Harmagrátur Óttar Guðmundsson skrifar 27. maí 2017 07:00 Í Heimsljósi Halldórs Laxness er rakin saga Ólafs Kárasonar niðursetnings og skálds. Fyrstu kaflarnir fjalla um ömurlega æsku drengsins að Fæti undir Fótarfæti. Einn af þjáningarbræðrum Ólafs var gamall maður og sveitarómagi, Jósef að nafni. Einhverju sinni var honum misþyrmt svo hrottalega af heimilisfólkinu að hann grét beisklega. Ólafur Kárason hafði alltaf haldið að gamlir menn gætu ekki grátið en vissi frá þeirri stundu hið gagnstæða. Engir gráta jafnsárt, „grátur gamalla manna er sá eini sanni grátur“. Nú er kominn til sögunnar enn sárari harmasöngur þar sem forsvarsmenn ferðaþjónustunnar gráta í kór yfir sterku gengi krónunnar. Ég var alinn upp á tímum gengisfellinga. Alvöruþrungnir, dökkklæddir seðlabankastjórar komu reglulega fram í fréttatímum og sögðust ætla að fella gengið um tugi prósenta. Vöruverð hækkaði og í kjölfarið fylgdu víxlhækkanir kaupgjalds og verðlags með óðaverðbólgu. Allir voru sammála um það að gengisfelling hefði dauða og djöful í för með sér. Á síðustu árum hefur tekist að halda verðlagi í landinu stöðugu. Gengi krónunnar hefur styrkst til blessunar fyrir alþýðu manna. Meðan almenningur fagnar hagstæðu gengi grætur ferðamannaiðnaðurinn eins og niðursetningur. Hátt gengi þýðir að ferðamenn kaupa minna af tuskudúkkum og skrani við Laugaveginn. Túristar kvarta undan okurverði í sjoppum hringinn í kringum landið. Þessi grátkór ferðaþjónustunnar er svo hávær og sannfærandi að skynsamasta fólk er farið að kvarta undan of sterkri krónu. Sumir vilja góða og hressandi gengisfellingu upp á gamla móðinn svo að þetta fullorðna fólk hætti að gráta. Jósef gamli dó úr harmi. Enginn vill sjá ferðaþjónustuna drukkna í eigin táraflóði meðan ferðamönnum fjölgar um 20 prósent á hverju ári. Viltu birta grein á Vísi? Sendu okkur póst. Senda grein Birtist í Fréttablaðinu Óttar Guðmundsson Mest lesið Jarðakaup í nýjum tilgangi Halla Hrund Logadóttir Skoðun Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson Skoðun Hvað á ég að gera? Rannveig Hafsteinsdóttir Skoðun Opið bréf til Heru Bjarkar Anna Tómasdóttir,Margrét Manda Jónsdóttir,Marta Jóns Hjördísardóttir Skoðun Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason Skoðun Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir Skoðun Eldri borgarar fá lítið út úr kjarasamningunum Kári Jónasson Skoðun Að læra íslensku til að finnast þú vera hluti af samfélaginu Valerio Gargiulo Skoðun Ójöfnuður - andhverfa lýðræðis Jón Baldvin Hannibalsson Skoðun Þreytandi grænþvottur Birgitta Stefánsdóttir Skoðun
Í Heimsljósi Halldórs Laxness er rakin saga Ólafs Kárasonar niðursetnings og skálds. Fyrstu kaflarnir fjalla um ömurlega æsku drengsins að Fæti undir Fótarfæti. Einn af þjáningarbræðrum Ólafs var gamall maður og sveitarómagi, Jósef að nafni. Einhverju sinni var honum misþyrmt svo hrottalega af heimilisfólkinu að hann grét beisklega. Ólafur Kárason hafði alltaf haldið að gamlir menn gætu ekki grátið en vissi frá þeirri stundu hið gagnstæða. Engir gráta jafnsárt, „grátur gamalla manna er sá eini sanni grátur“. Nú er kominn til sögunnar enn sárari harmasöngur þar sem forsvarsmenn ferðaþjónustunnar gráta í kór yfir sterku gengi krónunnar. Ég var alinn upp á tímum gengisfellinga. Alvöruþrungnir, dökkklæddir seðlabankastjórar komu reglulega fram í fréttatímum og sögðust ætla að fella gengið um tugi prósenta. Vöruverð hækkaði og í kjölfarið fylgdu víxlhækkanir kaupgjalds og verðlags með óðaverðbólgu. Allir voru sammála um það að gengisfelling hefði dauða og djöful í för með sér. Á síðustu árum hefur tekist að halda verðlagi í landinu stöðugu. Gengi krónunnar hefur styrkst til blessunar fyrir alþýðu manna. Meðan almenningur fagnar hagstæðu gengi grætur ferðamannaiðnaðurinn eins og niðursetningur. Hátt gengi þýðir að ferðamenn kaupa minna af tuskudúkkum og skrani við Laugaveginn. Túristar kvarta undan okurverði í sjoppum hringinn í kringum landið. Þessi grátkór ferðaþjónustunnar er svo hávær og sannfærandi að skynsamasta fólk er farið að kvarta undan of sterkri krónu. Sumir vilja góða og hressandi gengisfellingu upp á gamla móðinn svo að þetta fullorðna fólk hætti að gráta. Jósef gamli dó úr harmi. Enginn vill sjá ferðaþjónustuna drukkna í eigin táraflóði meðan ferðamönnum fjölgar um 20 prósent á hverju ári.
Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson Skoðun
Opið bréf til Heru Bjarkar Anna Tómasdóttir,Margrét Manda Jónsdóttir,Marta Jóns Hjördísardóttir Skoðun
Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason Skoðun
Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir Skoðun
Ráðherra sem fer þvert á vilja Alþingis Ásthildur Lóa Þórsdóttir,Eyjólfur Ármannsson,Guðmundur Ingi Kristinsson,Inga Sæland,Jakob Frímann Magnússon,Tómas A. Tómasson Skoðun
Opið bréf til Heru Bjarkar Anna Tómasdóttir,Margrét Manda Jónsdóttir,Marta Jóns Hjördísardóttir Skoðun
Austurgata 10 - blm. í góðri trú blekktir? - Ærumeiðandi dylgjur leigjanda Árni Stefán Árnason Skoðun
Hvítþvottur á fótboltavellinum – leikur Íslands við Ísrael í undankeppni EM 2024 Hrönn G. Guðmundsdóttir Skoðun