Það er nefnilega allt leyfilegt 23. október 2017 11:00 ,,Það er alltaf gaman að spila djarft í klæðaburði. Þessar buxur passa frábærlega vel með einhverju hlutlausu að ofan því þær eru jú aðalatriðið hér. Ég elska þessar buxur.“ MYNDIR/ERNIR Tónlistarmaðurinn Denique er ættaður frá Kanada en hefur dvalið á Íslandi síðustu þrjú sumur við að fínpússa tónlist sína og taka upp myndbönd af íslenskri náttúru sem m.a. birtast í nokkrum tónlistarmyndbanda hans. Fyrsta plata hans, Shape 1, kom út fyrir skömmu og er fáanleg á vefnum hans, www.denique.ca en þar má einnig horfa á tónlistarmyndbönd við lög plötunnar. „Ég hitti fyrir tilviljun framkvæmdastjóra íslensks fyrirtækis á bókasafni í Kanada. Eftir stutt spjall sagði ég við hann í gríni að ég væri til í að búa á Íslandi. Sú lína átti heldur betur eftir að hafa afleiðingar því hjónin buðu mér í heimsókn til Íslands sumarið 2015. Það sumar kynntist ég fullt af skemmtilegu og skapandi fólki sem hafði mikil áhrif á mig og verk mín. Því má segja að á þeim tíma hafi ég fundið út fyrir alvöru hver ég var og hvað ég vildi segja með sköpun minni.“Hann lýsir tónlist sinni sem „alternative“ popptónlist með skandinavískum blæbrigðum. „Sándið á plötunni minni er ekki dæmigert poppsánd en tónlistin er samt þannig að ég held að flestum eigi eftir að líka vel við hana.“ Er tvær persónur Denique vekur oft athygli fyrir skrautlegan klæðaburð en hann á sér þó aðra hlið. „Ég er í raun tvær persónur þegar kemur að klæðaburði. Annars vegar er ég poppstjarnan Denique sem hefur sterkan og áhugaverðan glamúrstíl. Hins vegar er ég mikið letiblóð sem klæðist eingöngu svörtu eða allt of stórum litfögrum bolum. Ég forðast að klæðast flíkum með vörumerkjum og áberandi munstri. Eina undantekningin sem ég geri er blómamynstur, ég elska blóm!“ Að sama skapi segist hann ekki vera jafn félagslyndur og úthverf týpa eins og margir halda. „Raunar er ég frekar ómannblendinn og eyði stórum hluta frítímans heima þar sem ég skipulegg næstu stóru skref í tengslum við tónlistarferil minn. Einnig kemur það mörgum á óvart að ég er mjög ástríðufullur hjólreiðamaður.“ Hræódýrar perlur Aðspurður hvenær tískuáhugi hans hafi kviknað segist hann ekki vera viss. „Þegar ég hugsa til baka þá vaknaði ég ekki einn góðan veðurdag og hugsaði: „Nú ætla ég að hafa áhuga á tísku.“ Hins vegar man ég eftir að hafa valið mér föt á yngri árum sem gáfu mér ólíka orku hverju sinni. Dagsdaglega geng ég helst ekki í nýjum fötum heldur kaupi föt í verslunum sem selja notuð föt. Þar má finna margar hræódýrar perlur sem annars yrði jafnvel hent. Þegar ég vil klæðast einhverju frumlegu finnst mér alltaf skemmtileg áskorun að nota óhefðbundna fylgihluti á borði við sterkt teip, álpappír, plast, víra, pappír, vefnaðarefni og fleira.“„Sumir karlmenn kæðast skotapilsi en mér finnst að fleiri karlar ættu að kæðast síðum pilsum. Þau eru þægileg og skapa um leið fágaða heildarmynd sem er bæði flott en líka áhugaverð.“Áttu uppáhaldshönnuð? Þótt ég skrúfi aðeins upp glamúrinn í tónlistarmyndböndum mínum þá veit ég í raun ótrúlega lítið um tískubransann og fylgist ekki nógu vel með honum. Ég fór þó á tvær tískusýningar í sumar og á annarri þeirra sá ég t.d. nýjustu línu uppáhaldshönnuðar míns sem heitir Gabriel Drolet-MaGuire. Ég var mjög hrifinn af sýningunni en þar fléttaði hann snilldarlega saman línuna sína, tónlist, ljóðlist, fyrirsætur og fleiri þætti. Það er ekki að ástæðulausu sem hann er langt á undan sinni samtíð, aðeins 22 ára gamall.Hvernig fylgist þú helst með tísku? Ég fylgist í raun ekki með tískuiðnaðinum og nýjustu trendum. Ég læt innsæi mitt ráða þegar ég stíg inn í verslanir sem selja notuð föt. Það er umhverfisvæn leið til að versla og um leið hefur hver flík einhverja sögu að segja.Áttu þér uppáhaldsverslanir? Í Reykjavík er helst hægt að nefna gott úrval í Spúútnik en verðið þar er aðeins of hátt fyrir minn smekk. Verð í sambærilegum verslunum í Kanada er miklu lægra þar sem t.d. er hægt að kaupa notaða ullarpeysu á 500 kr. Ég elska líka Hertex í Garðastræti en verðið þar er hins vegar frábært.Hver er uppáhaldsflíkin þín? Ég er með rúllukragapeysur á heilanum og á a.m.k. sjö eða átta slíkar í ólíkum litum. Mér finnst að allir eigi að eiga a.m.k. fimm slíkar peysur.Bestu og verstu kaup? Ég á virkilega flottan vetrarjakka sem er eins og risastórt jólaullarteppi. Jakkinn kostaði einungis 2.000 kr. en ég keypti hann í Kanada. Margir hafa stoppað mig úti á götu og spurt út í hann enda stórkostlegur jakki og um leið bestu kaup mín. Varðandi verstu kaup þá læt ég innsæi mitt ráða eins og fyrr segir þegar ég kaupi föt. Fyrir vikið kaupi ég varla föt nema ég virkilega elski þau. Hins vegar man ég eftir því þegar ég var í framhaldsskóla og fannst góð hugmynd að lita hárið á mér dökkbrúnt. Þegar rótin fór að vaxa leit út eins og ég væri að fá skalla fimmtán ára gamall. Þetta voru ekki mínar bestu stundir.Notar þú fylgihluti? Mér finnst gaman að nota fylgihluti sem eru í raun ekki hefðbundnir fylgihlutir, t.d. plast, víra, óvenjuleg höfuðföt, málma, líkamsmálningu og fleira. Hjá mér er nefnilega allt leyfilegt. Hægt er að fylgjast með Denique, og hlusta á tónlist hans, á Spotify, www.denique.ca, facebook og Instagram. Mest lesið Gríman 2024: Saknaðarilmur hlaut flestar tilnefningar Menning Þórdís Björk og Júlí Heiðar eignuðust hárprúða stúlku Lífið Af vængjum fram: Búlgörsku mafíunni að mæta yrði Ásdísi dömpað Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Matti og tengdó selja 220 milljóna króna einbýlishús Lífið Endurtekið hvött til að hvíla bláa litinn Lífið Inga Lind selur íbúð við Valshlíð Lífið Gleðitár hjá hundrað konum á Geysi Lífið Föruneyti Pingsins: Enn barist í Baldurs Gate Lífið Fleiri fréttir Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Táraflóð í útgáfuteiti Bjarna Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Sjá meira
Tónlistarmaðurinn Denique er ættaður frá Kanada en hefur dvalið á Íslandi síðustu þrjú sumur við að fínpússa tónlist sína og taka upp myndbönd af íslenskri náttúru sem m.a. birtast í nokkrum tónlistarmyndbanda hans. Fyrsta plata hans, Shape 1, kom út fyrir skömmu og er fáanleg á vefnum hans, www.denique.ca en þar má einnig horfa á tónlistarmyndbönd við lög plötunnar. „Ég hitti fyrir tilviljun framkvæmdastjóra íslensks fyrirtækis á bókasafni í Kanada. Eftir stutt spjall sagði ég við hann í gríni að ég væri til í að búa á Íslandi. Sú lína átti heldur betur eftir að hafa afleiðingar því hjónin buðu mér í heimsókn til Íslands sumarið 2015. Það sumar kynntist ég fullt af skemmtilegu og skapandi fólki sem hafði mikil áhrif á mig og verk mín. Því má segja að á þeim tíma hafi ég fundið út fyrir alvöru hver ég var og hvað ég vildi segja með sköpun minni.“Hann lýsir tónlist sinni sem „alternative“ popptónlist með skandinavískum blæbrigðum. „Sándið á plötunni minni er ekki dæmigert poppsánd en tónlistin er samt þannig að ég held að flestum eigi eftir að líka vel við hana.“ Er tvær persónur Denique vekur oft athygli fyrir skrautlegan klæðaburð en hann á sér þó aðra hlið. „Ég er í raun tvær persónur þegar kemur að klæðaburði. Annars vegar er ég poppstjarnan Denique sem hefur sterkan og áhugaverðan glamúrstíl. Hins vegar er ég mikið letiblóð sem klæðist eingöngu svörtu eða allt of stórum litfögrum bolum. Ég forðast að klæðast flíkum með vörumerkjum og áberandi munstri. Eina undantekningin sem ég geri er blómamynstur, ég elska blóm!“ Að sama skapi segist hann ekki vera jafn félagslyndur og úthverf týpa eins og margir halda. „Raunar er ég frekar ómannblendinn og eyði stórum hluta frítímans heima þar sem ég skipulegg næstu stóru skref í tengslum við tónlistarferil minn. Einnig kemur það mörgum á óvart að ég er mjög ástríðufullur hjólreiðamaður.“ Hræódýrar perlur Aðspurður hvenær tískuáhugi hans hafi kviknað segist hann ekki vera viss. „Þegar ég hugsa til baka þá vaknaði ég ekki einn góðan veðurdag og hugsaði: „Nú ætla ég að hafa áhuga á tísku.“ Hins vegar man ég eftir að hafa valið mér föt á yngri árum sem gáfu mér ólíka orku hverju sinni. Dagsdaglega geng ég helst ekki í nýjum fötum heldur kaupi föt í verslunum sem selja notuð föt. Þar má finna margar hræódýrar perlur sem annars yrði jafnvel hent. Þegar ég vil klæðast einhverju frumlegu finnst mér alltaf skemmtileg áskorun að nota óhefðbundna fylgihluti á borði við sterkt teip, álpappír, plast, víra, pappír, vefnaðarefni og fleira.“„Sumir karlmenn kæðast skotapilsi en mér finnst að fleiri karlar ættu að kæðast síðum pilsum. Þau eru þægileg og skapa um leið fágaða heildarmynd sem er bæði flott en líka áhugaverð.“Áttu uppáhaldshönnuð? Þótt ég skrúfi aðeins upp glamúrinn í tónlistarmyndböndum mínum þá veit ég í raun ótrúlega lítið um tískubransann og fylgist ekki nógu vel með honum. Ég fór þó á tvær tískusýningar í sumar og á annarri þeirra sá ég t.d. nýjustu línu uppáhaldshönnuðar míns sem heitir Gabriel Drolet-MaGuire. Ég var mjög hrifinn af sýningunni en þar fléttaði hann snilldarlega saman línuna sína, tónlist, ljóðlist, fyrirsætur og fleiri þætti. Það er ekki að ástæðulausu sem hann er langt á undan sinni samtíð, aðeins 22 ára gamall.Hvernig fylgist þú helst með tísku? Ég fylgist í raun ekki með tískuiðnaðinum og nýjustu trendum. Ég læt innsæi mitt ráða þegar ég stíg inn í verslanir sem selja notuð föt. Það er umhverfisvæn leið til að versla og um leið hefur hver flík einhverja sögu að segja.Áttu þér uppáhaldsverslanir? Í Reykjavík er helst hægt að nefna gott úrval í Spúútnik en verðið þar er aðeins of hátt fyrir minn smekk. Verð í sambærilegum verslunum í Kanada er miklu lægra þar sem t.d. er hægt að kaupa notaða ullarpeysu á 500 kr. Ég elska líka Hertex í Garðastræti en verðið þar er hins vegar frábært.Hver er uppáhaldsflíkin þín? Ég er með rúllukragapeysur á heilanum og á a.m.k. sjö eða átta slíkar í ólíkum litum. Mér finnst að allir eigi að eiga a.m.k. fimm slíkar peysur.Bestu og verstu kaup? Ég á virkilega flottan vetrarjakka sem er eins og risastórt jólaullarteppi. Jakkinn kostaði einungis 2.000 kr. en ég keypti hann í Kanada. Margir hafa stoppað mig úti á götu og spurt út í hann enda stórkostlegur jakki og um leið bestu kaup mín. Varðandi verstu kaup þá læt ég innsæi mitt ráða eins og fyrr segir þegar ég kaupi föt. Fyrir vikið kaupi ég varla föt nema ég virkilega elski þau. Hins vegar man ég eftir því þegar ég var í framhaldsskóla og fannst góð hugmynd að lita hárið á mér dökkbrúnt. Þegar rótin fór að vaxa leit út eins og ég væri að fá skalla fimmtán ára gamall. Þetta voru ekki mínar bestu stundir.Notar þú fylgihluti? Mér finnst gaman að nota fylgihluti sem eru í raun ekki hefðbundnir fylgihlutir, t.d. plast, víra, óvenjuleg höfuðföt, málma, líkamsmálningu og fleira. Hjá mér er nefnilega allt leyfilegt. Hægt er að fylgjast með Denique, og hlusta á tónlist hans, á Spotify, www.denique.ca, facebook og Instagram.
Mest lesið Gríman 2024: Saknaðarilmur hlaut flestar tilnefningar Menning Þórdís Björk og Júlí Heiðar eignuðust hárprúða stúlku Lífið Af vængjum fram: Búlgörsku mafíunni að mæta yrði Ásdísi dömpað Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Matti og tengdó selja 220 milljóna króna einbýlishús Lífið Endurtekið hvött til að hvíla bláa litinn Lífið Inga Lind selur íbúð við Valshlíð Lífið Gleðitár hjá hundrað konum á Geysi Lífið Föruneyti Pingsins: Enn barist í Baldurs Gate Lífið Fleiri fréttir Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað „Eru endaþarmsmök hættuleg?“ Biggi Maus breiðir yfir Frikka Dór Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Táraflóð í útgáfuteiti Bjarna Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Sjá meira