjá hvernig Oscar de la Renta útfærir þessa eldfimu samsetningu.

Flestir leita í blómamynstur þegar sól hækkar á lofti en doppur verða klárlega í öðru sæti. Svarthvítar doppur verða í aðalhlutverki en einnig má sjá alls kyns doppur á svörtum eða hvítum grunni.

Kögrandi klæðaburður Monse hönnunarteymið lét sitt ekki eftir liggja þegar kögrið var annarsvegar á tískuvikunni í New York á dögunum.

Þá munu stórar og flögrandi strútsfjaðrir taka flugið í sumar, um það eru tískuhús Saint Laurent og Maison Margiela sammála.

Fallegar nærbuxur eiga erindi við alla. Fendi lagskipti gagnsæjum efnum á sýningu sinni í haust og þar með sáust nærbuxurnar.

Og fleira flögrar. Kögrið er hvergi bangið þessa dagana og nú er ekkert verið að vesenast með að sauma það á, ef þú vilt kögur þarf helst að líta út fyrir að þú hafi bara ekki staðist mátið og klippt sundur fötin þín. Monse-hönnunarteymið sem tók saman fyrir þremur árum og hefur gert garðinn frægan með klæðilegum kvenfatnaði lét sitt ekki eftir liggja þegar kögrið var annars vegar á tískuvikunni í New York á dögunum.

Það verður því auðvelt að finna glæsileikann í rigningunni í sumar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira