Fáir leikmenn hafa bætt sig jafn mikið milli tímabila og Jóhann Berg Ingvi Þór Sæmundsson skrifar 5. febrúar 2018 07:00 Jóhann Berg Guðmundsson í leiknum á móti Manchester City. Vísir/Getty Burnley varð á laugardaginn aðeins fjórða liðið til að taka stig af Manchester City í ensku úrvalsdeildinni þegar þau mættust á Turf Moor. Heimamenn gátu þakkað Jóhanni Berg Guðmundssyni fyrir stigið en hann jafnaði metin í 1-1 þegar átta mínútur voru til leiksloka. Brasilíski bakvörðurinn Danilo kom City yfir á 22. mínútu en í fyrsta sinn í 26 deildarleikjum tókst liðinu ekki að vinna eftir að hafa skorað fyrsta markið. Jafntefli gegn langbesta liði ensku úrvalsdeildarinnar eru frábær úrslit fyrir Burnley, sérstaklega í ljósi þess að liðinu hefur ekki gengið vel að undanförnu. Burnley er án sigurs í síðustu níu leikjum en er þrátt fyrir það í 7. sæti deildarinnar. „Við höfum ekki unnið í nokkrum leikjum í röð en við höfum spilað erfiða leiki og náðum í stig gegn báðum Manchester-liðunum. Við höfum spilað ágætlega og þurfum bara að halda áfram,“ segir Jóhann Berg. „Við höfum verið inni í öllum leikjunum, nema gegn Tottenham á heimavelli. Við þurfum að vera þolinmóðir og við vitum að sigrarnir munu koma.“Maður leiksins hjá Sky Sports Kantmaðurinn úr Kópavoginum fékk góða dóma fyrir frammistöðu sína gegn City. Sky Sports valdi hann t.a.m. mann leiksins. Íslenski landsliðsmaðurinn var mikið í boltanum, sinnti varnarvinnunni að venju vel, skapaði þrjú færi og skoraði markið mikilvæga. Þetta var annað mark Jóhanns Berg á tímabilinu. Hitt kom í 1-2 tapi fyrir Liverpool á nýársdag. Þá, líkt og í leiknum á laugardaginn, var Jóhann Berg vel staðsettur á fjærstönginni og kláraði færið af yfirvegun. „Þetta var frábær sending hjá [Matt] Lowton. Það var erfitt að klára færið því boltinn skoppaði aðeins fyrir framan mig,“ segir Jóhann Berg um markið sitt. Ederson, markvörður City, var með hönd á bolta en náði ekki að verja. Brassinn átti annars frábæran leik í marki City og varði m.a. meistaralega frá Aaron Lennon í seinni hálfleik.Jóhann Berg Guðmundsson fagnar eftir að hafa skorað jöfnunarmark Burnley gegn Manchester City. Danilo, sem skoraði mark City, er ekki jafn ánægður með stöðu mála. Burnley er í góðri stöðu í 7. sæti ensku úrvalsdeildarinnar.vísir/getty Enginn komið að fleiri mörkum Auk markanna tveggja hefur Jóhann Berg gefið fimm stoðsendingar í ensku úrvalsdeildinni í vetur. Hann hefur því komið með beinum hætti að sjö mörkum Burnley, fleiri en nokkur annar leikmaður liðsins. Burnley hefur aðeins skorað 21 mark á tímabilinu og Jóhann Berg hefur átt beinan þátt í þriðjungi þeirra sem er ansi flott tölfræði. Fáir leikmenn í ensku úrvalsdeildinni hafa bætt sig jafn mikið milli tímabila og Jóhann Berg. Hann átti ágætis spretti í fyrra en meiðsli settu strik í reikning hans. Jóhann Berg meiddist einmitt í heimaleiknum gegn City á síðasta tímabili, eftir að hafa spilað vel í nokkrum leikjum þar á undan, og komst ekki á alvöru flug eftir það. Í vetur hefur Jóhann Berg sloppið við meiðsli, spilað 25 af 26 leikjum Burnley í ensku úrvalsdeildinni og klárað þá flesta. Enginn leikmaður Burnley hefur komið við sögu í jafn mörgum deildarleikjum í vetur og Jóhann Berg. Hann er ekki bara að spila meira, heldur spila betur og er orðinn lykilmaður í liði Burnley. Auk þess að hafa átt flott tímabil með Burnley hefur Jóhann Berg aldrei spilað betur með íslenska landsliðinu en í undankeppni HM 2018. Hann er í stöðugri framþróun sem leikmaður og á vonandi enn meira inni.Vísir/Getty Ævintýrið á Turf Moor Jóhann Berg er á góðum stað og í góðum höndum hjá Burnley. Þótt strákunum hans Seans Dyche hafi gengið brösuglega að undanförnu stefnir allt í að þetta verði besta tímabil Burnley í nokkra áratugi. Liðið lenti í 6. sæti efstu deildar tímabilið 1973-74 og 10. sæti tímabilið þar á eftir. Burnley endar væntanlega á svipuðum slóðum í ár sem yrði frábær árangur. Dyche hefur gert kraftaverk með lið Burnley sem hefur bætt sig milli tímabila án þess að eyða háum fjárhæðum í leikmenn. Hið alræmda annað tímabilið er ekkert að stríða mönnum á Turf Moor. Burnley gat ekkert á útivelli í fyrra en í ár er staðan önnur. Liðið er með sjötta besta útivallarárangurinn í ensku úrvalsdeildinni og hefur náð í stig á Old Trafford, Stamford Bridge, Anfield og Wembley. Burnley hefur alls náð í 36 stig í vetur en fékk 40 stig allt síðasta tímabil. Framfarirnar eru því miklar. Enski boltinn Mest lesið Treystir sér ekki að skoða myndir sem teknar voru rétt eftir samstuðið Íslenski boltinn Skíðastjarna Ítalíu og kærasta hans létust í slysi í Ölpunum Sport Helsti styrktaraðili Liverpool sakaður um tengsl við hryðjuverkasamtök Enski boltinn Tröllvaxinn tólf ára leikmaður nýjasta undrabarn Barcelona Körfubolti City fer í mál við ensku úrvalsdeildina: „Ógnarstjórn meirihlutans“ Enski boltinn „Veit ekki hvað kom yfir mig“ Fótbolti Einkunnir Íslands: Karólína Lea best meðal jafningja Fótbolti Sveindís: Við höfum þetta í okkar höndum og við ætlum okkur beint á EM Fótbolti Myndasyrpa frá sigrinum mikilvæga á Laugardalsvelli Fótbolti Dagskráin í dag: Norðurlandaslagur, hafnabolti og körfubolti Sport Fleiri fréttir City fer í mál við ensku úrvalsdeildina: „Ógnarstjórn meirihlutans“ Helsti styrktaraðili Liverpool sakaður um tengsl við hryðjuverkasamtök Segir enska knattspyrnusambandið vilja dæma Paquetá í lífstíðarbann Steve Bruce orðinn þreyttur á atvinnuleysinu: „Leicester, þið vitið hvar þið finnið mig“ United og Liverpool berjast um miðvörð Sporting Hareide yngri orðinn yfirmaður íþróttamála hjá ensku C-deildarliði Styttist í að Ten Hag fái að vita hvað framtíðin ber í skauti sér Maresca tekinn við hjá Chelsea Ferguson hafi átt leynilegan fund í Lundúnum Fyrrverandi leikmaður Arsenal og Everton alvarlega veikur á spítala Tvítugur norskur strákur vann Fantasy leik ensku úrvalsdeildarinnar Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rashford kveður samfélagsmiðla í bili og sendir smá pillu Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Sjá meira
Burnley varð á laugardaginn aðeins fjórða liðið til að taka stig af Manchester City í ensku úrvalsdeildinni þegar þau mættust á Turf Moor. Heimamenn gátu þakkað Jóhanni Berg Guðmundssyni fyrir stigið en hann jafnaði metin í 1-1 þegar átta mínútur voru til leiksloka. Brasilíski bakvörðurinn Danilo kom City yfir á 22. mínútu en í fyrsta sinn í 26 deildarleikjum tókst liðinu ekki að vinna eftir að hafa skorað fyrsta markið. Jafntefli gegn langbesta liði ensku úrvalsdeildarinnar eru frábær úrslit fyrir Burnley, sérstaklega í ljósi þess að liðinu hefur ekki gengið vel að undanförnu. Burnley er án sigurs í síðustu níu leikjum en er þrátt fyrir það í 7. sæti deildarinnar. „Við höfum ekki unnið í nokkrum leikjum í röð en við höfum spilað erfiða leiki og náðum í stig gegn báðum Manchester-liðunum. Við höfum spilað ágætlega og þurfum bara að halda áfram,“ segir Jóhann Berg. „Við höfum verið inni í öllum leikjunum, nema gegn Tottenham á heimavelli. Við þurfum að vera þolinmóðir og við vitum að sigrarnir munu koma.“Maður leiksins hjá Sky Sports Kantmaðurinn úr Kópavoginum fékk góða dóma fyrir frammistöðu sína gegn City. Sky Sports valdi hann t.a.m. mann leiksins. Íslenski landsliðsmaðurinn var mikið í boltanum, sinnti varnarvinnunni að venju vel, skapaði þrjú færi og skoraði markið mikilvæga. Þetta var annað mark Jóhanns Berg á tímabilinu. Hitt kom í 1-2 tapi fyrir Liverpool á nýársdag. Þá, líkt og í leiknum á laugardaginn, var Jóhann Berg vel staðsettur á fjærstönginni og kláraði færið af yfirvegun. „Þetta var frábær sending hjá [Matt] Lowton. Það var erfitt að klára færið því boltinn skoppaði aðeins fyrir framan mig,“ segir Jóhann Berg um markið sitt. Ederson, markvörður City, var með hönd á bolta en náði ekki að verja. Brassinn átti annars frábæran leik í marki City og varði m.a. meistaralega frá Aaron Lennon í seinni hálfleik.Jóhann Berg Guðmundsson fagnar eftir að hafa skorað jöfnunarmark Burnley gegn Manchester City. Danilo, sem skoraði mark City, er ekki jafn ánægður með stöðu mála. Burnley er í góðri stöðu í 7. sæti ensku úrvalsdeildarinnar.vísir/getty Enginn komið að fleiri mörkum Auk markanna tveggja hefur Jóhann Berg gefið fimm stoðsendingar í ensku úrvalsdeildinni í vetur. Hann hefur því komið með beinum hætti að sjö mörkum Burnley, fleiri en nokkur annar leikmaður liðsins. Burnley hefur aðeins skorað 21 mark á tímabilinu og Jóhann Berg hefur átt beinan þátt í þriðjungi þeirra sem er ansi flott tölfræði. Fáir leikmenn í ensku úrvalsdeildinni hafa bætt sig jafn mikið milli tímabila og Jóhann Berg. Hann átti ágætis spretti í fyrra en meiðsli settu strik í reikning hans. Jóhann Berg meiddist einmitt í heimaleiknum gegn City á síðasta tímabili, eftir að hafa spilað vel í nokkrum leikjum þar á undan, og komst ekki á alvöru flug eftir það. Í vetur hefur Jóhann Berg sloppið við meiðsli, spilað 25 af 26 leikjum Burnley í ensku úrvalsdeildinni og klárað þá flesta. Enginn leikmaður Burnley hefur komið við sögu í jafn mörgum deildarleikjum í vetur og Jóhann Berg. Hann er ekki bara að spila meira, heldur spila betur og er orðinn lykilmaður í liði Burnley. Auk þess að hafa átt flott tímabil með Burnley hefur Jóhann Berg aldrei spilað betur með íslenska landsliðinu en í undankeppni HM 2018. Hann er í stöðugri framþróun sem leikmaður og á vonandi enn meira inni.Vísir/Getty Ævintýrið á Turf Moor Jóhann Berg er á góðum stað og í góðum höndum hjá Burnley. Þótt strákunum hans Seans Dyche hafi gengið brösuglega að undanförnu stefnir allt í að þetta verði besta tímabil Burnley í nokkra áratugi. Liðið lenti í 6. sæti efstu deildar tímabilið 1973-74 og 10. sæti tímabilið þar á eftir. Burnley endar væntanlega á svipuðum slóðum í ár sem yrði frábær árangur. Dyche hefur gert kraftaverk með lið Burnley sem hefur bætt sig milli tímabila án þess að eyða háum fjárhæðum í leikmenn. Hið alræmda annað tímabilið er ekkert að stríða mönnum á Turf Moor. Burnley gat ekkert á útivelli í fyrra en í ár er staðan önnur. Liðið er með sjötta besta útivallarárangurinn í ensku úrvalsdeildinni og hefur náð í stig á Old Trafford, Stamford Bridge, Anfield og Wembley. Burnley hefur alls náð í 36 stig í vetur en fékk 40 stig allt síðasta tímabil. Framfarirnar eru því miklar.
Enski boltinn Mest lesið Treystir sér ekki að skoða myndir sem teknar voru rétt eftir samstuðið Íslenski boltinn Skíðastjarna Ítalíu og kærasta hans létust í slysi í Ölpunum Sport Helsti styrktaraðili Liverpool sakaður um tengsl við hryðjuverkasamtök Enski boltinn Tröllvaxinn tólf ára leikmaður nýjasta undrabarn Barcelona Körfubolti City fer í mál við ensku úrvalsdeildina: „Ógnarstjórn meirihlutans“ Enski boltinn „Veit ekki hvað kom yfir mig“ Fótbolti Einkunnir Íslands: Karólína Lea best meðal jafningja Fótbolti Sveindís: Við höfum þetta í okkar höndum og við ætlum okkur beint á EM Fótbolti Myndasyrpa frá sigrinum mikilvæga á Laugardalsvelli Fótbolti Dagskráin í dag: Norðurlandaslagur, hafnabolti og körfubolti Sport Fleiri fréttir City fer í mál við ensku úrvalsdeildina: „Ógnarstjórn meirihlutans“ Helsti styrktaraðili Liverpool sakaður um tengsl við hryðjuverkasamtök Segir enska knattspyrnusambandið vilja dæma Paquetá í lífstíðarbann Steve Bruce orðinn þreyttur á atvinnuleysinu: „Leicester, þið vitið hvar þið finnið mig“ United og Liverpool berjast um miðvörð Sporting Hareide yngri orðinn yfirmaður íþróttamála hjá ensku C-deildarliði Styttist í að Ten Hag fái að vita hvað framtíðin ber í skauti sér Maresca tekinn við hjá Chelsea Ferguson hafi átt leynilegan fund í Lundúnum Fyrrverandi leikmaður Arsenal og Everton alvarlega veikur á spítala Tvítugur norskur strákur vann Fantasy leik ensku úrvalsdeildarinnar Markavélin spennt fyrir skiptum til Arsenal Ekkert verður af kaupunum á Everton Bellamy tekur tímabundið við en Lampard er líklega langtímalausnin Red Bull ryður sér til rúms í enska boltanum Breyta deildabikarnum til að létta á leikjaálagi bestu liðanna Samkeppnin eykst hjá Hákoni um markmannstöðu Brentford Einn af hverjum fimm atvinnumönnum notar nikótínpúða Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool UEFA gæti fært United í Sambandsdeildina Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rashford kveður samfélagsmiðla í bili og sendir smá pillu Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Sjá meira