Formúla 1

Valtteri Bottas vann í Rússlandi

Kristinn Ásgeir Gylfason skrifar
Valtteri Bottas kom fyrstur í mark í dag.
Valtteri Bottas kom fyrstur í mark í dag. Vísir/Getty

Valtteri Bottas á Mercedes vann sína fyrstu keppni á ferlinum í Rússlandi í dag. Sebastian Vettel varð annar á Ferrari og Kimi Raikkonen á Ferrari varð þriðji.

Bottas tók forystu strax í ræsingunni. Hann var leiftur fljótur af stað og stakk sér fram úr báðum Ferrari bílunum. Hann hélt forystunni að mestu leyti alla keppnina og ók allt að óaðfinnanlega. Vettel reyndi hvað hann gat en tókst ekki að ógna Bottas af neinni alvöru.

Romain Grosjean á Haas og Jolyon Palmer á Renault lentu í samstuði í annarri beygju á fyrsta hring og öryggisbíllinn var kallaður út í kjölfarið. Öryggisbíllinn kom inn á þriðja hring og keppnin hófst á ný.

Daniel Ricciardo á Red Bull féll úr leik á fimmta hring með bremsubilun.

McLaren bíll Fernando Alonso nam staðar á upphitunarhring með rafmangsbilun. Allir aðrir fóru annan upphitunarhring á meðan bíll Alonso var fjarlægður.

Lewis Hamilton var að glíma við ofhitnun í Mercedes bílnum. Svo virðist sem uppstilling bílanna hafi verið fyrir aðeins kaldari aðstæður en voru á brautinni.

Sebastian Vettel reyndi hvað hann gat og barðist vel. Bottas varðist bara of vel. Vísir/Getty

Bottas vann sér hægt en örugglega í haginn gagnvart öllum öðrum. Hann var að auka bilið um 0,1 til 0,3 sekúndur á hverjum hring og var kominn með rúmlega fimm sekúndna forskot þegar 20. hring lauk.

Bottas tókþjónustuhlé undir lok 27. hringjar. Hann tók ofur-mjúk dekk undir bílinn og kom út í fjórða sæti og Vettel tók við forystunni. Bilið var komið undir 3 sekúndur þegar Bottas tók þjúnstuhlé.

Raikkonen kom inn á þjónustusvæðið á 29. hring og fékk ofur-mjúk dekk. Á meðan hélt Vettel áfram að reyna að auka bilið í Bottas. Hamilton kom inn á 31. hring og fékk einnig ofur-mjúku dekkkin undir. Vettel tók svo loks þjónustuhlé á 34. hring og hann tók ofur-mjúk dekk undir og kom út 4,7 sekúndum á eftir Bottas sem var kominn í forystu aftur.

Bottas gerði mistök á 39. hring sem gerði Vettel kleift að minnka bilið niður í 2,2 sekúndur og halda svo áfram að sækja. Vettel var að takast að búa til spennu undir lokin. Þegar 10 hringir voru eftir var bilið komið undir 1,5 sekúndu og rokkaði upp og niður þar í kring síðustu hringina. Bilið minnkaði undir eina sekúndu á síðustu hringjunum en Vettel náði ekki að ógna fyrir alvöru.


Tengdar fréttir

Bottas: Ferrari liðið var fljótara í dag

Sebastian Vettel náði sínum 47. ráspól á ferlinum í dag. Ferrari náði báðum bílum á fremstu rásröð í fyrsta skipti síðan í Frakklandi 2008. Hver sagði hvað eftir tímatökuna?

Ferrari menn fljótastir á föstudegi

Kimi Raikkonen á Ferrari var fljótastur á fyrri æfingu dagsins fyrir rússneska kappaksturinn sem fram fer um helgina. Sebastian Vettel, einnig á Ferrari varð fljótastur á seinni æfingunni.




Fleiri fréttir

Sjá meira