Kallaður „kaktuspungur“ og „perri“ á Facebook: „Þetta MeToo er bara komið í algjört rugl“ Þórdís Valsdóttir skrifar 27. janúar 2018 21:30 Sveinbjörn Guðjohnsen segist ekkert skammast sín fyrir að hafa gefið út músarmotturnar umdeildu. „Myndin var gerð af fúsum og frjálsum vilja, af konum. Þær voru margar sem hringdu og vildu komast á dagatölin í gamla daga fyrir ekki neitt, bara til að fá að vera með. Flottir skrokkar og flottar konur,“ segir Sveinbjörn Guðjohnsen hjá bílabúðinni H. Jónsson & Co. um mynd sem prentuð var á músarmottur sem fyrirtækið hefur gefið viðskiptavinum sínum. Hann segist ekkert skammast sín fyrir að hafa gefið út þessar mottur. Músarmotturnar hafa farið fyrir brjóstið á mörgum en myndin á músarmottunni sýnir þrjár konur standa við afgreiðsluborð, berar að neðan. Myndin umdeilda var tekin inni í bílabúðinni sjálfri og það glittir í Sveinbjörn á myndinni, en hann er maðurinn á bak við dagblaðið. „Þessi mynd er tekin fyrir svona 10-12 árum síðan, þetta eru bara konur sem komu þarna og voru til í að sitja fyrir og skömmuðust sín ekkert fyrir það. Það er ekkert klám þarna, enginn dónaskapur. Þetta eru bara fallegar konur,“ segir Sveinbjörn en hann byrjaði að vinna hjá bílabúðinni aðeins tíu ára gamall og var þá sendill. Sveinbjörn er hæstánægður með þá umræðu sem hefur skapast í kringum músarmotturnar og segir að viðskiptavinir hafi streymt til hans eftir fréttaflutning gærdagsins. „Þetta er alveg æðisleg auglýsing sem er búin að skila sér þarna.“ Fyrirtækið sem var upphaflega stofnað árið 1947 prentaði á fjórða hundrað eintaka af músarmottum sem viðskiptavinir geta tekið með sér að kostnaðarlausu og Sveinbjörn segir að upplagið sé ekki alveg búið. „Það streymdi að fólkið í gær og við höfum fengið mikið af e-mailum og annað þar sem verið er að biðja um þetta, í dag og í gær.“ Sveinbjörn hafnar því alfarið að þarna sé verið að hlutgera konur, en margir hafa gagnrýnt myndina á Facebook síðu bílabúðarinnar og sagt að þarna sé verið að gera konur að „hlut“ eða „vöru“. „Hlutgera? Kíktu á dagatalið hjá slökkviliðinu, er verið að hlutgera karla þá? Þetta er gert af fúsum og frjálsum vilja, þá er ekki verið að hlutgera neinn,“ segir Sveinbjörn.Ekkert á móti MeToo en segir það „komið út í rugl“ „Bara svo það komi skýrt fram þá er ég ekkert á móti MeToo og ég virði það alveg í botn, en þetta MeToo er bara komið í algjört rugl. Ég er svo sammála MeToo að öllu leyti nema konur eru búnar að ofgera þessu. Eins og þetta með motturnar, þetta er bara svo lítið mál og allt þjóðfélagið fer á hliðina,“ segir Sveinbjörn. Rúmlega þrjú hundruð manns hafa gefið bílabúðinni lélega einkunn og skrifað neikvæðar athugasemdir um motturnar á Facebook síðu þeirra síðasta sólarhringinn og Sveinbjörn segir að margar konur hafi skrifað dónalegar og niðrandi athugasemdir og þar með hlutgert hann. Hann tekur sem dæmi að hann hafi meðal annars verið kallaður „kaktuspungur“ og „perri“ í athugasemdunum. „Þetta er þeim virkilega til skammar. Þetta er konum ekki til uppdráttar og þær eru bara með þessu ljóta tali að láta vita af því hvað er á bak við þetta metoo, það er ekki nein fegurð sko,“ segir Sveinbjörn en hann segist þó taka gagnrýninni vel. „Ef þú skoðar öll þessi orð og tekur saman þá er það bara stórt efni út af fyrir sig hvernig konur eru að hugsa í dag.“ Fjölmargir hafa þó einnig skrifað jákvæðar athugasemdir um bílabúðina og Sveinbjörn segir að hann hafi líka fengið margar jákvæðar athugasemdir frá konum sem finnist þetta of langt gengið. Þá segist hann einnig hafa fengið fjölda símtala. „Ég fæ svo mikið af hringingum frá mönnum sem eru að þakka mér fyrir að þora að segja eitthvað í þessum heimi vegna þess að það er eins og það megi ekki segja neitt eða gera neitt því þá verða konur alveg brjálaðar út af einhverri smá músarmottu sem er saklaus og bara fallegar konur. Þær ættu að vera stoltar af því að sjá þarna fallegar konur.“Þeir bræður stofnuðu saman líkamsræktarstöðina Orkubót í byrjun níunda áratugs síðustu aldar. Orkubót var fyrsta líkamsræktarstöðin sinnar tegundar hér á landi.Morgunblaðið 25. júní 1981Ekki sá eini í fjölskyldunni sem ratað hefur í fjölmiðla Sveinbjörn er ekki sá eini í fjölskyldunni sem vakið hefur athygli í fjölmiðlum í vikunni. Bróðir hans Viðar bauð fram krafta sína í oddvitasæti Sjálfstæðisflokksins í Reykjavík. Vakti framboð hans mikla athygli vegna harðlínuhægri viðhorfa hans. Hann er til að mynda þeirrar skoðunar að „dópistar“ eigi ekki að fá hjálp og að velferðarkerfið á Íslandi sé eins og „segulstál“ fyrir íbúa þriðja heims ríkja.Sjá meira: Góðan daginn, Viðar Guðjohnsen hérna meginEn hvers vegna eru konurnar ekki klæddar að neðan? Blaðamaður velti upp þeirri spurningu hvers vegna konurnar á myndinni á músarmottunni væru ekki klæddar að neðan í þessum erindagjörðum í bílabúðinni og Sveinbjörn segir að þetta sé bara mynd. „Það var nú einn sem ég þekki og dóttir hans spurði að því af hverju þær væru berrassaðar og hann svaraði því að þær ættu bara eftir að klæða sig,“ segir Sveinbjörn glettinn. Sveinbjörn segir að það eigi ekki að gera þessa músarmottu að einhverju „klámdóti“. „Það er mikið bil á milli kláms og fallega skapaðrar konu.“ Að lokum segir Sveinbjörn að það geti vel verið að hann prenti fleiri músarmottur og hlær. MeToo Tengdar fréttir Segir eftirspurn eftir umdeildum músarmottum Músarmottur bílabúðarinnar H. Jónsson & Co. hafa verið harðlega gagnrýndar en forsvarsmaður búðarinnar segir ekkert athugavert við þær. 26. janúar 2018 14:11 Mest lesið Albert Guðmundsson verður ákærður fyrir kynferðisbrot Innlent Íslendingurinn sem slasaðist í háloftunum var á vegum Marels Innlent Telur víst að sala á Landsvirkjun komi á borð næsta forseta Innlent Vonar að þetta dugi til Innlent „ÁTVR dugar“ Innlent Sá sem át ekkert nema McDonalds í mánuð er fallinn frá Erlent Katrín að taka afgerandi forystu Innlent Björgólfur lýkur hópmálsókn með milljarðssátt Innlent Yrði stærsta lýðheilsuslys Íslandssögunnar Innlent Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent Fleiri fréttir Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Albert Guðmundsson verður ákærður fyrir kynferðisbrot Fyrirvari á eldgosi gæti orðið mjög stuttur Telur víst að sala á Landsvirkjun komi á borð næsta forseta Segja miður að móðir hafi upplifað að ekki væri hlustað á hana Íslendingurinn sem slasaðist í háloftunum var á vegum Marels Björgólfur lýkur hópmálsókn með milljarðssátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Vonar að þetta dugi til Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Sjá meira
„Myndin var gerð af fúsum og frjálsum vilja, af konum. Þær voru margar sem hringdu og vildu komast á dagatölin í gamla daga fyrir ekki neitt, bara til að fá að vera með. Flottir skrokkar og flottar konur,“ segir Sveinbjörn Guðjohnsen hjá bílabúðinni H. Jónsson & Co. um mynd sem prentuð var á músarmottur sem fyrirtækið hefur gefið viðskiptavinum sínum. Hann segist ekkert skammast sín fyrir að hafa gefið út þessar mottur. Músarmotturnar hafa farið fyrir brjóstið á mörgum en myndin á músarmottunni sýnir þrjár konur standa við afgreiðsluborð, berar að neðan. Myndin umdeilda var tekin inni í bílabúðinni sjálfri og það glittir í Sveinbjörn á myndinni, en hann er maðurinn á bak við dagblaðið. „Þessi mynd er tekin fyrir svona 10-12 árum síðan, þetta eru bara konur sem komu þarna og voru til í að sitja fyrir og skömmuðust sín ekkert fyrir það. Það er ekkert klám þarna, enginn dónaskapur. Þetta eru bara fallegar konur,“ segir Sveinbjörn en hann byrjaði að vinna hjá bílabúðinni aðeins tíu ára gamall og var þá sendill. Sveinbjörn er hæstánægður með þá umræðu sem hefur skapast í kringum músarmotturnar og segir að viðskiptavinir hafi streymt til hans eftir fréttaflutning gærdagsins. „Þetta er alveg æðisleg auglýsing sem er búin að skila sér þarna.“ Fyrirtækið sem var upphaflega stofnað árið 1947 prentaði á fjórða hundrað eintaka af músarmottum sem viðskiptavinir geta tekið með sér að kostnaðarlausu og Sveinbjörn segir að upplagið sé ekki alveg búið. „Það streymdi að fólkið í gær og við höfum fengið mikið af e-mailum og annað þar sem verið er að biðja um þetta, í dag og í gær.“ Sveinbjörn hafnar því alfarið að þarna sé verið að hlutgera konur, en margir hafa gagnrýnt myndina á Facebook síðu bílabúðarinnar og sagt að þarna sé verið að gera konur að „hlut“ eða „vöru“. „Hlutgera? Kíktu á dagatalið hjá slökkviliðinu, er verið að hlutgera karla þá? Þetta er gert af fúsum og frjálsum vilja, þá er ekki verið að hlutgera neinn,“ segir Sveinbjörn.Ekkert á móti MeToo en segir það „komið út í rugl“ „Bara svo það komi skýrt fram þá er ég ekkert á móti MeToo og ég virði það alveg í botn, en þetta MeToo er bara komið í algjört rugl. Ég er svo sammála MeToo að öllu leyti nema konur eru búnar að ofgera þessu. Eins og þetta með motturnar, þetta er bara svo lítið mál og allt þjóðfélagið fer á hliðina,“ segir Sveinbjörn. Rúmlega þrjú hundruð manns hafa gefið bílabúðinni lélega einkunn og skrifað neikvæðar athugasemdir um motturnar á Facebook síðu þeirra síðasta sólarhringinn og Sveinbjörn segir að margar konur hafi skrifað dónalegar og niðrandi athugasemdir og þar með hlutgert hann. Hann tekur sem dæmi að hann hafi meðal annars verið kallaður „kaktuspungur“ og „perri“ í athugasemdunum. „Þetta er þeim virkilega til skammar. Þetta er konum ekki til uppdráttar og þær eru bara með þessu ljóta tali að láta vita af því hvað er á bak við þetta metoo, það er ekki nein fegurð sko,“ segir Sveinbjörn en hann segist þó taka gagnrýninni vel. „Ef þú skoðar öll þessi orð og tekur saman þá er það bara stórt efni út af fyrir sig hvernig konur eru að hugsa í dag.“ Fjölmargir hafa þó einnig skrifað jákvæðar athugasemdir um bílabúðina og Sveinbjörn segir að hann hafi líka fengið margar jákvæðar athugasemdir frá konum sem finnist þetta of langt gengið. Þá segist hann einnig hafa fengið fjölda símtala. „Ég fæ svo mikið af hringingum frá mönnum sem eru að þakka mér fyrir að þora að segja eitthvað í þessum heimi vegna þess að það er eins og það megi ekki segja neitt eða gera neitt því þá verða konur alveg brjálaðar út af einhverri smá músarmottu sem er saklaus og bara fallegar konur. Þær ættu að vera stoltar af því að sjá þarna fallegar konur.“Þeir bræður stofnuðu saman líkamsræktarstöðina Orkubót í byrjun níunda áratugs síðustu aldar. Orkubót var fyrsta líkamsræktarstöðin sinnar tegundar hér á landi.Morgunblaðið 25. júní 1981Ekki sá eini í fjölskyldunni sem ratað hefur í fjölmiðla Sveinbjörn er ekki sá eini í fjölskyldunni sem vakið hefur athygli í fjölmiðlum í vikunni. Bróðir hans Viðar bauð fram krafta sína í oddvitasæti Sjálfstæðisflokksins í Reykjavík. Vakti framboð hans mikla athygli vegna harðlínuhægri viðhorfa hans. Hann er til að mynda þeirrar skoðunar að „dópistar“ eigi ekki að fá hjálp og að velferðarkerfið á Íslandi sé eins og „segulstál“ fyrir íbúa þriðja heims ríkja.Sjá meira: Góðan daginn, Viðar Guðjohnsen hérna meginEn hvers vegna eru konurnar ekki klæddar að neðan? Blaðamaður velti upp þeirri spurningu hvers vegna konurnar á myndinni á músarmottunni væru ekki klæddar að neðan í þessum erindagjörðum í bílabúðinni og Sveinbjörn segir að þetta sé bara mynd. „Það var nú einn sem ég þekki og dóttir hans spurði að því af hverju þær væru berrassaðar og hann svaraði því að þær ættu bara eftir að klæða sig,“ segir Sveinbjörn glettinn. Sveinbjörn segir að það eigi ekki að gera þessa músarmottu að einhverju „klámdóti“. „Það er mikið bil á milli kláms og fallega skapaðrar konu.“ Að lokum segir Sveinbjörn að það geti vel verið að hann prenti fleiri músarmottur og hlær.
MeToo Tengdar fréttir Segir eftirspurn eftir umdeildum músarmottum Músarmottur bílabúðarinnar H. Jónsson & Co. hafa verið harðlega gagnrýndar en forsvarsmaður búðarinnar segir ekkert athugavert við þær. 26. janúar 2018 14:11 Mest lesið Albert Guðmundsson verður ákærður fyrir kynferðisbrot Innlent Íslendingurinn sem slasaðist í háloftunum var á vegum Marels Innlent Telur víst að sala á Landsvirkjun komi á borð næsta forseta Innlent Vonar að þetta dugi til Innlent „ÁTVR dugar“ Innlent Sá sem át ekkert nema McDonalds í mánuð er fallinn frá Erlent Katrín að taka afgerandi forystu Innlent Björgólfur lýkur hópmálsókn með milljarðssátt Innlent Yrði stærsta lýðheilsuslys Íslandssögunnar Innlent Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent Fleiri fréttir Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Albert Guðmundsson verður ákærður fyrir kynferðisbrot Fyrirvari á eldgosi gæti orðið mjög stuttur Telur víst að sala á Landsvirkjun komi á borð næsta forseta Segja miður að móðir hafi upplifað að ekki væri hlustað á hana Íslendingurinn sem slasaðist í háloftunum var á vegum Marels Björgólfur lýkur hópmálsókn með milljarðssátt Hafa níu mánuði til að svara dómi MDE í talningamálinu Sló aðra á heimilinu ítrekað með hleðslusnúru Vonar að þetta dugi til Hagkaup selur áfengi og Þórkatla kaupir í Grindavík „ÁTVR dugar“ Hækka leigu á stúdentagörðum um tvö prósent í haust Safna til að koma konunum í varanlegt skjól í Nígeríu Fundur um athafnaborgina Reykjavík Kostnaður vegna uppkaupa fjórtán milljörðum meiri en áætlað var Brottfall ungra karla á Íslandi úr námi hæst í Evrópu Ákærður fyrir að nauðga barnungri hálfsystur sinni Enginn málefnalegur ágreiningur skýri brotthvarf bæjarstjóra Réðst í tvígang á starfsmann verslunar í Skeifunni Neyðarlínan lýsir eftir börnum sem komu færandi hendi Augljóst að fylgið er enn á verulegri hreyfingu Sjá meira
Segir eftirspurn eftir umdeildum músarmottum Músarmottur bílabúðarinnar H. Jónsson & Co. hafa verið harðlega gagnrýndar en forsvarsmaður búðarinnar segir ekkert athugavert við þær. 26. janúar 2018 14:11
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Innlent