Margrét Lára: Fólk hefur enga ástæðu til að mæta ekki á kvennaleiki lengur Tómas Þór Þórðarson skrifar 26. apríl 2017 13:00 Margrét Lára Viðarsdóttir ætlar sér titilinn í ár. vísir Margrét Lára Viðarsdóttir, fyrirliði Vals og íslenska landsliðsins í fótbolta, sneri aftur heim í Pepsi-deildina fyrir síðustu leiktíð og skoraði fjórtán mörk í 17 leikjum fyrir Hlíðarendaliðið er það hafnaði í þriðja sæti deildarinnar. Valskonur náðu ekki markmiði sínu en þeim er spáð titlinum í ár enda með svakalega sveit leikmanna. Valur hefur verið að spila vel á undirbúningstímabilinu og er bæði Reykjavíkurmeistari og Lengjubikarmeistari.Val var spáð Íslandsmeistaratitlinum í árlegri spá fyrirliða, þjálfara og forráðamanna liðanna sem birt var í gær. Margrét Lára er reyndari en tvævetur í þessum bransa og tapar sér ekkert yfir því. „Ég held að það sé ekkert lið sem eigi að vinna þessa deild. Þetta er það sterk deild og mörg lið sem eru bara mjög líkleg til að vinna hana. Við tökum þessari spá mjög hóflega og höldum að vinna í okkar litlu markmiðum,“ segir Margrét Lára við Vísi.Margrét Lára skoraði fjórtán mörk í fyrra.vísir/hannaAnnar hópur en fyrir þremur vikum Valsliðið styrkti sig mikið fyrir átökin í sumar og er með sæg af landsliðskonum í liðinu. Aftur á móti hefur það orðið fyrir miklum áföllum en Elísa Viðarsdóttir, Dóra María Lárusdóttir og Mist Edvardsdóttir eru allar með slitið krossband og verða ekki með í sumar. „Það er búið að vera að keyra á ákveðnum hóp og reikna með ákveðnum leikmönnum allt vetrartímabilið en svo breytist það eins og hendi væri veifað. Við erum með allt annan hóp en við vorum með fyrir þremur vikum síðan. Við tökum þessu bara af æðruleysi og höldum áfram,“ segir Margrét Lára en Valur hefur fengið útlendinga til að fylla í skörðin. Þegar að Margrét Lára kvaddi íslenska boltann og hélt í atvinnumennsku árið 2008 var Pepsi-deildin langt frá því jafn spennandi og hún er í dag. Margrét Lára skoraði 32 mörk af 91 sem Valskonur settu á leið sinni að Íslandsmeistaratitlinum það árið en þær unnu 17 leiki og töpuðu einum. KR vann 16 leiki en tapaði tveimur og varð af titlinum en næsta lið, Breiðablik, fékk 35 stig. Í fyrra munaði aðeins átta stigum á liðunum í öðru og fimmta sæti en fleiri lið eru orðin góð og mótið mun jafnara. „Það er miklu skemmtilegra að taka þátt í þessu heldur en að vera búin að vinna mótið þegar fjórar umferðir eru eftir. Það er liðin tíð. Það var þvílík barátta á toppi og botni og þannig viljum við hafa það,“ segir Margrét Lára. „Það er líka gaman að sjá að íslenskir leikmenn sem hafa verið að spila erlendis í mörg ár eru komnir heim. Leikmenn eru að koma aftur heim og gefa aftur til sinna félaga og íslenskrar kvennaknattspyrnu sem er ekkert sjálfgefið. Þetta styrkir bæði félögin og deildina og er rosalega skemmtilegt.“Dóra María Lárusdóttir sleit krossband.vísir/ernirMæta með opnum huga Þrátt fyrir mun meiri skemmtun og miklu meiri gæði í leikjunum er mætingin á kvennaboltann hér heima því miður til skammar oft á tíðum. Nú er EM-sumar hjá stelpunum og óhætt að kalla eftir því að fótboltaáhugamenn komi sér á völlinn. „Ég er sammála því. Það eru komin mikil gæði í þessa deild og það er ekki bara að leikirnir eru jafnir heldur erum við að sjá flotta takta og mikil gæði. Fótboltinn á Íslandi er að breytast mjög mikið og hefur verið að gera undanfarin ár til hins betra,“ segir Margrét Lára.„Fólk hefur enga ástæðu lengur til að mæta ekki á kvennafótboltaleiki því þeir eru orðnir gríðarlega spennandi og skemmtilegir.“ „Það þarf bara að fara með opnum huga. Ég hef alltaf sagt að það þarf að setja á sig önnur gleraugu þegar horft er á kvennafótbolta á móti karlafótbolta. Það er ekki hægt að bera þetta saman. Þetta er önnur íþrótt þó báðar séu mjög skemmtilegar. Við hvetjum bara fólk til að mæta og styðja sín lið,“ segir Margrét Lára. Sem fyrr segir lentu Valskonur í því að þrír lykilmenn sem allir eru landsliðsmenn slitu krossband fyrir mótið. Íþróttafræðingurinn Eva Hafdís Ásgrímsdóttir skrifaði pistil á fótbolti.net í gær þar sem hún sakaði gervigrasið um að eiga stóran hlut í krossbandaslitum kvenna sem eru því miður mjög algeng. „Það er rosalega erfitt að benda á eitthvað eitt sem veldur því að konur slíti krossbönd oftar en karlmenn. Þessi síðustu þrjú krossbönd sem slitna hjá landsliðinu gera það á náttúrlegu grasi en ekki gervigrasi. Það er alltaf hægt að finna samnefnara einhverstaðar en það er bara mikilvægt að við öll, leikmenn og þjálfarar, tökum ábyrgð á okkar þjálfun og förum í smá naflaskoðun,“ segir Margrét Lára. „Það má alltaf bæta en mér finnst liðin vera að gera flotta hluti. Flest liðin eru með sjúkraþjálfara og styrktarþjálfara í þessu öllu saman. Ég vil trúa því að þetta sé tilviljun og vona það. Ég vona jafnframt að þessir leikmenn komi sterkari til baka því það sem drepur mann ekki bara styrkir mann,“ segir Margrét Lára Viðarsdóttir.Pepsi-deild kvenna hefst fimmtudaginn 27. apríl en Stöð 2 Sport verður með beinar útsendingar í hverri umferð og gerir upp alla leiki í Pepsimörkum kvenna, sem Helena Ólafsdóttir stýrir. Fyrsti þátturinn verður á dagskrá í beinni útsendingu föstudaginn 29. apríl klukkan 21.30. Pepsi Max-deild kvenna Tengdar fréttir Valskonum spáð titlinum Valur og Breiðablik munu berjast um Íslandsmeistaratitilinn í efstu deild kvenna í sumar samkvæmt spá þjálfara, fyrirliða og forráðamanna félaganna. 25. apríl 2017 12:59 Mest lesið Fjölskylda Schumacher vann gervigreindarmálið Formúla 1 Víkingar greiddu langmest í sektir vegna agamála Íslenski boltinn Bullurnar mæta með læti Handbolti Lögreglan kórónaði ömurlegan dag hjá Kane Körfubolti „Hefðum getað gert þetta ennþá ljótara á töflunni” Fótbolti Uppgjörið: Þór/KA - Tindastóll 5-0 | Þór/KA í stuði í Boganum Íslenski boltinn Spútnikliðið endaði sögulegt tímabil á stórsigri Fótbolti Alexandra hársbreidd frá bikarmeistaratitli en Fiorentina tapaði í vító Fótbolti Albert lagði upp mark í sigri Fótbolti Dagskráin í dag: Bikarúrslitaleikur á Wembley og Bestu deildirnar Sport Fleiri fréttir Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Uppgjör og viðtöl: Stjarnan-Fylkir 2-1 | Stjörnukonur að komast í gang Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ „Ekkert skemmtilegra en að vinna Val“ Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Fjölnismenn á toppinn í Lengjunni Starfsmaður Fylkis dæmdur í tveggja leikja bann „Menn eru gríðarlega súrir“ Uppgjörið, viðtöl og myndir: Breiðablik - Stjarnan 2-1 | Blikar minnkuðu forskot Víkinga „Þurftum bara að skerpa á nokkrum hlutum“ Uppgjörið og viðtöl: Fram 1-1 ÍA | Dýrkeypt klikk í lokin Uppgjör: HK - Valur 1-2 | Þriðji sigur Vals í röð Valsmenn hafa unnið alla deildarleiki sína við HK frá hruni Tveir leikir á Akureyri og bikarmeistararnir lentu á móti Fylki Sjáðu umdeilda vítið sem KR fékk og öll mörkin úr Bestu í gær Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði „Hann þekkir mig örugglega betur en ég sjálfur“ Jafnmörg mörk og rauð spjöld í Vestmannaeyjum Uppgjörið: Vestri-Víkingur 1-4 | Öruggur meistarasigur gegn nýliðunum „Rúnar skilur fótbolta og skilur fólk“ Hefur fest rætur á Íslandi eftir örlagaríkt símtal Kristján Guðmundsson: Aldrei brot og mjög slök frammistaða hjá dómurum leiksins Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Sjá meira
Margrét Lára Viðarsdóttir, fyrirliði Vals og íslenska landsliðsins í fótbolta, sneri aftur heim í Pepsi-deildina fyrir síðustu leiktíð og skoraði fjórtán mörk í 17 leikjum fyrir Hlíðarendaliðið er það hafnaði í þriðja sæti deildarinnar. Valskonur náðu ekki markmiði sínu en þeim er spáð titlinum í ár enda með svakalega sveit leikmanna. Valur hefur verið að spila vel á undirbúningstímabilinu og er bæði Reykjavíkurmeistari og Lengjubikarmeistari.Val var spáð Íslandsmeistaratitlinum í árlegri spá fyrirliða, þjálfara og forráðamanna liðanna sem birt var í gær. Margrét Lára er reyndari en tvævetur í þessum bransa og tapar sér ekkert yfir því. „Ég held að það sé ekkert lið sem eigi að vinna þessa deild. Þetta er það sterk deild og mörg lið sem eru bara mjög líkleg til að vinna hana. Við tökum þessari spá mjög hóflega og höldum að vinna í okkar litlu markmiðum,“ segir Margrét Lára við Vísi.Margrét Lára skoraði fjórtán mörk í fyrra.vísir/hannaAnnar hópur en fyrir þremur vikum Valsliðið styrkti sig mikið fyrir átökin í sumar og er með sæg af landsliðskonum í liðinu. Aftur á móti hefur það orðið fyrir miklum áföllum en Elísa Viðarsdóttir, Dóra María Lárusdóttir og Mist Edvardsdóttir eru allar með slitið krossband og verða ekki með í sumar. „Það er búið að vera að keyra á ákveðnum hóp og reikna með ákveðnum leikmönnum allt vetrartímabilið en svo breytist það eins og hendi væri veifað. Við erum með allt annan hóp en við vorum með fyrir þremur vikum síðan. Við tökum þessu bara af æðruleysi og höldum áfram,“ segir Margrét Lára en Valur hefur fengið útlendinga til að fylla í skörðin. Þegar að Margrét Lára kvaddi íslenska boltann og hélt í atvinnumennsku árið 2008 var Pepsi-deildin langt frá því jafn spennandi og hún er í dag. Margrét Lára skoraði 32 mörk af 91 sem Valskonur settu á leið sinni að Íslandsmeistaratitlinum það árið en þær unnu 17 leiki og töpuðu einum. KR vann 16 leiki en tapaði tveimur og varð af titlinum en næsta lið, Breiðablik, fékk 35 stig. Í fyrra munaði aðeins átta stigum á liðunum í öðru og fimmta sæti en fleiri lið eru orðin góð og mótið mun jafnara. „Það er miklu skemmtilegra að taka þátt í þessu heldur en að vera búin að vinna mótið þegar fjórar umferðir eru eftir. Það er liðin tíð. Það var þvílík barátta á toppi og botni og þannig viljum við hafa það,“ segir Margrét Lára. „Það er líka gaman að sjá að íslenskir leikmenn sem hafa verið að spila erlendis í mörg ár eru komnir heim. Leikmenn eru að koma aftur heim og gefa aftur til sinna félaga og íslenskrar kvennaknattspyrnu sem er ekkert sjálfgefið. Þetta styrkir bæði félögin og deildina og er rosalega skemmtilegt.“Dóra María Lárusdóttir sleit krossband.vísir/ernirMæta með opnum huga Þrátt fyrir mun meiri skemmtun og miklu meiri gæði í leikjunum er mætingin á kvennaboltann hér heima því miður til skammar oft á tíðum. Nú er EM-sumar hjá stelpunum og óhætt að kalla eftir því að fótboltaáhugamenn komi sér á völlinn. „Ég er sammála því. Það eru komin mikil gæði í þessa deild og það er ekki bara að leikirnir eru jafnir heldur erum við að sjá flotta takta og mikil gæði. Fótboltinn á Íslandi er að breytast mjög mikið og hefur verið að gera undanfarin ár til hins betra,“ segir Margrét Lára.„Fólk hefur enga ástæðu lengur til að mæta ekki á kvennafótboltaleiki því þeir eru orðnir gríðarlega spennandi og skemmtilegir.“ „Það þarf bara að fara með opnum huga. Ég hef alltaf sagt að það þarf að setja á sig önnur gleraugu þegar horft er á kvennafótbolta á móti karlafótbolta. Það er ekki hægt að bera þetta saman. Þetta er önnur íþrótt þó báðar séu mjög skemmtilegar. Við hvetjum bara fólk til að mæta og styðja sín lið,“ segir Margrét Lára. Sem fyrr segir lentu Valskonur í því að þrír lykilmenn sem allir eru landsliðsmenn slitu krossband fyrir mótið. Íþróttafræðingurinn Eva Hafdís Ásgrímsdóttir skrifaði pistil á fótbolti.net í gær þar sem hún sakaði gervigrasið um að eiga stóran hlut í krossbandaslitum kvenna sem eru því miður mjög algeng. „Það er rosalega erfitt að benda á eitthvað eitt sem veldur því að konur slíti krossbönd oftar en karlmenn. Þessi síðustu þrjú krossbönd sem slitna hjá landsliðinu gera það á náttúrlegu grasi en ekki gervigrasi. Það er alltaf hægt að finna samnefnara einhverstaðar en það er bara mikilvægt að við öll, leikmenn og þjálfarar, tökum ábyrgð á okkar þjálfun og förum í smá naflaskoðun,“ segir Margrét Lára. „Það má alltaf bæta en mér finnst liðin vera að gera flotta hluti. Flest liðin eru með sjúkraþjálfara og styrktarþjálfara í þessu öllu saman. Ég vil trúa því að þetta sé tilviljun og vona það. Ég vona jafnframt að þessir leikmenn komi sterkari til baka því það sem drepur mann ekki bara styrkir mann,“ segir Margrét Lára Viðarsdóttir.Pepsi-deild kvenna hefst fimmtudaginn 27. apríl en Stöð 2 Sport verður með beinar útsendingar í hverri umferð og gerir upp alla leiki í Pepsimörkum kvenna, sem Helena Ólafsdóttir stýrir. Fyrsti þátturinn verður á dagskrá í beinni útsendingu föstudaginn 29. apríl klukkan 21.30.
Pepsi Max-deild kvenna Tengdar fréttir Valskonum spáð titlinum Valur og Breiðablik munu berjast um Íslandsmeistaratitilinn í efstu deild kvenna í sumar samkvæmt spá þjálfara, fyrirliða og forráðamanna félaganna. 25. apríl 2017 12:59 Mest lesið Fjölskylda Schumacher vann gervigreindarmálið Formúla 1 Víkingar greiddu langmest í sektir vegna agamála Íslenski boltinn Bullurnar mæta með læti Handbolti Lögreglan kórónaði ömurlegan dag hjá Kane Körfubolti „Hefðum getað gert þetta ennþá ljótara á töflunni” Fótbolti Uppgjörið: Þór/KA - Tindastóll 5-0 | Þór/KA í stuði í Boganum Íslenski boltinn Spútnikliðið endaði sögulegt tímabil á stórsigri Fótbolti Alexandra hársbreidd frá bikarmeistaratitli en Fiorentina tapaði í vító Fótbolti Albert lagði upp mark í sigri Fótbolti Dagskráin í dag: Bikarúrslitaleikur á Wembley og Bestu deildirnar Sport Fleiri fréttir Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Uppgjör og viðtöl: Stjarnan-Fylkir 2-1 | Stjörnukonur að komast í gang Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ „Ekkert skemmtilegra en að vinna Val“ Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Fjölnismenn á toppinn í Lengjunni Starfsmaður Fylkis dæmdur í tveggja leikja bann „Menn eru gríðarlega súrir“ Uppgjörið, viðtöl og myndir: Breiðablik - Stjarnan 2-1 | Blikar minnkuðu forskot Víkinga „Þurftum bara að skerpa á nokkrum hlutum“ Uppgjörið og viðtöl: Fram 1-1 ÍA | Dýrkeypt klikk í lokin Uppgjör: HK - Valur 1-2 | Þriðji sigur Vals í röð Valsmenn hafa unnið alla deildarleiki sína við HK frá hruni Tveir leikir á Akureyri og bikarmeistararnir lentu á móti Fylki Sjáðu umdeilda vítið sem KR fékk og öll mörkin úr Bestu í gær Tel að ég geti hjálpað liðinu að ná í fleiri sigra Uppgjör og viðtöl: KA-Fylkir 4-2 | Fyrsti sigur Akureyringa í hús „Okkar langar rosalega að klífa upp töfluna“ Uppgjör, viðtöl og myndir: FH-KR 1-2 | KR-ingar á sigurbraut eftir hark í Hafnafirði „Hann þekkir mig örugglega betur en ég sjálfur“ Jafnmörg mörk og rauð spjöld í Vestmannaeyjum Uppgjörið: Vestri-Víkingur 1-4 | Öruggur meistarasigur gegn nýliðunum „Rúnar skilur fótbolta og skilur fólk“ Hefur fest rætur á Íslandi eftir örlagaríkt símtal Kristján Guðmundsson: Aldrei brot og mjög slök frammistaða hjá dómurum leiksins Uppgjörið og viðtöl: Stjarnan - Breiðablik 3-4 | Rangur dómur réði úrslitum í framlengingu Sjá meira
Valskonum spáð titlinum Valur og Breiðablik munu berjast um Íslandsmeistaratitilinn í efstu deild kvenna í sumar samkvæmt spá þjálfara, fyrirliða og forráðamanna félaganna. 25. apríl 2017 12:59