Breiðir út fagnaðarerindið í Manchester Ingvi Þór Sæmundsson skrifar 11. september 2017 07:30 Góðan daginn, Jesus hér. Get ég aðstoðað? Gabriel Jesus fagnar öðru tveggja marka sinna í 5-0 stórsigri Manchester City á Liverpool um helgina. vísir/getty Miðað við þá stökkbreytingu sem hefur orðið á kaupverði leikmanna í sumar teljast þær tæpu 29 milljónir punda sem Manchester City borgaði fyrir brasilíska framherjann Gabriel Jesus gjöf en ekki gjald. Í byrjun ágúst í fyrra var greint frá því að City hefði fest kaup á Jesus frá Palmeiras og hann myndi koma til félagsins í janúar 2017. Frelsarinn mætti til Manchester um miðjan janúar og byrjaði strax að láta til sín taka. Hann lagði upp mark í sínum fyrsta byrjunarliðsleik fyrir City og skoraði og lagði upp í fyrsta leiknum í byrjunarliði í ensku úrvalsdeildinni. Jesus endaði síðasta tímabil með sjö mörk og fjórar stoðsendingar í aðeins 10 deildarleikjum. Þeir hefðu orðið mun fleiri ef ekki hefði verið fyrir fótbrot. Pep Guardiola, knattspyrnustjóri City, var það hrifinn af Jesus að hann tók Brassann fram yfir sjálfan Sergio Agüero, einn besta leikmann í sögu City, í nokkrum leikjum. Jesus er aðeins öðruvísi leikmaður en Agüero; duglegri og virkari í sóknaruppbyggingu liðsins. En það eru fáir í bransanum sem klára færin sín jafn vel og Agüero sem er núna orðinn markahæsti leikmaður í sögu ensku úrvalsdeildarinnar sem er ekki frá Evrópu. Á þessu tímabili hefur Guardiola stillt meistaranum og lærisveininum saman upp í framlínu City í leikkerfinu 3-5-2. Sú blanda hefur virkað vel í upphafi tímabils. City hefur fengið 10 stig af 12 mögulegum og situr í 2. sæti ensku úrvalsdeildarinnar, með jafn mörg stig og topplið Manchester United sem er með hagstæðari markatölu.Jesus og Agüero voru báðir á skotskónum í 5-0 stórsigrinum á Liverpool á laugardaginn. Rauði herinn byrjaði leikinn af krafti og var sterkari aðilinn fram að fyrsta markinu sem Agüero skoraði eftir stungusendingu frá Kevin De Bruyne sem átti frábæran leik í liði City. Á 37. mínútu breyttist leikurinn þegar Sadio Mané var rekinn út af fyrir að sparka í andlitið á Ederson, markverði City. Skiptar skoðanir voru á rauða spjaldinu en líklega átti Jon Moss engra annarra kosta völ en að senda Senegalann í sturtu. Einum færri var róður Liverpool-manna þungur. Jesus kom City í 2-0 með skalla eftir fyrirgjöf De Bruynes í uppbótartíma fyrri hálfleiks og á 53. mínútu skoraði hann sitt annað mark og þriðja mark City eftir sendingu frá Agüero. Leroy Sané, sem kom inn á fyrir Jesus á 57. mínútu, bætti svo tveimur mörkum við áður en yfir lauk. Lokatölur 5-0, City í vil. Þetta er jöfnun á stærsta tapi Jürgens Klopp á stjóraferlinum og jafnframt stærsti sigur City á Liverpool síðan 1925. Jesus og Agüero virðast alltaf ná betur og betur saman og það eru vondar fréttir fyrir andstæðinga City sem virðist vera með heilsteyptara lið en á síðasta tímabili. Byrjunin hefur verið góð og það eru jákvæð teikn á lofti á Etihad. En City byrjaði síðasta tímabil líka frábærlega svo stuðningsmenn liðsins geta ekki farið að fagna of snemma. Hinn tvítugi Jesus, sem er mjög trúaður og á að hafa valið treyjunúmerið 33 til að heiðra nafna sinn sem var krossfestur 33 ára gamall, er einnig lykilmaður í brasilíska landsliðinu. Jesus hefur skorað fimm mörk í níu landsleikjum, auk þess sem hann skoraði þrjú mörk í sex leikjum þegar Brasilía varð Ólympíumeistari á heimavelli í fyrra. Þessi skemmtilegi leikmaður verður væntanlega í stóru hlutverki á HM í Rússlandi þar sem Brassar ætla að binda enda á 16 ára bið eftir heimsmeistaratitli. Enski boltinn Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Barcelona þarf tæplega tuttugu milljarða fyrir lok júnímánaðar Fótbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Leeds í úrslit um sæti í ensku úrvalsdeildinni Enski boltinn Fleiri fréttir Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Emirates verður aðalheimavöllur Arsenal á næstu leiktíð Guardiola: Arsenal verður meistari ef við vinnum ekki Tottenham Var með 0,99 í xG en skoraði samt ekki Varane kveður United eftir tímabilið Fernandes íhugar að stökkva frá borði Hrósaði karakter leikmanna eftir að liðið henti frá sér unnum leik Liverpool henti frá sér sigrinum í síðasta útileik Klopp Kröfðu Bayern um 100 milljónir fyrir þjálfarann Sú markahæsta í sögu ensku deildarinnar yfirgefur Arsenal og fer væntanlega til City Sjá meira
Miðað við þá stökkbreytingu sem hefur orðið á kaupverði leikmanna í sumar teljast þær tæpu 29 milljónir punda sem Manchester City borgaði fyrir brasilíska framherjann Gabriel Jesus gjöf en ekki gjald. Í byrjun ágúst í fyrra var greint frá því að City hefði fest kaup á Jesus frá Palmeiras og hann myndi koma til félagsins í janúar 2017. Frelsarinn mætti til Manchester um miðjan janúar og byrjaði strax að láta til sín taka. Hann lagði upp mark í sínum fyrsta byrjunarliðsleik fyrir City og skoraði og lagði upp í fyrsta leiknum í byrjunarliði í ensku úrvalsdeildinni. Jesus endaði síðasta tímabil með sjö mörk og fjórar stoðsendingar í aðeins 10 deildarleikjum. Þeir hefðu orðið mun fleiri ef ekki hefði verið fyrir fótbrot. Pep Guardiola, knattspyrnustjóri City, var það hrifinn af Jesus að hann tók Brassann fram yfir sjálfan Sergio Agüero, einn besta leikmann í sögu City, í nokkrum leikjum. Jesus er aðeins öðruvísi leikmaður en Agüero; duglegri og virkari í sóknaruppbyggingu liðsins. En það eru fáir í bransanum sem klára færin sín jafn vel og Agüero sem er núna orðinn markahæsti leikmaður í sögu ensku úrvalsdeildarinnar sem er ekki frá Evrópu. Á þessu tímabili hefur Guardiola stillt meistaranum og lærisveininum saman upp í framlínu City í leikkerfinu 3-5-2. Sú blanda hefur virkað vel í upphafi tímabils. City hefur fengið 10 stig af 12 mögulegum og situr í 2. sæti ensku úrvalsdeildarinnar, með jafn mörg stig og topplið Manchester United sem er með hagstæðari markatölu.Jesus og Agüero voru báðir á skotskónum í 5-0 stórsigrinum á Liverpool á laugardaginn. Rauði herinn byrjaði leikinn af krafti og var sterkari aðilinn fram að fyrsta markinu sem Agüero skoraði eftir stungusendingu frá Kevin De Bruyne sem átti frábæran leik í liði City. Á 37. mínútu breyttist leikurinn þegar Sadio Mané var rekinn út af fyrir að sparka í andlitið á Ederson, markverði City. Skiptar skoðanir voru á rauða spjaldinu en líklega átti Jon Moss engra annarra kosta völ en að senda Senegalann í sturtu. Einum færri var róður Liverpool-manna þungur. Jesus kom City í 2-0 með skalla eftir fyrirgjöf De Bruynes í uppbótartíma fyrri hálfleiks og á 53. mínútu skoraði hann sitt annað mark og þriðja mark City eftir sendingu frá Agüero. Leroy Sané, sem kom inn á fyrir Jesus á 57. mínútu, bætti svo tveimur mörkum við áður en yfir lauk. Lokatölur 5-0, City í vil. Þetta er jöfnun á stærsta tapi Jürgens Klopp á stjóraferlinum og jafnframt stærsti sigur City á Liverpool síðan 1925. Jesus og Agüero virðast alltaf ná betur og betur saman og það eru vondar fréttir fyrir andstæðinga City sem virðist vera með heilsteyptara lið en á síðasta tímabili. Byrjunin hefur verið góð og það eru jákvæð teikn á lofti á Etihad. En City byrjaði síðasta tímabil líka frábærlega svo stuðningsmenn liðsins geta ekki farið að fagna of snemma. Hinn tvítugi Jesus, sem er mjög trúaður og á að hafa valið treyjunúmerið 33 til að heiðra nafna sinn sem var krossfestur 33 ára gamall, er einnig lykilmaður í brasilíska landsliðinu. Jesus hefur skorað fimm mörk í níu landsleikjum, auk þess sem hann skoraði þrjú mörk í sex leikjum þegar Brasilía varð Ólympíumeistari á heimavelli í fyrra. Þessi skemmtilegi leikmaður verður væntanlega í stóru hlutverki á HM í Rússlandi þar sem Brassar ætla að binda enda á 16 ára bið eftir heimsmeistaratitli.
Enski boltinn Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Barcelona þarf tæplega tuttugu milljarða fyrir lok júnímánaðar Fótbolti NFL tekur ekki undir umdeild ummæli Butker Sport McIlroy í baráttunni þrátt fyrir yfirvonandi skilnað Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti „Frábært að ná sigri í fyrsta leik og í svona svakalegum leik“ Körfubolti Uppgjörið, viðtöl og myndir: Valur - Haukar 28-25 | Valskonur Íslandsmeistarar Handbolti Leeds í úrslit um sæti í ensku úrvalsdeildinni Enski boltinn Fleiri fréttir Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Emirates verður aðalheimavöllur Arsenal á næstu leiktíð Guardiola: Arsenal verður meistari ef við vinnum ekki Tottenham Var með 0,99 í xG en skoraði samt ekki Varane kveður United eftir tímabilið Fernandes íhugar að stökkva frá borði Hrósaði karakter leikmanna eftir að liðið henti frá sér unnum leik Liverpool henti frá sér sigrinum í síðasta útileik Klopp Kröfðu Bayern um 100 milljónir fyrir þjálfarann Sú markahæsta í sögu ensku deildarinnar yfirgefur Arsenal og fer væntanlega til City Sjá meira