Rafmagnsbíllinn Nio á nú metið á Nürburgring Finnur Thorlacius skrifar 6. júní 2017 10:00 Nio EP9 á Nürburgring brautinni. Þó falla ótt og títt metin á Nürburgring brautinni þýsku. Ekki er langt síðan að Lamborghini Huracán náði brautarmetinu af Porsche 918 Spyder, en nú hefur það enn verið slegið og það af rafmagnsbíl. Það var hinn rafdrifni Nio EP9 sem náði að hringa brautina á 6 mínútum og 45,9 sekúndum. Með því bætti Nio bíllinn metið á meðal rafmagnsbíla um heilar 19,22 sekúndur, en í leiðinni setti hann met á meðal allra þeirra bíla sem teljast fjöldaframleiddir og standa almenningi til boða. Það er þó ekki mikil fjöldaframleiðsla á Nio EP9, en framleiddir hafa verið alls sex Nio EP9 bílar og til stendur að framlieða 10 í viðbót. Þar fara ekki ódýrir bílar því eintakið selst á 1,48 milljónir dollara, eða 154 milljónir króna. Fyrir það fá kaupendur 1.341 hestafla bíl með fjóra öfluga rafmótora. Þetta afl dugar til að koma bílnum í 100 km hraða á 2,7 sekúndum og í 200 á 7,1 sekúndu. Hámarkshraðinn er 312 km/klst. Ytra byrði bílsins er sérstaklega hannað til að tryggja mikinn niðurþrýsting og bíllinn er hreinlega límdur á götuna. Stilla má afturvæng hans í þessum tilgangi á ferð. Svo límdur er hann á veginn að ökumaður hans verður að þola allt að 2,53 g þrýsting í beygju á 230 km hraða. Nio EP9 á annað athyglivert brautarmet því hann náði að fara Circuit of the Americas (COTA) með sjálfakandi hætti á 2 mínútum og 40,33 sekúndum. Nio fyrirtækið ætlar á næstunni að kynna nýjan bíl, ES8 sem keppa á við Tesla Model X jeppann og víst er að hann þarf að vera miklu mun ódýrari en Nio EP9 til að standast einhverja samkeppni við Tesla jeppann. Mest lesið Rúður skotnar í spað í verslun innflytjenda Innlent Íslendingur sem lúbarði lögreglumenn í Varsjá þarf að borga brúsann Erlent Quang Le hakkaður á Facebook Innlent Þrettán ára drengur stunginn til bana með sverði Erlent Særði minnst fimm með sverði í Lundúnum Erlent Lítilsvirðing gagnvart konum eigi ekki að líðast hjá RÚV Innlent Aukin virkni í gosinu Innlent Spurningar til Baldurs minni á árið 1980 Innlent Forsetavaktin 2024: Hver verður sjöundi forseti lýðveldisins? Innlent Umboðsmaður krefst skýringa á nýju lögreglumerki Innlent Fleiri fréttir Fær einn af sextíu forsetaframbjóðendum upp í bíl til sín Sjá meira
Þó falla ótt og títt metin á Nürburgring brautinni þýsku. Ekki er langt síðan að Lamborghini Huracán náði brautarmetinu af Porsche 918 Spyder, en nú hefur það enn verið slegið og það af rafmagnsbíl. Það var hinn rafdrifni Nio EP9 sem náði að hringa brautina á 6 mínútum og 45,9 sekúndum. Með því bætti Nio bíllinn metið á meðal rafmagnsbíla um heilar 19,22 sekúndur, en í leiðinni setti hann met á meðal allra þeirra bíla sem teljast fjöldaframleiddir og standa almenningi til boða. Það er þó ekki mikil fjöldaframleiðsla á Nio EP9, en framleiddir hafa verið alls sex Nio EP9 bílar og til stendur að framlieða 10 í viðbót. Þar fara ekki ódýrir bílar því eintakið selst á 1,48 milljónir dollara, eða 154 milljónir króna. Fyrir það fá kaupendur 1.341 hestafla bíl með fjóra öfluga rafmótora. Þetta afl dugar til að koma bílnum í 100 km hraða á 2,7 sekúndum og í 200 á 7,1 sekúndu. Hámarkshraðinn er 312 km/klst. Ytra byrði bílsins er sérstaklega hannað til að tryggja mikinn niðurþrýsting og bíllinn er hreinlega límdur á götuna. Stilla má afturvæng hans í þessum tilgangi á ferð. Svo límdur er hann á veginn að ökumaður hans verður að þola allt að 2,53 g þrýsting í beygju á 230 km hraða. Nio EP9 á annað athyglivert brautarmet því hann náði að fara Circuit of the Americas (COTA) með sjálfakandi hætti á 2 mínútum og 40,33 sekúndum. Nio fyrirtækið ætlar á næstunni að kynna nýjan bíl, ES8 sem keppa á við Tesla Model X jeppann og víst er að hann þarf að vera miklu mun ódýrari en Nio EP9 til að standast einhverja samkeppni við Tesla jeppann.
Mest lesið Rúður skotnar í spað í verslun innflytjenda Innlent Íslendingur sem lúbarði lögreglumenn í Varsjá þarf að borga brúsann Erlent Quang Le hakkaður á Facebook Innlent Þrettán ára drengur stunginn til bana með sverði Erlent Særði minnst fimm með sverði í Lundúnum Erlent Lítilsvirðing gagnvart konum eigi ekki að líðast hjá RÚV Innlent Aukin virkni í gosinu Innlent Spurningar til Baldurs minni á árið 1980 Innlent Forsetavaktin 2024: Hver verður sjöundi forseti lýðveldisins? Innlent Umboðsmaður krefst skýringa á nýju lögreglumerki Innlent Fleiri fréttir Fær einn af sextíu forsetaframbjóðendum upp í bíl til sín Sjá meira