Blæðandi sár í Bítlaborginni Ástrós Ýr Eggertsdóttir skrifar 23. október 2017 07:00 Gylfi Þór Sigurðsson gat ekki leynt vonbrigðum sínum í leik Everton og Arsenal í ensku úrvalsdeildinni í gær. Everton tapaði 2-5 og situr í fallsæti. Gylfi náði sér ekki á strik í leiknum í gær, ekki frekar en aðrir leikmenn Everton. vísir/getty Sjötíu og þrír titlar sitja í verðlaunaskápum liðanna tveggja frá Liverpool-borg, Liverpool og Everton. Rauðklæddir Liverpoolmenn voru lengi vel sigursælasta félag Englands og Everton er það lið sem oftast hefur verið í efstu deild á Englandi, eða í 114 tímabil. Íbúar Liverpool-borgar hugsa eflaust hlýtt til fortíðarinnar eftir frammistöðu helgarinnar.Vonlaus varnarleikur Liverpool fór til Lundúna og sótti Tottenham heim á Wembley í lokaleik níundu umferðar ensku úrvalsdeildarinnar í gær. Liðið hafði ekki tapað gegn þeim hvítklæddu í fimm ár, eða síðan í nóvember 2012. Tottenham hefur hins vegar farið afskaplega vel af stað í deildinni og átti eftir að reynast verðugur andstæðingur. Hinn sjóðheiti Harry Kane kom Tottenham yfir eftir aðeins fjórar míntútur og Son Heung-min bætti öðru marki við á 12. mínútu. Þegar Mohamad Salah skoraði fyrir Liverpool hefði leikurinn geta orðið eitthvað, en Dele Alli og Kane áttu eftir að skora tvö mörk til viðbótar fyrir Tottenham og varnarlína Liverpool var í molum. Sóknarmenn Tottenham léku á als oddi og höfðu nægt pláss til að athafna sig fyrir aftan vörn Liverpool. Frammistaða Dejans Lovren var það slæm að Jürgen Klopp tók hann af velli eftir hálftíma leik. Simon Mignolet gerði nokkur dýrkeypt mistök í leiknum og hefur nú gert 13 mistök sem hafa leitt til marks andstæðingsins, fleiri en nokkur annar markvörður í deildinni.„Allt okkur að kenna“ „Úrslitin voru okkur að kenna. Tottenham spilaði vel, en við gerðum þetta of auðvelt fyrir þá,“ sagði Jürgen Klopp, stjóri Liverpool, eftir leikinn. „Fyrsta markið kom úr innkasti og við vorum bara slæmir, slæmir, slæmir varnarlega. Annað markið, skyndisókn og þegar boltinn er kominn fram hjá Lovren er það orðið of seint.“ Þarf Jürgen Klopp að gera mannabreytingar, eða er það hugmyndafræði hans sem er rót vandans? Hjá Dortmund var sigurhlutfall hans 56 prósent, en það er aðeins 49 prósent hjá Liverpool. Þar munar ekki miklu, en Liverpool undir Brendan Rodgers vann helming leikja sinna og hann var samt látinn taka pokann sinn.Koeman ráðalaus Það er kannski of brátt að tala um brottrekstur Klopps, en Ronald Koeman mun alveg örugglega verða rekinn úr starfi sínu hjá Everton á næstu dögum, ef það gerðist ekki í gærkvöldi eftir að blaðið fór í prentun. Everton er komið í fallsæti eftir tapið fyrir Arsenal í gær og hefur frammistaða liðsins verið mjög slæm. Það hefur fengið á sig 18 mörk í níu leikjum í deildinni og aðeins skorað sjö. Liðið hefur ekki unnið í fimm leikjum í röð í öllum keppnum. Wayne Rooney veitti stuðningsmönnum Everton von snemma leiks með frábæru marki. Það slokknaði hins vegar fljótt í vonarglætunni þegar sofandaháttur í vörninni olli því að Nacho Monreal jafnaði leikinn fyrir Arsenal. Þá hrundi allt hjá Everton og má Koeman þakka Jordan Pickford í markinu að ekki fór enn verr en raun bar vitni, leiknum lauk með 2-5 sigri Arsenal. Hann er í raun einu sumarkaup Koemans sem virðast hafa gert eitthvað fyrir Everton.Engin taktík og engin gleði Liðið virðist ekki ná saman, og það lítur út fyrir að Koeman viti ekki hvernig hann á að stilla liðinu upp til þess að fá það besta út úr því. Níu sinnum á tímabilinu hefur Koeman gert breytingu á liði sínu í hálfleik, sem segir sitt um ráðaleysi hans. Það sem er verst í þessu öllu fyrir okkur Íslendinga er að Gylfi Þór Sigurðsson virðist týndur í þessu liði. Koeman hefur ekki verið að spila honum í holunni sinni og vantar sterkan framherja sem Gylfi getur skapað mörk fyrir. Allir þeir stuðningsmenn Liverpool sem gagnrýndu Jose Mourinho og varnarsinnaða taktík hans í stórleik Liverpool og Manchester United í síðustu viku ættu að óska eftir því að hann kæmi og læsi Klopp og Koeman pistilinn, en Bítlaborgarliðin tvö fengu á sig níu mörk samanlagt í gær, eitthvað sem á ekki að viðgangast hjá liðum af þeim styrkleika sem þessi fornfrægu lið eiga að hafa. Enski boltinn Mest lesið Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn Orri Steinn fullkomnaði dag ungs stuðningsmanns Fótbolti Ætlar að spila á ný þrátt fyrir að hafa verið við dauðans dyr Fótbolti Ísak skoraði í vítakeppni í grátlegu tapi Fótbolti Heimir Hallgríms þegar búinn að tryggja sambandinu 277 milljónir Fótbolti Boston Celtics í úrslitin: „Við erum allt annað lið núna“ Körfubolti Sveindís Jane mætti og studdi sína konu: Stolt af þér gullið mitt Fótbolti Lést eftir að hafa dottið af hestbaki Sport Dagskráin í dag: Verður Minnesota sópað úr leik? Sport Uppgjör: Fylkir - HK 3-1 | Lífsnauðsynlegur og langþráður sigur Fylkis gegn HK Íslenski boltinn Fleiri fréttir Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Fernandes eyðir óvissunni: „Ég vil ekki fara“ Rooney gæti fengið nýtt starf þrátt fyrir hræðilegan árangur síðast Harry Maguire missir af bikarúrslitaleiknum Paquetá ákærður fyrir að sækjast eftir spjaldi í eigin leikjum Lopetegui tekur við West Ham Yfirmenn Pep fullvissir um að félagið verði ekki sakfellt Talið að Man Utd láti Ten Hag fara eftir úrslitaleikinn Féll í vor en vonast eftir Chelsea eða Bayern Ummælin höfðu neikvæð áhrif á Nunez sem hugsar hlýlega til Spánar Liverpool auglýsir lausa stöðu í þjálfarateymi Arne Slot Börn Bruno Fernandes kvöddu Jóhann: „Hann er toppmaður“ Ekki á heimleið: „Á inni nokkur ár á háu stigi“ Pochettino farinn frá Chelsea Benítez ráðleggur Slot fyrir komuna til Liverpool Mo Salah ætlar að vinna titla með Liverpool á næstu leiktíð Sjá meira
Sjötíu og þrír titlar sitja í verðlaunaskápum liðanna tveggja frá Liverpool-borg, Liverpool og Everton. Rauðklæddir Liverpoolmenn voru lengi vel sigursælasta félag Englands og Everton er það lið sem oftast hefur verið í efstu deild á Englandi, eða í 114 tímabil. Íbúar Liverpool-borgar hugsa eflaust hlýtt til fortíðarinnar eftir frammistöðu helgarinnar.Vonlaus varnarleikur Liverpool fór til Lundúna og sótti Tottenham heim á Wembley í lokaleik níundu umferðar ensku úrvalsdeildarinnar í gær. Liðið hafði ekki tapað gegn þeim hvítklæddu í fimm ár, eða síðan í nóvember 2012. Tottenham hefur hins vegar farið afskaplega vel af stað í deildinni og átti eftir að reynast verðugur andstæðingur. Hinn sjóðheiti Harry Kane kom Tottenham yfir eftir aðeins fjórar míntútur og Son Heung-min bætti öðru marki við á 12. mínútu. Þegar Mohamad Salah skoraði fyrir Liverpool hefði leikurinn geta orðið eitthvað, en Dele Alli og Kane áttu eftir að skora tvö mörk til viðbótar fyrir Tottenham og varnarlína Liverpool var í molum. Sóknarmenn Tottenham léku á als oddi og höfðu nægt pláss til að athafna sig fyrir aftan vörn Liverpool. Frammistaða Dejans Lovren var það slæm að Jürgen Klopp tók hann af velli eftir hálftíma leik. Simon Mignolet gerði nokkur dýrkeypt mistök í leiknum og hefur nú gert 13 mistök sem hafa leitt til marks andstæðingsins, fleiri en nokkur annar markvörður í deildinni.„Allt okkur að kenna“ „Úrslitin voru okkur að kenna. Tottenham spilaði vel, en við gerðum þetta of auðvelt fyrir þá,“ sagði Jürgen Klopp, stjóri Liverpool, eftir leikinn. „Fyrsta markið kom úr innkasti og við vorum bara slæmir, slæmir, slæmir varnarlega. Annað markið, skyndisókn og þegar boltinn er kominn fram hjá Lovren er það orðið of seint.“ Þarf Jürgen Klopp að gera mannabreytingar, eða er það hugmyndafræði hans sem er rót vandans? Hjá Dortmund var sigurhlutfall hans 56 prósent, en það er aðeins 49 prósent hjá Liverpool. Þar munar ekki miklu, en Liverpool undir Brendan Rodgers vann helming leikja sinna og hann var samt látinn taka pokann sinn.Koeman ráðalaus Það er kannski of brátt að tala um brottrekstur Klopps, en Ronald Koeman mun alveg örugglega verða rekinn úr starfi sínu hjá Everton á næstu dögum, ef það gerðist ekki í gærkvöldi eftir að blaðið fór í prentun. Everton er komið í fallsæti eftir tapið fyrir Arsenal í gær og hefur frammistaða liðsins verið mjög slæm. Það hefur fengið á sig 18 mörk í níu leikjum í deildinni og aðeins skorað sjö. Liðið hefur ekki unnið í fimm leikjum í röð í öllum keppnum. Wayne Rooney veitti stuðningsmönnum Everton von snemma leiks með frábæru marki. Það slokknaði hins vegar fljótt í vonarglætunni þegar sofandaháttur í vörninni olli því að Nacho Monreal jafnaði leikinn fyrir Arsenal. Þá hrundi allt hjá Everton og má Koeman þakka Jordan Pickford í markinu að ekki fór enn verr en raun bar vitni, leiknum lauk með 2-5 sigri Arsenal. Hann er í raun einu sumarkaup Koemans sem virðast hafa gert eitthvað fyrir Everton.Engin taktík og engin gleði Liðið virðist ekki ná saman, og það lítur út fyrir að Koeman viti ekki hvernig hann á að stilla liðinu upp til þess að fá það besta út úr því. Níu sinnum á tímabilinu hefur Koeman gert breytingu á liði sínu í hálfleik, sem segir sitt um ráðaleysi hans. Það sem er verst í þessu öllu fyrir okkur Íslendinga er að Gylfi Þór Sigurðsson virðist týndur í þessu liði. Koeman hefur ekki verið að spila honum í holunni sinni og vantar sterkan framherja sem Gylfi getur skapað mörk fyrir. Allir þeir stuðningsmenn Liverpool sem gagnrýndu Jose Mourinho og varnarsinnaða taktík hans í stórleik Liverpool og Manchester United í síðustu viku ættu að óska eftir því að hann kæmi og læsi Klopp og Koeman pistilinn, en Bítlaborgarliðin tvö fengu á sig níu mörk samanlagt í gær, eitthvað sem á ekki að viðgangast hjá liðum af þeim styrkleika sem þessi fornfrægu lið eiga að hafa.
Enski boltinn Mest lesið Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn Orri Steinn fullkomnaði dag ungs stuðningsmanns Fótbolti Ætlar að spila á ný þrátt fyrir að hafa verið við dauðans dyr Fótbolti Ísak skoraði í vítakeppni í grátlegu tapi Fótbolti Heimir Hallgríms þegar búinn að tryggja sambandinu 277 milljónir Fótbolti Boston Celtics í úrslitin: „Við erum allt annað lið núna“ Körfubolti Sveindís Jane mætti og studdi sína konu: Stolt af þér gullið mitt Fótbolti Lést eftir að hafa dottið af hestbaki Sport Dagskráin í dag: Verður Minnesota sópað úr leik? Sport Uppgjör: Fylkir - HK 3-1 | Lífsnauðsynlegur og langþráður sigur Fylkis gegn HK Íslenski boltinn Fleiri fréttir Kraftaverkamaðurinn Emery framlengir á Villa Park Chelsea í viðræður um kaup á stjóra Leicester Tekur ekki við Chelsea sem vill ráða nýjan stjóra í vikunni „Fullt af mistökum“ Southampton vann á Wembey og spilar í úrvalsdeildinni á næsta tímabili Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Fyrstu táningarnir síðan Ronaldo árið 2004 Ten Hag: Ósanngjörn gagnrýni á bæði mig og liðið allt Bikarmeistarinn Bruno: „Þurftum að fórna og þjást en við gerðum magnaða hluti“ Manchester United tryggði sér titil í lokaleik tímabilsins Vill losna frá Crystal Palace og kaupa Everton Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Segja að Ten Hag verði rekinn sama hvernig úrslitaleikurinn fer Fernandes eyðir óvissunni: „Ég vil ekki fara“ Rooney gæti fengið nýtt starf þrátt fyrir hræðilegan árangur síðast Harry Maguire missir af bikarúrslitaleiknum Paquetá ákærður fyrir að sækjast eftir spjaldi í eigin leikjum Lopetegui tekur við West Ham Yfirmenn Pep fullvissir um að félagið verði ekki sakfellt Talið að Man Utd láti Ten Hag fara eftir úrslitaleikinn Féll í vor en vonast eftir Chelsea eða Bayern Ummælin höfðu neikvæð áhrif á Nunez sem hugsar hlýlega til Spánar Liverpool auglýsir lausa stöðu í þjálfarateymi Arne Slot Börn Bruno Fernandes kvöddu Jóhann: „Hann er toppmaður“ Ekki á heimleið: „Á inni nokkur ár á háu stigi“ Pochettino farinn frá Chelsea Benítez ráðleggur Slot fyrir komuna til Liverpool Mo Salah ætlar að vinna titla með Liverpool á næstu leiktíð Sjá meira
Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn
Óánægja með vítið á Akranesi: „Kominn tími á að taka á atferli leikmanns númer 19“ Íslenski boltinn