Breytt landslag Stjórnarmaðurinn skrifar 23. desember 2017 11:00 Athyglisvert er að lesa um risakaup Disney á tilteknum eignum Twentieth Century Fox. Kaupverðið er ríflega 52 milljarðar Bandaríkjadala og greiðist að fullu með hlutabréfum í sameinuðu félagi. Þessi kaup, sem bíða staðfestingar samkeppnisyfirvalda, eru merkileg af mörgum ástæðum. Í fyrsta lagi er þetta stærsta gagnsókn hefðbundins fjölmiðlafyrirtækis gegn nýmiðlunum til þessa. Disney er að hasla sér völl gegn aðilum á borð við Netflix sem byggja veldi sitt á framleiðslu á eigin efni sem þeir streyma gegnum internetið. Raunar fylgir sögunni að Disney líti einnig á bæði Facebook og YouTube sem keppinauta. Það gefur góða vísbendingu um þankagang þeirra sem stýra Disney-skútunni. Með í kaupunum fylgir fjöldinn allur af kvikmynda- og sjónvarpsstúdíóum, sem framleiða allt frá Hollywood-stórmyndum, þáttaröðum eins og Simpsons og bresku efni á borð við Broadchurch. Hlutur Fox í efnisveitunni Hulu fylgir með en einnig hefur verið gefið út að Disney ætli að setja á laggirnar tvær streymiþjónustur til viðbótar. Skilaboðin eru skýr. Disney ætlar að eiga bæði efnið og dreifileiðina. Þessu til viðbótar á Fox tæplega 40% í breska sjónvarpsrisanum Sky, og hefur gert yfirtökutilboð í það sem upp á vantar. Innan Sky er sennilega mesta sérþekking á íþróttaefni sem fyrirfinnst. Líklegt er að Sky ætli sér stóra hluti á því sviði einnig. Í öðru lagi þá er merkilegt að bera kaup Disney á Fox saman við nýleg kaup Vodafone á sjónvarps- og fjarskiptarekstri 365 miðla hér á landi. Þar er hugsunin vafalaust svipuð þeirri hjá Disney, en gott að sjá að innlendir aðilar virðast fylgjast vel með alþjóðlegri þróun. Athyglisvert verður að fylgjast með stjórnendum Vodafone kynna kaupin betur fyrir markaðnum á nýju ári. Loks marka kaup Disney á Fox þáttaskil á breskum og bandarískum markaði að því leyti að Rupert Murdoch, sem verið hefur valdamesti maður heims að sumra mati gegnum eignarhald sitt á fjölmiðlum, dregur nú verulega úr umsvifum sínum. Murdoch hefur iðulega verið réttum megin sögunnar þegar kemur að sviptingum á fjölmiðlamarkaði og því veit á gott fyrir Disney að hann verði nú meðal stærstu eigenda sameinaðs félags. Murdoch veit sínu viti hvað sem mönnum kann að finnast um hann að öðru leyti.Stjórnarmaðurinn er sigldur innherji með puttann á púlsinum. Stjórnarmaðurinn skrifar í Markaðinn í Fréttablaðinu á miðvikudögum og liggur ekki á skoðunum sínum um menn og viðskiptaleg málefni. Mest lesið Íslandsbanki greiðir 570 milljóna króna sekt Viðskipti innlent Kínverski risinn sem herjar á evrópska neytendur Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Vinnur við að bjarga okkur frá því að drukkna í eigin kúk Samstarf Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira
Athyglisvert er að lesa um risakaup Disney á tilteknum eignum Twentieth Century Fox. Kaupverðið er ríflega 52 milljarðar Bandaríkjadala og greiðist að fullu með hlutabréfum í sameinuðu félagi. Þessi kaup, sem bíða staðfestingar samkeppnisyfirvalda, eru merkileg af mörgum ástæðum. Í fyrsta lagi er þetta stærsta gagnsókn hefðbundins fjölmiðlafyrirtækis gegn nýmiðlunum til þessa. Disney er að hasla sér völl gegn aðilum á borð við Netflix sem byggja veldi sitt á framleiðslu á eigin efni sem þeir streyma gegnum internetið. Raunar fylgir sögunni að Disney líti einnig á bæði Facebook og YouTube sem keppinauta. Það gefur góða vísbendingu um þankagang þeirra sem stýra Disney-skútunni. Með í kaupunum fylgir fjöldinn allur af kvikmynda- og sjónvarpsstúdíóum, sem framleiða allt frá Hollywood-stórmyndum, þáttaröðum eins og Simpsons og bresku efni á borð við Broadchurch. Hlutur Fox í efnisveitunni Hulu fylgir með en einnig hefur verið gefið út að Disney ætli að setja á laggirnar tvær streymiþjónustur til viðbótar. Skilaboðin eru skýr. Disney ætlar að eiga bæði efnið og dreifileiðina. Þessu til viðbótar á Fox tæplega 40% í breska sjónvarpsrisanum Sky, og hefur gert yfirtökutilboð í það sem upp á vantar. Innan Sky er sennilega mesta sérþekking á íþróttaefni sem fyrirfinnst. Líklegt er að Sky ætli sér stóra hluti á því sviði einnig. Í öðru lagi þá er merkilegt að bera kaup Disney á Fox saman við nýleg kaup Vodafone á sjónvarps- og fjarskiptarekstri 365 miðla hér á landi. Þar er hugsunin vafalaust svipuð þeirri hjá Disney, en gott að sjá að innlendir aðilar virðast fylgjast vel með alþjóðlegri þróun. Athyglisvert verður að fylgjast með stjórnendum Vodafone kynna kaupin betur fyrir markaðnum á nýju ári. Loks marka kaup Disney á Fox þáttaskil á breskum og bandarískum markaði að því leyti að Rupert Murdoch, sem verið hefur valdamesti maður heims að sumra mati gegnum eignarhald sitt á fjölmiðlum, dregur nú verulega úr umsvifum sínum. Murdoch hefur iðulega verið réttum megin sögunnar þegar kemur að sviptingum á fjölmiðlamarkaði og því veit á gott fyrir Disney að hann verði nú meðal stærstu eigenda sameinaðs félags. Murdoch veit sínu viti hvað sem mönnum kann að finnast um hann að öðru leyti.Stjórnarmaðurinn er sigldur innherji með puttann á púlsinum. Stjórnarmaðurinn skrifar í Markaðinn í Fréttablaðinu á miðvikudögum og liggur ekki á skoðunum sínum um menn og viðskiptaleg málefni.
Mest lesið Íslandsbanki greiðir 570 milljóna króna sekt Viðskipti innlent Kínverski risinn sem herjar á evrópska neytendur Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Að gera ekki algeng mistök sem stjórnandi í fyrsta sinn Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Vinnur við að bjarga okkur frá því að drukkna í eigin kúk Samstarf Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira