Fótbolti

Asensio hetja Real Madrid í naumum bikarsigri

Magnús Ellert Bjarnason skrifar
Asensio var hetja Real í kvöld.
Asensio var hetja Real í kvöld. Vísir / Getty
Spænska ungstirnið Marco Asensio kom Real Madrid til bjargar í kvöld þegar hann skoraði sigurmark liðsins á 89. mínútu í 1-0 útisigri á Leganes í spænska bikarnum.

Mark Asensio var glæsilegt en hann negldi boltanum viðstöðulaust á lofti í mark Leganes eftir laglega sendingu frá Theo Hernandez.

Zinedine Zidane, þjálfari Real Madrid, stillti upp hálfgerðu varaliði í leiknum. BBC þríeykið svokallaða, Ronaldo, Bale og Benzema ferðaðist ekki með liðinu og þá byrjuðu öflugir leikmenn á borð við Luka Modric, Toni Kroos, Isco og Keylor Navas á bekknum.

Var þetta fyrri leikur liðanna, en síðari leikurinn fer fram á Santiago Bernabeau, heimavelli Real Madrid þann 24. janúar.

Mikil pressa er á Zidane að vinna bikarinn enda engin von fyrir Real að ná Barcelona í spænsku deildinni, enda 19 stig sem skilja liðin að.

 




Fleiri fréttir

Sjá meira


×