Líklegt að Ford hætti framleiðslu Mondeo Finnur Thorlacius skrifar 9. janúar 2018 09:18 Ford Mondeo árgerð 2017. Ólíklegt er að Ford Mondeo verði á meðal framleiðslubíla Ford árið 2020, að minnsta kosti er harla ólíklegt að hann verði í boði í Bandaríkjunum þá. Ford hefur tekið ákvörðun um það að framleiðslu hans verði hætt í Mexíkó, en þar eru þeir Mondeo bílar framleiddir sem seldir eru í Bandaríkjunum, reyndar undir nafninu Fusion. Mondeo er einnig framleiddur fyrir Evrópumarkað í Valencia á Spáni og einnig hefur verið tekin ákvörðun um að hætta framleiðslunni þar. Mondeo er líka framleiddur í Kína og verður líklega í boði þar lengur, en engir Mondeo bílar verða fluttir frá Kína til Bandaríkjanna eða Evrópu. Ford hefur ekki gefið út neina yfirlýsingu um dauða Mondeo, en þessar ákvarðanir um að hætta framleiðslunni í Mexíkó og Spáni benda til þess að dagar Mondeo séu brétt taldir. Forstjóri Ford, Jim Hackett, segir að Ford hafi ekki tekið endanlega ákvörðun um tilvist Mondeo en að þessar ákvarðanir bendi til þess að bíllinn eigi ekki langa framtíð framundan. Sala Mondeo í Bandaríkjunum hefur hríðfallið á síðustu árum og í nóvember síðastliðnum minnkaði sala hans á milli ára um 22%. Mondeo hefur lengi verið langt á eftir Toyota Camry og Honda Accord í sölu vestanhafs, en þessir tveir japönsku bílar hafa verið ráðandi í sölu í þessum stærðarflokki. Á undaförnum árum hefur sala jepplinga og jeppa í Bandaríkjunum, og reyndar víðar, tekið mikið af sölu bíla í þeim stærðarflokki sem Mondeo er í og sífellt minnkun sölu hefur verið í sölu bíla allra framleiðenda í þessum flokki. Því má búast við að fleiri bílaframleiðendur hætti framleiðslu á bílum í þessum stærðarflokki á næstu árum, en á móti muni jeppum og jepplingum fjölga mjög. Mest lesið Áfall þegar samskipti Katrínar og Kára voru birt Innlent Óljóst hvort þyrlan sé fundin Erlent Þekkir dæmi um endalaus uppköst og garnalömun vegna lyfjanna Innlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira
Ólíklegt er að Ford Mondeo verði á meðal framleiðslubíla Ford árið 2020, að minnsta kosti er harla ólíklegt að hann verði í boði í Bandaríkjunum þá. Ford hefur tekið ákvörðun um það að framleiðslu hans verði hætt í Mexíkó, en þar eru þeir Mondeo bílar framleiddir sem seldir eru í Bandaríkjunum, reyndar undir nafninu Fusion. Mondeo er einnig framleiddur fyrir Evrópumarkað í Valencia á Spáni og einnig hefur verið tekin ákvörðun um að hætta framleiðslunni þar. Mondeo er líka framleiddur í Kína og verður líklega í boði þar lengur, en engir Mondeo bílar verða fluttir frá Kína til Bandaríkjanna eða Evrópu. Ford hefur ekki gefið út neina yfirlýsingu um dauða Mondeo, en þessar ákvarðanir um að hætta framleiðslunni í Mexíkó og Spáni benda til þess að dagar Mondeo séu brétt taldir. Forstjóri Ford, Jim Hackett, segir að Ford hafi ekki tekið endanlega ákvörðun um tilvist Mondeo en að þessar ákvarðanir bendi til þess að bíllinn eigi ekki langa framtíð framundan. Sala Mondeo í Bandaríkjunum hefur hríðfallið á síðustu árum og í nóvember síðastliðnum minnkaði sala hans á milli ára um 22%. Mondeo hefur lengi verið langt á eftir Toyota Camry og Honda Accord í sölu vestanhafs, en þessir tveir japönsku bílar hafa verið ráðandi í sölu í þessum stærðarflokki. Á undaförnum árum hefur sala jepplinga og jeppa í Bandaríkjunum, og reyndar víðar, tekið mikið af sölu bíla í þeim stærðarflokki sem Mondeo er í og sífellt minnkun sölu hefur verið í sölu bíla allra framleiðenda í þessum flokki. Því má búast við að fleiri bílaframleiðendur hætti framleiðslu á bílum í þessum stærðarflokki á næstu árum, en á móti muni jeppum og jepplingum fjölga mjög.
Mest lesið Áfall þegar samskipti Katrínar og Kára voru birt Innlent Óljóst hvort þyrlan sé fundin Erlent Þekkir dæmi um endalaus uppköst og garnalömun vegna lyfjanna Innlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira