Fegurðin gerir mig hamingjusama Þórdís Lilja Gunnarsdóttir skrifar 1. desember 2017 10:30 Anna Valla Jónsdóttir er gullsmiður og skartgripahönnuður, búsett í Kaupmannahöfn þar sem hún rekur verslun og verkstæði á Nørrebro. Íslendingar geta nálgast skart hennar í Norræna húsinu. MYND/AÐSEND Djásn er sérsvið Önnu Völlu Jónsdóttur. Hún var í dag tilnefnd til hinna virtu, dönsku Skt. Loye-verðlauna, sem veitt eru gullsmiðum sem vakið hafa eftirtekt og aðdáun fyrir framúrskarandi hönnun og nýjungar í fagi sem byggir á aldagamalli hefð. Anna Valla er höll undir þá lýðræðislegu tilhugsun að allir geti haft aðgang að fallegum skartgripum og segir skart ekki þurfa að vera dýrt til að vera fagurt. „Skart getur fengið fólk til að finna fyrir fegurð á eigin líkama,“ segir Anna Valla Jónsdóttir, gullsmiður og skartgripahönnuður í Kaupmannahöfn. "Tilfinningin að nota skartgripi getur líka lyft manni upp. Það hefur áhrif á sálina að bera skart sem manni þykir fallegt eða skiptir mann máli, eins og giftingarhring eða erfðaskart sem felur í sér minningar,“ segir Anna Valla Jónsdóttir, gullsmiður og skartgripahönnuður. Anna Valla ólst upp í Svíþjóð til ellefu ára aldurs og hefur búið í Kaupmannahöfn undanfarið 21 ár. „Sem stúlka var ég lítið fyrir að punta mig og enn nota ég mjög lítið af skartgripum. Ég hef hins vegar alltaf haft brennandi áhuga á list og hönnun. Ég finn að fegurð gerir mig hamingjusama, eins og það gerir flest fólk hamingjusamt að sjá og nota fallega hluti. Í því felast ákveðin lífsgæði,“ segir Anna Valla sem lærði gullsmíði í fjögur ár hjá dönskum gullsmíðameistara en fór þar á eftir í þriggja ára nám í skartgripahönnun.Glæsilegt hálsmen úr silfri og tré, úr gullsmiðju Önnu Völlu.„Gullsmíði er fyrst og fremst tækninám þar sem lítil áhersla er á hönnun. Mig langaði því að fara meira út í listhönnun til að blanda saman við gullsmíðina. Ég vildi finna mitt eigið handbragð, því annars er hætt við að maður festist í útfærslum og útliti meistara síns,“ segir Anna Valla sem ákvað að læra gullsmíði vegna löngunar til að vinna skapandi starf. „Ég hef yndi af því að vinna með verkfæri og sitja lengi við fallega hugmyndavinnu sem útheimtir einbeitingu. Þar hentar gullsmíðin mér vel. Ég hef líka næmt auga fyrir fegurðinni og þar mætir skartgripahönnun hugmyndaauðgi minni.“ Náttúran í sinni fegurstu mynd finnst í kuðungi sem skartgripahönnuðurinn Anna Valla hefur breytt í brjóstnælu.Fallegt að skarta minningum Anna Valla lauk hönnunarnáminu fyrir tveimur árum og opnaði í fyrra verkstæði og verslun í samvinnu við fimm danska skartgripahönnuði á Nørrebro. „Samkeppni á milli skartgripahönnuða er mjög mikil í Kaupmannahöfn en það höfðar til mín. Þá getur maður hitt marga sem eru að fást við það sama og skipst á góðum ráðum,“ segir Anna Valla sem hefur skapað sér stíl sem sker sig úr. „Það er mikilvægt að skartið manns hafi sinn eigin karakter. Sumir sjá íslenskt stef í skartgripunum mínum, jafnvel frá víkingaupprunanum og hrárri náttúrunni. Ég hef gaman af því að upphefja hluti sem eru yfirleitt ekki notaðir í skart, eins og tré og tölur úr skeljum. Skartgripir þurfa ekki að vera dýrir til að vera fallegir, og ég er höll undir þá lýðræðislegu tilhugsun að allir geti haft aðgang að fallegum skartgripum,“ segir Anna Valla sem hannar skartgripi fyrir konur sem hafa þor og dug til að prófa mismunandi útlit í skarti og fylgihlutum. „Margt hefur haft áhrif á mig, eins og þýska Bauhaus-stefnan, frá því um 1930, þegar reynt var að gera hlutina einfalda en fallega og aðgengilega fyrir fólkið. Það voru pönkarar síns tíma. Ég skoða líka söguna mikið því skartgripir hafa breyst í tímans rás. Á Viktoríutímanum voru til dæmis gerðir sorgar- og minningargripir þar sem hár úr fólki var fléttað saman við skartgripi. Ég hef notað hár í mitt skart, enda finnst mér fagurt að bera minningar og vera til marks um einhvern sem maður elskar eða eitthvað sem er manni hjartfólgið.“Anna Valla er heilluð af skartgripatísku Viktoríutímans þegar hári var fléttað saman við svokallaða minningarskartgripi.Skartgripir Önnu Völlu fást nú í fyrsta sinn á Íslandi, í verslun Norræna hússins. „Mér finnst óskaplega gaman að verða sýnileg á Íslandi, sem er mér ávallt kært,“ segir Anna Valla sem bjó í Vesturbænum í Reykjavík frá 11 til 18 ára aldurs og kemur reglulega heim til fósturjarðarinnar. Í dag bárust svo þau gleðitíðindi að Anna Valla er tilnefnd til hinna virtu, dönsku Skt. Loye-verðlauna, sem veitt eru gullsmiðum sem vakið hafa eftirtekt og aðdáun fyrir framúrskarandi hönnun og nýjungar í fagi sem byggir á aldagamalli hefð.Verkstæði hennar og verslun, sem ber nafnið Værkstedet, er á Ryesgade 4, 2200 Kaupmannahöfn N. Hægt er að skoða myndir á Instagram, undir annavalla og á Facebook undir anna valla jewelry.Dásamlegir eyrnalokkar sem sameina einstaka skartgripahönnun Önnu Völlu og tækni hennar sem gullsmiðs. Mest lesið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Þjóðarsálin í reiðhöllinni Lífið „Endurtek í sífellu: Ég vil ekki deyja, ég vil ekki deyja“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Lofar svakalegri veislu Tónlist Heilmikil skemmtidagskrá og samsöngur á Þingvöllum í dag Lífið Heiður Ósk og Davíð eru nýtt par Lífið Fleiri fréttir Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Sjá meira
Djásn er sérsvið Önnu Völlu Jónsdóttur. Hún var í dag tilnefnd til hinna virtu, dönsku Skt. Loye-verðlauna, sem veitt eru gullsmiðum sem vakið hafa eftirtekt og aðdáun fyrir framúrskarandi hönnun og nýjungar í fagi sem byggir á aldagamalli hefð. Anna Valla er höll undir þá lýðræðislegu tilhugsun að allir geti haft aðgang að fallegum skartgripum og segir skart ekki þurfa að vera dýrt til að vera fagurt. „Skart getur fengið fólk til að finna fyrir fegurð á eigin líkama,“ segir Anna Valla Jónsdóttir, gullsmiður og skartgripahönnuður í Kaupmannahöfn. "Tilfinningin að nota skartgripi getur líka lyft manni upp. Það hefur áhrif á sálina að bera skart sem manni þykir fallegt eða skiptir mann máli, eins og giftingarhring eða erfðaskart sem felur í sér minningar,“ segir Anna Valla Jónsdóttir, gullsmiður og skartgripahönnuður. Anna Valla ólst upp í Svíþjóð til ellefu ára aldurs og hefur búið í Kaupmannahöfn undanfarið 21 ár. „Sem stúlka var ég lítið fyrir að punta mig og enn nota ég mjög lítið af skartgripum. Ég hef hins vegar alltaf haft brennandi áhuga á list og hönnun. Ég finn að fegurð gerir mig hamingjusama, eins og það gerir flest fólk hamingjusamt að sjá og nota fallega hluti. Í því felast ákveðin lífsgæði,“ segir Anna Valla sem lærði gullsmíði í fjögur ár hjá dönskum gullsmíðameistara en fór þar á eftir í þriggja ára nám í skartgripahönnun.Glæsilegt hálsmen úr silfri og tré, úr gullsmiðju Önnu Völlu.„Gullsmíði er fyrst og fremst tækninám þar sem lítil áhersla er á hönnun. Mig langaði því að fara meira út í listhönnun til að blanda saman við gullsmíðina. Ég vildi finna mitt eigið handbragð, því annars er hætt við að maður festist í útfærslum og útliti meistara síns,“ segir Anna Valla sem ákvað að læra gullsmíði vegna löngunar til að vinna skapandi starf. „Ég hef yndi af því að vinna með verkfæri og sitja lengi við fallega hugmyndavinnu sem útheimtir einbeitingu. Þar hentar gullsmíðin mér vel. Ég hef líka næmt auga fyrir fegurðinni og þar mætir skartgripahönnun hugmyndaauðgi minni.“ Náttúran í sinni fegurstu mynd finnst í kuðungi sem skartgripahönnuðurinn Anna Valla hefur breytt í brjóstnælu.Fallegt að skarta minningum Anna Valla lauk hönnunarnáminu fyrir tveimur árum og opnaði í fyrra verkstæði og verslun í samvinnu við fimm danska skartgripahönnuði á Nørrebro. „Samkeppni á milli skartgripahönnuða er mjög mikil í Kaupmannahöfn en það höfðar til mín. Þá getur maður hitt marga sem eru að fást við það sama og skipst á góðum ráðum,“ segir Anna Valla sem hefur skapað sér stíl sem sker sig úr. „Það er mikilvægt að skartið manns hafi sinn eigin karakter. Sumir sjá íslenskt stef í skartgripunum mínum, jafnvel frá víkingaupprunanum og hrárri náttúrunni. Ég hef gaman af því að upphefja hluti sem eru yfirleitt ekki notaðir í skart, eins og tré og tölur úr skeljum. Skartgripir þurfa ekki að vera dýrir til að vera fallegir, og ég er höll undir þá lýðræðislegu tilhugsun að allir geti haft aðgang að fallegum skartgripum,“ segir Anna Valla sem hannar skartgripi fyrir konur sem hafa þor og dug til að prófa mismunandi útlit í skarti og fylgihlutum. „Margt hefur haft áhrif á mig, eins og þýska Bauhaus-stefnan, frá því um 1930, þegar reynt var að gera hlutina einfalda en fallega og aðgengilega fyrir fólkið. Það voru pönkarar síns tíma. Ég skoða líka söguna mikið því skartgripir hafa breyst í tímans rás. Á Viktoríutímanum voru til dæmis gerðir sorgar- og minningargripir þar sem hár úr fólki var fléttað saman við skartgripi. Ég hef notað hár í mitt skart, enda finnst mér fagurt að bera minningar og vera til marks um einhvern sem maður elskar eða eitthvað sem er manni hjartfólgið.“Anna Valla er heilluð af skartgripatísku Viktoríutímans þegar hári var fléttað saman við svokallaða minningarskartgripi.Skartgripir Önnu Völlu fást nú í fyrsta sinn á Íslandi, í verslun Norræna hússins. „Mér finnst óskaplega gaman að verða sýnileg á Íslandi, sem er mér ávallt kært,“ segir Anna Valla sem bjó í Vesturbænum í Reykjavík frá 11 til 18 ára aldurs og kemur reglulega heim til fósturjarðarinnar. Í dag bárust svo þau gleðitíðindi að Anna Valla er tilnefnd til hinna virtu, dönsku Skt. Loye-verðlauna, sem veitt eru gullsmiðum sem vakið hafa eftirtekt og aðdáun fyrir framúrskarandi hönnun og nýjungar í fagi sem byggir á aldagamalli hefð.Verkstæði hennar og verslun, sem ber nafnið Værkstedet, er á Ryesgade 4, 2200 Kaupmannahöfn N. Hægt er að skoða myndir á Instagram, undir annavalla og á Facebook undir anna valla jewelry.Dásamlegir eyrnalokkar sem sameina einstaka skartgripahönnun Önnu Völlu og tækni hennar sem gullsmiðs.
Mest lesið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Þjóðarsálin í reiðhöllinni Lífið „Endurtek í sífellu: Ég vil ekki deyja, ég vil ekki deyja“ Áskorun Segir hjálminum að þakka að hann sé á lífi Lífið Tengdasonur Íslands trúðaði Simon Cowell upp úr skónum Bíó og sjónvarp Lofar svakalegri veislu Tónlist Heilmikil skemmtidagskrá og samsöngur á Þingvöllum í dag Lífið Heiður Ósk og Davíð eru nýtt par Lífið Fleiri fréttir Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Sjá meira