Bíó og sjónvarp

Áhrifavaldar Íslands mættu á forsýningu á Fullum Vösum

Stefán Árni Pálsson skrifar
Egill Ploder, Nökkvi Fjalar, Aron Mola og Birgitta Líf voru að sjálfsögðu á svæðinu.
Egill Ploder, Nökkvi Fjalar, Aron Mola og Birgitta Líf voru að sjálfsögðu á svæðinu.

Kvikmyndin Fullir Vasar var forsýnd í Smárabíó í gærkvöldi og var troðfullt úr úr dyrum.

Fullir Vasar fjallar um fjóra menn sem ræna banka til að eiga fyrir tugmilljóna skuldum eins þeirra við hættulegasta mann Íslands og fer þá af stað atburðarás sem enginn sá fyrir.

Þó að aðalleikarar myndarinnar séu flestum landsmönnum góðkunnir, og þá sérstaklega snjallsímakynslóðinni, þá er þetta frumraun þeirra flestra á hvíta tjaldinu. Hjálmar Örn Jóhannsson, snappari og skemmtikraftur, fer með aðalhlutverk myndarinnar en í stærstu hlutverkunum auk hans eru Aron Már og Áttumennirnir Egill Ploder Ottósson og Nökkvi Fjalar Orrason.

Allir eiga þeir það sameiginlegt að vera meðal vinsælustu Íslendinganna á Snapchat.  Anton Ingi Sigurðsson leikstýrði kvikmyndinni.

Þá þurfti því ekki að koma á óvart að helstu áhrifavaldar landsins voru mættir á forsýninguna eins og sjá má hér að neðan. Kvikmyndin verður síðan frumsýnd um land allt þann 23. febrúar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.