Jafnvígur á dönskuna og íslenskuna Stefán Þór Hjartarson skrifar 12. október 2017 10:15 Huginn bjó í Danmörku í sex ár og á það til að rappa á dönsku. Vísir/Ernir „Við erum að fara að frumsýna tónlistarmyndband sem ég gerði ásamt fleirum og svo vonandi tek ég nokkur lög – Gefðu mér einn, Eini strákur sem ég var að gefa út núna og síðan myndi ég reyna að troða inn nokkrum nýjum lögum,“ segir Huginn Frár Guðlaugsson, rappari sem gaf út lagið Eini strákur fyrir ekki margt löngu ásamt Helga Sæmundi úr Úlfur Úlfur. Huginn frumsýnir myndband við lag sitt og Helga nú í kvöld á Prikinu á svokölluðu „showcase“ kvöldi. „Ég á alveg nóg af efni – það er bara að vera fljótari að koma því út. Þannig séð er ég ekkert endilega að vinna í plötu. Ég er að bíða eftir rétta tímapunktinum til að sökkva mér í það verkefni að gera plötu. Öll lög hugsa ég sem lög sem myndu fara á plötu sem ég gef út einhvern tímann, síðan er bara spurning hvenær það gerist,“ segir Huginn spurður að því hvort þetta sé vísir að plötu.Rapparinn Birnir er skráður sem leikstjóri að myndbandinu við Eini strákur – hvað er að frétta af því? „Birnir leikstýrir þessu einmitt og Ágúst Elí tekur upp. Bryngeir vinur minn klippir. Það að Birnir leikstýrir gerðist bara einhvern veginn – þetta var eitthvað sem okkur datt í hug og allt í einu fórum við að redda staðsetningum og svona.“Nú rappar þú alveg slatta á dönsku í Eini strákur – er einhver Dani í þér? „Ég bjó í Danmörku í sex ár – frá þriðja til níunda bekkjar. Þannig að þetta var í raun bara tungumálið mitt í þau ár. Ég talaði íslensku heima en dönsku við alla vini mína, í skólanum og bara alls staðar. Þannig að ég er að reyna að halda í hana – mér fannst danskan bara passa inn og ég ákvað að halda henni í laginu, líka svolítið öðruvísi. Það er þægilegt að ná góðu flæði á dönsku, það eru aðrar áherslur en í íslenskunni sem brýtur þetta aðeins upp. Rapp er ógeðslega vinsælt í Danmörku og rosalega margar fyrirmyndir þar og rapparar til að læra af.“Má þá kannski búast við meiri dönsku frá þér í komandi lögum? „Ja, ég veit það ekki – ég hef líka áhuga á að gera eitthvað á ensku. Ég spila þetta bara svolítið eftir hendinni: ef ég allt í einu kemst í einhvern gír og langar að gera eitthvað á dönsku, þá geri ég eitthvað á dönsku og ef ég vil gera eitthvað á ensku, þá geri ég það. En ég rappa náttúrulega aðallega á íslensku, svona á þessari stundu allavega.“Hvað er svo næst? „Ég er að fara að spila hér og þar en svo er ég að vinna í nýju lagi sem heitir Ég sé þig. Það er amerískur pródúser, Jon Santana, sem gerði bítinn og Black Pox, Alexander Fannar, verður gestur. Ég er illa spenntur fyrir því – það er verið að mixa og mastera það og við stefnum á að henda í einhverja „visuals“ með því. Svo er ég bara að meta stöðuna og ákveða hvaða lag verður næst. Ég er ekki alveg búinn að plana svona langt fram í tímann.“ Huginn sýnir myndbandið nýja klukkan tíu í kvöld á Prikinu. Á laugardaginn hitar hann svo upp fyrir Emmsjé Gauta á Húrra og danska rapparann Emil Stabil viku síðar á sama stað. Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Inga Tinna og Logi greina frá kyni barnsins Lífið Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Heiður Ósk og Davíð eru nýtt par Lífið Hvers vegna tölum við um bongóblíðu? Lífið Fékk skyndihugmynd og er nú í blómahafi heima fyrir Lífið Heilmikil skemmtidagskrá og samsöngur á Þingvöllum í dag Lífið Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira
„Við erum að fara að frumsýna tónlistarmyndband sem ég gerði ásamt fleirum og svo vonandi tek ég nokkur lög – Gefðu mér einn, Eini strákur sem ég var að gefa út núna og síðan myndi ég reyna að troða inn nokkrum nýjum lögum,“ segir Huginn Frár Guðlaugsson, rappari sem gaf út lagið Eini strákur fyrir ekki margt löngu ásamt Helga Sæmundi úr Úlfur Úlfur. Huginn frumsýnir myndband við lag sitt og Helga nú í kvöld á Prikinu á svokölluðu „showcase“ kvöldi. „Ég á alveg nóg af efni – það er bara að vera fljótari að koma því út. Þannig séð er ég ekkert endilega að vinna í plötu. Ég er að bíða eftir rétta tímapunktinum til að sökkva mér í það verkefni að gera plötu. Öll lög hugsa ég sem lög sem myndu fara á plötu sem ég gef út einhvern tímann, síðan er bara spurning hvenær það gerist,“ segir Huginn spurður að því hvort þetta sé vísir að plötu.Rapparinn Birnir er skráður sem leikstjóri að myndbandinu við Eini strákur – hvað er að frétta af því? „Birnir leikstýrir þessu einmitt og Ágúst Elí tekur upp. Bryngeir vinur minn klippir. Það að Birnir leikstýrir gerðist bara einhvern veginn – þetta var eitthvað sem okkur datt í hug og allt í einu fórum við að redda staðsetningum og svona.“Nú rappar þú alveg slatta á dönsku í Eini strákur – er einhver Dani í þér? „Ég bjó í Danmörku í sex ár – frá þriðja til níunda bekkjar. Þannig að þetta var í raun bara tungumálið mitt í þau ár. Ég talaði íslensku heima en dönsku við alla vini mína, í skólanum og bara alls staðar. Þannig að ég er að reyna að halda í hana – mér fannst danskan bara passa inn og ég ákvað að halda henni í laginu, líka svolítið öðruvísi. Það er þægilegt að ná góðu flæði á dönsku, það eru aðrar áherslur en í íslenskunni sem brýtur þetta aðeins upp. Rapp er ógeðslega vinsælt í Danmörku og rosalega margar fyrirmyndir þar og rapparar til að læra af.“Má þá kannski búast við meiri dönsku frá þér í komandi lögum? „Ja, ég veit það ekki – ég hef líka áhuga á að gera eitthvað á ensku. Ég spila þetta bara svolítið eftir hendinni: ef ég allt í einu kemst í einhvern gír og langar að gera eitthvað á dönsku, þá geri ég eitthvað á dönsku og ef ég vil gera eitthvað á ensku, þá geri ég það. En ég rappa náttúrulega aðallega á íslensku, svona á þessari stundu allavega.“Hvað er svo næst? „Ég er að fara að spila hér og þar en svo er ég að vinna í nýju lagi sem heitir Ég sé þig. Það er amerískur pródúser, Jon Santana, sem gerði bítinn og Black Pox, Alexander Fannar, verður gestur. Ég er illa spenntur fyrir því – það er verið að mixa og mastera það og við stefnum á að henda í einhverja „visuals“ með því. Svo er ég bara að meta stöðuna og ákveða hvaða lag verður næst. Ég er ekki alveg búinn að plana svona langt fram í tímann.“ Huginn sýnir myndbandið nýja klukkan tíu í kvöld á Prikinu. Á laugardaginn hitar hann svo upp fyrir Emmsjé Gauta á Húrra og danska rapparann Emil Stabil viku síðar á sama stað.
Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Inga Tinna og Logi greina frá kyni barnsins Lífið Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Heiður Ósk og Davíð eru nýtt par Lífið Hvers vegna tölum við um bongóblíðu? Lífið Fékk skyndihugmynd og er nú í blómahafi heima fyrir Lífið Heilmikil skemmtidagskrá og samsöngur á Þingvöllum í dag Lífið Fleiri fréttir Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Sjá meira