Lífið

Ástralir ætla sér stóra hluti í Eurovision í vor

Birgir Olgeirsson skrifar
Jessica Mauboy.
Jessica Mauboy. Vísir/Getty

Ástralar ætlar sér stóra hluti í Eurovision í Portúgal næstkomandi vor. Þeir hafa valið poppstjörnuna Jessicu Mauboy til að vera fulltrúi þjóðarinnar í Lissabon í maí en þessi 28 ára gamla söngkona er heimsþekkt fyrir tónlist sína.

Hún var fyrsti innfæddi Ástralinn til að ná lagi í fyrsta sæti á vinsældarlista þar í landi en hún komst í sviðsljósið þegar hún hafnaði í öðru sæti í raunveruleikaþættinum Australian Idol árið 2006.

Hún hefur selt 3,4 milljónir platna um heim allan, en lögum hennar hefur verið streymt um 158 milljón sinnum á streymisveitum.

Ástralía hefur verið þátttakandi í Eurovision frá árinu 2015. Keppnin hefur verið sýnd þar í landi í 30 ár og nýtur mikilla vinsælda. Horfa að jafnaði þrjár milljónir Ástrala á keppnina.

Þeir höfnuðu í fimmta sæti árið 2015, öðru sæti árið 2016 og í níunda sæti í fyrra.


Tengdar fréttir

Sobral kominn með nýtt hjarta

"Hann var vel undirbúinn. Hann er ungur maður sem áttaði sig á þeim erfiðleikum sem myndu fylgja þessari aðgerð,“ er haft eftir skurðlækni hans á vef BBC sem segir að endurhæfingin muni taka þó nokkurn tíma.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.