Erindagjörðir Kim Kardashian: Frumleg markaðsherferð?

07. desember 2017
skrifar

Það er enginn vafi á því að Kim Kardashian West er hundelt af ljósmyndurum hvert sem hún fer, sem mynda í hverju hún er, með hverjum hún er og hvert hún er að fara.

Kim Kardashian West og eiginmaður hennar, Kanye West, tóku málin í sínar eigin hendur og sýndu Yeezy Season 6, á Twitter. Létu þau myndirnar líta út eins og ekta "paparazzi" myndir, sem sýndi Kim, í fötunum í hinum ýmsu erindagjörðum.

Kim Kardashian West setti myndirnar síðan inn á Twitter, þar sem hún skrifaði meðal annars, KitKat Run, Coffee Run, Fedex Run og Phone Calls. 

Kanye West tók ekki þátt í tískuvikunni í New York með Yeezy að þessu sinni, heldur kynnir hann línuna til leiks á þennan hátt. Því hvaða kynning er betri en sú að láta mynduðustu konu heims klæðast fatnaðinum? 

Línan er ekkert sérstaklega frábrugðin hinum fyrri að þessu sinni, og heldur hann við svipaða liti og stóra jakka eins og í öðrum fatalínum sínum. Blár, brúnn og grár eru mest áberandi, sem og íþróttatoppar og hjólabuxur.