Körfubolti

Bullock snýr aftur til Grindavíkur

Eiríkur Stefán Ásgeirsson skrifar
Bullock í leik með Grindavík.
Bullock í leik með Grindavík. Mynd/Stefán

J'Nathan Bullock er á leið til Grindavíkur á nýjan leik en hann lék með liðinu við afar góðan orðstír tímabilið 2011-12. Bullock mun spila með þeim gulklæddu til loka tímabilsins en þetta kemur fram í tilkynningu frá Grindavík.

Bullock sló í gegn síðast þegar hann var hér á landi og hefur verið reglulega orðaður við félagið síðan þá. Hann snýr aftur nú eftir að Grindavík ákvað að segja upp samningi við Rashad Whack.

Bullock skoraði 21,4 stig og tók 9,6 fráköst að meðaltali þegar hann spilaði hér á landi. Grindavík varð þá deildarmeistri eftir að hafa unnið nítján af 22 leikjum og tryggði sér svo Íslandsmeistaratitilinn eftir sigur á Þór Þorlákshöfn, 3-1, í lokaúrslitunum.

Eftir tímabilið hélt Bullock til Finnland en hefur síðan þá spilað meðal annars í Írak, Ísrael og Filippseyjunum. Eftir háskólaferilinn reyndi hann til að mynda fyrir sér hjá NFL-liðinu New York Jets en fékk ekki samning þar.

Grindavík mætir næst Þór Þorlákshöfn á útivelli þann 5. janúar næstkomandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.