Innlent

Jón Þór missti stjórn á sér í pontu Alþingis

Stefán Ó. Jónsson skrifar
Jóni Þóri Ólafssyni var heitt í hamsi á Alþingi í dag.
Jóni Þóri Ólafssyni var heitt í hamsi á Alþingi í dag. Skjáskot
Jón Þór Ólafsson, þingmaður Pírata, var áminntur af forseta Alþingis í dag í umræðum um tillögur Sigríðar Á. Andersen dómsmálaráðherra um skipan dómara við Landsrétt.

Upptöku af ræðunni má sjá hér að neðan.

Átti hann þar í orðaskiptum við Teit Björn Einarsson, þingmann Sjálfstæðisflokks, sem hafði veitt andsvar við fyrri ræðu Píratans.

Sjá einnig: „Þetta á að rannsaka“

Jón Þór sagðist ósáttur við það hvernig að málinu hafði verið staðið í nefndinni og kallaði á meiri tíma til að vinna úr tillögunni.

Í miðri ræðu Jóns Þórs heyrðust hlátrasköll úr þingsalnum.

„Þingmaðurinn hlær. Þingmenn verða að átta sig á því að á þetta þing veljast almennir borgarar sem eru ekki allir lögmenn og við þurfum fokking tíma til þess að geta unnið þetta mál,“ kallaði Jón Þór og baðst strax afsökunar á orðum sínum eftir að forseti hafði slegið í bjöllu sína.

Sjá einnig: Bein útsending: Tekist á um tillögur um skipun dómara við Landsrétt

„Ég missti út úr mér þetta orð,“ sagði sakbitinn Jón Þór áður en hann tók að kalla á ný.

Ræðu hans má sjá hér að neðan. Umræður um skipan í Landsrétt standa enn yfir. Með þeim má fylgjast hér. 


Tengdar fréttir

Leki úr nefndinni sagður óheppilegur fyrir Alþingi

Ganga þarf úr skugga um að það hafi ekki verið nefndarmenn í stjórnskipunar- og eftirlitsnefnd sem létu fjölmiðlum í té upplýsingar um mat á hæfni umsækjenda um dómarastarf í Landsrétti.

„Þetta á að rannsaka“

"Þetta er allt saman mjög ófaglegt ferli og þetta á að rannsaka og þetta verður rannsakað,“ sagði Jón Þór Ólafsson, þingmaður Pírata.

Reyndi að fá Sigmund til að tjá sig með því að þegja

Björn Leví Gunnarsson, þingmaður Pírata, starði á Sigmund Davíð Gunnlaugsson forsætisráðherra í fimmtán sekúndur á Alþingi í dag, í þeirri von að ráðherrann myndi tjá sig um afnám verðtryggingar.




Fleiri fréttir

Sjá meira


×