Gylfi sló met Eiðs Smára á Old Trafford Óskar Ófeigur Jónsson skrifar 5. maí 2017 06:30 Gylfi fagnar á Old Trafford. vísir/getty Tölurnar ljúga ekki og þær segja þetta tímabil hjá Gylfa Þór Sigurðssyni með Swansea vera besta tímabil Íslendings frá upphafi þegar kemur að því að búa til mörk fyrir liðið sitt. Gylfi og Eiður Smári Guðjohnsen eru í sérflokki meðal íslenskra knattspyrnumanna þegar kemur að því að skora og leggja upp mörk í ensku úrvalsdeildinni. Eiður Smári eignaðist á sínum tíma öll helstu markametin í enska boltanum með frábærri frammistöðu sinni með Chelsea-liðinu á árunum 2000 til 2006 en hefur verið að missa stóran hluta þeirra til Gylfa Þórs Sigurðssonar á síðustu árum. Gylfi tók flott met af Eiði Smára um síðustu helgi og er nú sá Íslendingur sem hefur komið að flestum mörkum á einu tímabili með því annaðhvort að skora sjálfur eða gefa stoðsendingu. Gylfi hefur alls komið með beinum hætti að 21 af 40 mörkum Swansea á leiktíðinni eða meira en helmingi markanna. Hann hefur skorað níu mörk sjálfur en einnig gefið tólf stoðsendingar á félaga sína.Spyrnurnar hans Gylfa Gylfi bætti metið með frábærri aukaspyrnu sinni á Old Trafford þegar hann tryggði Swansea 1-1 jafntefli við Manchester United. Þetta var þriðja árið í röð sem Gylfi skorar á Old Trafford, heimavelli liðsins sem hann hélt með í æsku. Föstu leikatriðin hafa verið drjúg fyrir okkar mann í vetur og þar ógnar hann bæði með frábærum spyrnum á markið sem og glæsilegum sendingum á liðsfélagana. „Þetta mark kom á mjög mikilvægum tíma fyrir okkur í þessum leik þegar aðeins tíu mínútur voru eftir. Það var gott fyrir okkur að ná í stig því mér fannst við spila nógu vel til að fá eitthvað út úr þessum leik,“ sagði Gylfi í viðtali sem enska úrvalsdeildin tók fyrir íþróttadeild 365. Gylfi vildi ekki gefa mikið upp um það sem fór í gegnum huga hans áður en hann tók þessa stórglæsilegu aukaspyrnu. „Ég er ekki að hugsa mikið um annað í þessari stöðu en að koma boltanum yfir vegginn og á markið. Ég fann það samt strax að ég hitti boltann vel. Maður veit aldrei hvað markvörðurinn gerir nákvæmlega en það var gaman að horfa á eftir boltanum fara í markið,“ sagði Gylfi.2001-02 tímabilið hjá Eiði Metið sem Eiður Smári missti á sunnudaginn setti hann á sínu öðru tímabili með Chelsea veturinn 2001 til 2002. Eiður kom þá að 20 mörkum Chelsea-liðsins, skoraði 14 sjálfur og átti einnig 6 stoðsendingar. Markamet Eiðs Smára frá þessu tímabili, 14 mörk, stendur enn. Gylfi gerði sig líklegan til að ógna því í fyrra en endaði með 11 mörk. Gylfi á nú hins vegar þrjú bestu stoðsendingatímabilin en hefur aldrei gefið fleiri stoðsendingar en á þessari leiktíð. Hann hefur einnig í vetur velt Eiði Smára úr sessi sem stoðsendingahæsta Íslendingnum í sögu ensku úrvalsdeildarinnar. Eiður Smári gaf á sínum tíma 28 stoðsendingar en Gylfi er nú kominn með 32 stoðsendingar á ferli sínum í ensku úrvalsdeildinni. Gylfi óttast ekki þá pressu sem er komin á hann að skila mörkum úr föstu leikatriðum Swansea-liðsins. „Ég lít ekki svo á að ég sé undir pressu þegar við fáum föst leikatriði. Ég lít á þau frekar sem góðan möguleika fyrir mig til að ná að búa eitthvað til fyrir liðið,“ segir Gylfi.Tveir menn einoka listann Hér á síðunni má sjá þá íslenska leikmenn sem hafa komið að flestum mörkum á einu tímabili í ensku úrvalsdeildinni með því annaðhvort að skora sjálfir eða gefa stoðsendingar. Þetta eru opinberar tölur frá ensku úrvalsdeildinni. Það þarf ekki að koma mikið á óvart að Gylfi og Eiður Smári einoka þennan topplista. Enski boltinn Mest lesið Kurr í hlaupaheiminum vegna óvissu með Reykjavíkurmaraþonið Sport Uppgjörið og viðtöl: Afturelding-FH 27-28 | FH-ingar jöfnuðu einvígið Handbolti Uppgjör og viðtöl: Valur - Grindavík 80-62 | Sannfærandi sigur Valsmanna Körfubolti Utan vallar: Landsliðsþjálfarinn sem nennir ekki að koma til Íslands Fótbolti Börn Bruno Fernandes kvöddu Jóhann: „Hann er toppmaður“ Enski boltinn Lærisveinar Guðmundar í úrslit: Er eiginlega orðlaus Handbolti „Þeir höfðu gott af þessu þessir litlu karlar í Aftureldingu“ Sport „Reglurnar hjá KSÍ eru skýrar“ Fótbolti Uppgjör, viðtöl og myndir: Keflavík-Njarðvík 72-56 | Keflavík Íslandsmeistari 2024 Körfubolti Yfirmenn Pep fullvissir um að félagið verði ekki sakfellt Enski boltinn Fleiri fréttir Harry Maguire missir af bikarúrslitaleiknum Paquetá ákærður fyrir að sækjast eftir spjaldi í eigin leikjum Lopetegui tekur við West Ham Yfirmenn Pep fullvissir um að félagið verði ekki sakfellt Talið að Man Utd láti Ten Hag fara eftir úrslitaleikinn Féll í vor en vonast eftir Chelsea eða Bayern Ummælin höfðu neikvæð áhrif á Nunez sem hugsar hlýlega til Spánar Liverpool auglýsir lausa stöðu í þjálfarateymi Arne Slot Börn Bruno Fernandes kvöddu Jóhann: „Hann er toppmaður“ Ekki á heimleið: „Á inni nokkur ár á háu stigi“ Pochettino farinn frá Chelsea Benítez ráðleggur Slot fyrir komuna til Liverpool Mo Salah ætlar að vinna titla með Liverpool á næstu leiktíð Rashford líka skilinn eftir heima Sagður vera búinn að henda Henderson út úr enska landsliðinu Kaupstefna Brighton ástæðan fyrir brotthvarfi De Zerbi Tuchel daðrar við Man United og Chelsea Liverpool staðfestir komu Slot Rodri gagnrýnir hugarfar Arsenal manna: Þar liggur munurinn Dagný framlengir samning sinn við West Ham Mikel Arteta missti af möguleikanum Klopp: Ulla konan mín mun segja mér hvað við erum að fara að gera 23 ára og búinn að vinna deildina oftar en Rooney, Agüero og Terry Guardiola um framtíðina: Nær því að hætta en vera áfram Mark Quansah fyrir Liverpool bætti markametið Þetta gerðist í lokaumferðinni í enska | City meistari og Jóhann Berg kvaddi Skytturnar gerðu sitt en horfa samt á eftir titlinum Missti af rauðvínsglasi með Sir Alex Klopp segir að Liverpool verði í góðum höndum hjá Slot Ten Hag segir United í betri stöðu en fyrir ári Sjá meira
Tölurnar ljúga ekki og þær segja þetta tímabil hjá Gylfa Þór Sigurðssyni með Swansea vera besta tímabil Íslendings frá upphafi þegar kemur að því að búa til mörk fyrir liðið sitt. Gylfi og Eiður Smári Guðjohnsen eru í sérflokki meðal íslenskra knattspyrnumanna þegar kemur að því að skora og leggja upp mörk í ensku úrvalsdeildinni. Eiður Smári eignaðist á sínum tíma öll helstu markametin í enska boltanum með frábærri frammistöðu sinni með Chelsea-liðinu á árunum 2000 til 2006 en hefur verið að missa stóran hluta þeirra til Gylfa Þórs Sigurðssonar á síðustu árum. Gylfi tók flott met af Eiði Smára um síðustu helgi og er nú sá Íslendingur sem hefur komið að flestum mörkum á einu tímabili með því annaðhvort að skora sjálfur eða gefa stoðsendingu. Gylfi hefur alls komið með beinum hætti að 21 af 40 mörkum Swansea á leiktíðinni eða meira en helmingi markanna. Hann hefur skorað níu mörk sjálfur en einnig gefið tólf stoðsendingar á félaga sína.Spyrnurnar hans Gylfa Gylfi bætti metið með frábærri aukaspyrnu sinni á Old Trafford þegar hann tryggði Swansea 1-1 jafntefli við Manchester United. Þetta var þriðja árið í röð sem Gylfi skorar á Old Trafford, heimavelli liðsins sem hann hélt með í æsku. Föstu leikatriðin hafa verið drjúg fyrir okkar mann í vetur og þar ógnar hann bæði með frábærum spyrnum á markið sem og glæsilegum sendingum á liðsfélagana. „Þetta mark kom á mjög mikilvægum tíma fyrir okkur í þessum leik þegar aðeins tíu mínútur voru eftir. Það var gott fyrir okkur að ná í stig því mér fannst við spila nógu vel til að fá eitthvað út úr þessum leik,“ sagði Gylfi í viðtali sem enska úrvalsdeildin tók fyrir íþróttadeild 365. Gylfi vildi ekki gefa mikið upp um það sem fór í gegnum huga hans áður en hann tók þessa stórglæsilegu aukaspyrnu. „Ég er ekki að hugsa mikið um annað í þessari stöðu en að koma boltanum yfir vegginn og á markið. Ég fann það samt strax að ég hitti boltann vel. Maður veit aldrei hvað markvörðurinn gerir nákvæmlega en það var gaman að horfa á eftir boltanum fara í markið,“ sagði Gylfi.2001-02 tímabilið hjá Eiði Metið sem Eiður Smári missti á sunnudaginn setti hann á sínu öðru tímabili með Chelsea veturinn 2001 til 2002. Eiður kom þá að 20 mörkum Chelsea-liðsins, skoraði 14 sjálfur og átti einnig 6 stoðsendingar. Markamet Eiðs Smára frá þessu tímabili, 14 mörk, stendur enn. Gylfi gerði sig líklegan til að ógna því í fyrra en endaði með 11 mörk. Gylfi á nú hins vegar þrjú bestu stoðsendingatímabilin en hefur aldrei gefið fleiri stoðsendingar en á þessari leiktíð. Hann hefur einnig í vetur velt Eiði Smára úr sessi sem stoðsendingahæsta Íslendingnum í sögu ensku úrvalsdeildarinnar. Eiður Smári gaf á sínum tíma 28 stoðsendingar en Gylfi er nú kominn með 32 stoðsendingar á ferli sínum í ensku úrvalsdeildinni. Gylfi óttast ekki þá pressu sem er komin á hann að skila mörkum úr föstu leikatriðum Swansea-liðsins. „Ég lít ekki svo á að ég sé undir pressu þegar við fáum föst leikatriði. Ég lít á þau frekar sem góðan möguleika fyrir mig til að ná að búa eitthvað til fyrir liðið,“ segir Gylfi.Tveir menn einoka listann Hér á síðunni má sjá þá íslenska leikmenn sem hafa komið að flestum mörkum á einu tímabili í ensku úrvalsdeildinni með því annaðhvort að skora sjálfir eða gefa stoðsendingar. Þetta eru opinberar tölur frá ensku úrvalsdeildinni. Það þarf ekki að koma mikið á óvart að Gylfi og Eiður Smári einoka þennan topplista.
Enski boltinn Mest lesið Kurr í hlaupaheiminum vegna óvissu með Reykjavíkurmaraþonið Sport Uppgjörið og viðtöl: Afturelding-FH 27-28 | FH-ingar jöfnuðu einvígið Handbolti Uppgjör og viðtöl: Valur - Grindavík 80-62 | Sannfærandi sigur Valsmanna Körfubolti Utan vallar: Landsliðsþjálfarinn sem nennir ekki að koma til Íslands Fótbolti Börn Bruno Fernandes kvöddu Jóhann: „Hann er toppmaður“ Enski boltinn Lærisveinar Guðmundar í úrslit: Er eiginlega orðlaus Handbolti „Þeir höfðu gott af þessu þessir litlu karlar í Aftureldingu“ Sport „Reglurnar hjá KSÍ eru skýrar“ Fótbolti Uppgjör, viðtöl og myndir: Keflavík-Njarðvík 72-56 | Keflavík Íslandsmeistari 2024 Körfubolti Yfirmenn Pep fullvissir um að félagið verði ekki sakfellt Enski boltinn Fleiri fréttir Harry Maguire missir af bikarúrslitaleiknum Paquetá ákærður fyrir að sækjast eftir spjaldi í eigin leikjum Lopetegui tekur við West Ham Yfirmenn Pep fullvissir um að félagið verði ekki sakfellt Talið að Man Utd láti Ten Hag fara eftir úrslitaleikinn Féll í vor en vonast eftir Chelsea eða Bayern Ummælin höfðu neikvæð áhrif á Nunez sem hugsar hlýlega til Spánar Liverpool auglýsir lausa stöðu í þjálfarateymi Arne Slot Börn Bruno Fernandes kvöddu Jóhann: „Hann er toppmaður“ Ekki á heimleið: „Á inni nokkur ár á háu stigi“ Pochettino farinn frá Chelsea Benítez ráðleggur Slot fyrir komuna til Liverpool Mo Salah ætlar að vinna titla með Liverpool á næstu leiktíð Rashford líka skilinn eftir heima Sagður vera búinn að henda Henderson út úr enska landsliðinu Kaupstefna Brighton ástæðan fyrir brotthvarfi De Zerbi Tuchel daðrar við Man United og Chelsea Liverpool staðfestir komu Slot Rodri gagnrýnir hugarfar Arsenal manna: Þar liggur munurinn Dagný framlengir samning sinn við West Ham Mikel Arteta missti af möguleikanum Klopp: Ulla konan mín mun segja mér hvað við erum að fara að gera 23 ára og búinn að vinna deildina oftar en Rooney, Agüero og Terry Guardiola um framtíðina: Nær því að hætta en vera áfram Mark Quansah fyrir Liverpool bætti markametið Þetta gerðist í lokaumferðinni í enska | City meistari og Jóhann Berg kvaddi Skytturnar gerðu sitt en horfa samt á eftir titlinum Missti af rauðvínsglasi með Sir Alex Klopp segir að Liverpool verði í góðum höndum hjá Slot Ten Hag segir United í betri stöðu en fyrir ári Sjá meira