Minnast krossfórnarinnar með Terminator-maraþoni í Laugarneskirkju Birgir Olgeirsson skrifar 14. apríl 2017 11:04 Davíð Þór Jónsson, sóknarprestur í Laugarneskirkju, sér ansi mörg trúarstef í Terminator-myndunum. Davíð Þór Jónsson sóknarprestur efnir til Terminator-maraþons í safnaðarheimili Laugarneskirkju þar sem sýndar verða þrjár myndir úr þessari kvikmyndaseríu og fjallað um trúar- og biblíustef í þeim. „Þessi minni eru svo sterk í Terminator-myndunum og þess vegna langaði mig að hafa Terminator-maraþon. Það er löng hefð fyrir því innan kirkjunnar að fastan sé notuð til fræðslu og á föstudeginum langa, í lok föstunnar, komi kristnir menn saman og íhugi og hugleiði krossfórnina,“ segir Davíð Þór í samtali við Vísi. Maraþonið hefst klukkan þrjú með sýningu á fyrstu myndinni í seríunni sem heitir einfaldlega Terminator. Terminator 2: Judgment Day verður sýnd klukkan 17 og Terminator: Salvation klukkan 19:30. Davíð Þór segist vera mikill áhugamaður um trúar- og biblíustef í kvikmyndum. „Mér finnst það mjög skemmtilegt og það þýðir ekki endilega að við séum að leita að trúarboðskap í myndunum, heldur þýðir það meira að við horfum á myndir í gegnum þau gleraugu að sjá hvernig minni og stef úr biblíunni og trúararfinum eru notuð til að segja söguna sem myndin er að segja,“ segir Davíð Þór.Ofurhetjan Þór skólabókardæmi um kristgerving Hann segist vera mikill áhugamaður um ofurhetju- og hasarmyndir og vísindaskáldskap en þegar hann horfir á slíkar myndir segist hann ekki nánast ekki geta gert það öðruvísi en með trúar- og biblíustefsgleraugunum. „Mesta skólabókardæmið sem ég hef séð nýlega er fyrsta kvikmyndin um ofurhetjuna Þór. Þar gerist guð maður, fórnar lífi sínu fyrir vina sína, rís upp í mætti og dýrð, sigrar dauða og djöful og endar meira segja á að stíga upp til himins og við væntum endurkomu hans í dýrð. Það er söguþráður þeirrar myndar í grófum dráttum.“ Hann segist hafa mjög gaman að því að koma auga á og benda fólki á hvort kvikmyndagerðarmennirnir eru meðvitað eða dulvitað að nota þau. „Hvað biblían og biblíusögurnar eru mikil leikmynd á bak við allan okkar kúltúr. Við getum málað hann upp á nýtt og byggt við hann en grunnleikmyndin er svo að miklu leyti þaðan,“ segir Davíð. Terminator-serían segir frá baráttu mannkynsins við gervigreindina Skynet. Eftir að mannkynið hafði náð yfirhöndinni í baráttunni við þann ógnvald undir forystu uppreisnarmannsins John Connor ákveður Skynet að senda vélmennið T-800 aftur til ársins 1984 til að myrða móður Johns, Sarah Connor. Til að koma í veg fyrir það sendir mannkynið Kyle Reese aftur til ársins 1984.Mæðginin Sarah og John Connor í Terminator 2: Judgment day.IMDBSarah ættmóðirin og John Connor með upphafsstafi Krists En hvaða trúar- og biblíustef sér Davíð Þór í Terminator-seríunni? „Sarah er náttúrlega ættmóðirin, hún er móðir framtíðarinnar, eins og í gamla testamentinu. Og það er engin tilviljun að hún heiti Sarah en ekki Jennifer eða Ashley,“ segir Davíð Þór. „John Connor hefur náttúrlega upphafsstafina J.C., eins og títt er um kristgervinga,“ segir Davíð og nefnir sem dæmi John Cobb úr Green Mile, John Carter úr samnefndri kvikmynd og Jiminy Cricket, samvisku Gosa. „Í annarri myndinni leikur Arnold Schwarzenegger kristgervingin sem er verndarengillinn og endar á að deyja píslarvættisdauða fyrir mannkynið,“ segir Davíð Þór.John Connor getinn af veru að handan Hann segir Kyle Reese kristgervingin í fyrstu myndinni sem fórnar sér fyrir mannkynið, en í myndinni fellur hann fyrir Söruh Connor. „Þar með er John Connor getinn, ef ekki beinlínis af handan veru, þá allavega getinn af manni sem er ekki úr okkar raunveruleika, gagngert til að bjarga mannkyninu frá tortímingu. Ef þú horfir á fyrstu myndina er það gegnum gangandi spádómsþema úr gamla testamentinu: Sjá mær verður þunguð og sonur hennar mun verða kallaður friðarhöfðingi og undraráðgjafi og bjarga mannkyninu frá glötun,“ segir Davíð.Getur ekki sýnt allar fimm Fimm myndir eru í Terminator-seríunni en aðeins þrjár sýndar í safnaðarheimili Laugarneskirkju í dag. Það þýðir að myndunum Terminator 3: The Rise of the Machines og Terminator: Genisys verður sleppt en Davíð segir það ekki vera einhverskonar yfirlýsing frá sér um gæði myndanna. „Það er fyrst og fremst tímaklemma. Ég hef ekki tíma til að sýna þær allar fimm. Fyrsta er náttúrlega nauðsynleg. Hún leggur grunninn og svo er spurning hvaða tvær myndir átti að velja. Ég vildi síður sýna þá nýjustu, þó hún heiti vissulega Genisys, þannig að ég valdi þessar einfaldlega út frá hugmyndinni um trúarstefin. Ef þú ert að leita að trúarstefi í kvikmynd sem heitir Judgment Day, þá þarftu ekki annað en að lesa plakatið, myndin heitir Judgement Day, og ef þú ætlar að finna trúarstef í kvikmynd sem heitir Salvation, þá er það það sama. Það er ekki einu sinni eins og það sé verið að reyna að fela trúarstefin, þau koma fyrir í heiti myndanna.“Ævisaga Jesú Krists blóði drifin Og þó svo að Terminator-myndirnar séu ofbeldisfullar segir Davíð það vel við hæfi að sýna þær í safnaðarheimili Laugarneskirkju. „Ævisaga Jesú Krists er ansi skuggaleg og hann deyr býsna ofbeldisfullum dauðdaga sjálfur. Það hefur verið reynt að sykurhúða líf hans og boðskap í gegnum tíðina. Ég held að tilhneigingin sé svolítið í hina áttina í þetta skiptið. Til að skilja samfélagsboðskap Jesú Krists verðum við að skilja að hann bjó í samfélagi þar sem ríkti mjög miskunnarlaus, grimmúðleg fasistastjórn sem ofsótti og arðrændi alþýðuna með morðum og ofbeldi. Ef þú ætlar að gera mynd um trúverðugan kristgerving, hvernig getur hann þá verið að berjast gegn öðru en morðum og ofbeldi?“ Mest lesið Skoða að hefja gjaldtöku við Gróttu Innlent Sér ekki fyrir sér hvalveiðar í sumar Innlent Óhollar vörur drepa fjórðung Evrópubúa Erlent Bjarni ferðaðist um Malaví með vélinni sem fórst Innlent Mesta mengunin vegna gossins mælst í Skotlandi Innlent Yrðu stórtíðindi í íslenskum stjórnmálum ef VG dytti út af þingi Innlent Flugfélagið býður hinum slösuðu minnst 1,4 milljónir í bætur Erlent Björguðu hesti úr sjálfheldu í Skagafirði Innlent „Ég kem ekki nálægt þessum málum aftur“ Innlent Vonast til þess að ráðgátan um Lögréttutjöldin leysist Innlent Fleiri fréttir Forsendur ríkisstjórnarinnar hafi verið slegnar af borðinu Dregur úr gasmengun með auknum vindi næstu daga Nektarmyndum fækkar meðal ungmenna Skoða að hefja gjaldtöku við Gróttu Sér ekki fyrir sér hvalveiðar í sumar Yrðu stórtíðindi í íslenskum stjórnmálum ef VG dytti út af þingi Bjarni ferðaðist um Malaví með vélinni sem fórst Björguðu hesti úr sjálfheldu í Skagafirði Mesta mengunin vegna gossins mælst í Skotlandi „Þetta eru engar eðlilegar eða venjulegar dýraveiðar“ Spegilmynd af samfélaginu muni búa á Heklureit Tekist á um safnskóla í Laugardal: Áformin „vanvirðing og eiginlega valdníðsla“ Leiðinlegt þegar hönnun og hagkvæmni er stillt upp sem andstæðum Vonast til þess að ráðgátan um Lögréttutjöldin leysist Rannsaka kynferðisbrot en ekki innbrot Ráðherra sendir lögreglu erindi vegna netsölu áfengis Umdeild ákvörðun ráðherra og gosmóða yfir borginni Auka framlag Íslands til UNRWA um hundrað milljónir Skýra þurfi stöðu ríkissáttasemjara Karlmaður á þrítugsaldri lést í slysinu á Vesturlandsvegi Kári Stefánsson formaður í nýjum starfshóp „Ég kem ekki nálægt þessum málum aftur“ Senda fólk inn úr sólinni Segir allan áburð um kynferðisbrot úr lausu lofti gripinn Sextán ára reyndi að stinga lögguna af Ólíðandi misbeiting matvælaráðherra á valdi Þyrla kölluð út vegna vélsleðaslyss við Langjökul „Svartur dagur fyrir dýravelferð á Íslandi“ Allt önnur spá í kortunum Ólafur Ragnar segir deilur um forsetaembættið endanlega afgreiddar Sjá meira
Davíð Þór Jónsson sóknarprestur efnir til Terminator-maraþons í safnaðarheimili Laugarneskirkju þar sem sýndar verða þrjár myndir úr þessari kvikmyndaseríu og fjallað um trúar- og biblíustef í þeim. „Þessi minni eru svo sterk í Terminator-myndunum og þess vegna langaði mig að hafa Terminator-maraþon. Það er löng hefð fyrir því innan kirkjunnar að fastan sé notuð til fræðslu og á föstudeginum langa, í lok föstunnar, komi kristnir menn saman og íhugi og hugleiði krossfórnina,“ segir Davíð Þór í samtali við Vísi. Maraþonið hefst klukkan þrjú með sýningu á fyrstu myndinni í seríunni sem heitir einfaldlega Terminator. Terminator 2: Judgment Day verður sýnd klukkan 17 og Terminator: Salvation klukkan 19:30. Davíð Þór segist vera mikill áhugamaður um trúar- og biblíustef í kvikmyndum. „Mér finnst það mjög skemmtilegt og það þýðir ekki endilega að við séum að leita að trúarboðskap í myndunum, heldur þýðir það meira að við horfum á myndir í gegnum þau gleraugu að sjá hvernig minni og stef úr biblíunni og trúararfinum eru notuð til að segja söguna sem myndin er að segja,“ segir Davíð Þór.Ofurhetjan Þór skólabókardæmi um kristgerving Hann segist vera mikill áhugamaður um ofurhetju- og hasarmyndir og vísindaskáldskap en þegar hann horfir á slíkar myndir segist hann ekki nánast ekki geta gert það öðruvísi en með trúar- og biblíustefsgleraugunum. „Mesta skólabókardæmið sem ég hef séð nýlega er fyrsta kvikmyndin um ofurhetjuna Þór. Þar gerist guð maður, fórnar lífi sínu fyrir vina sína, rís upp í mætti og dýrð, sigrar dauða og djöful og endar meira segja á að stíga upp til himins og við væntum endurkomu hans í dýrð. Það er söguþráður þeirrar myndar í grófum dráttum.“ Hann segist hafa mjög gaman að því að koma auga á og benda fólki á hvort kvikmyndagerðarmennirnir eru meðvitað eða dulvitað að nota þau. „Hvað biblían og biblíusögurnar eru mikil leikmynd á bak við allan okkar kúltúr. Við getum málað hann upp á nýtt og byggt við hann en grunnleikmyndin er svo að miklu leyti þaðan,“ segir Davíð. Terminator-serían segir frá baráttu mannkynsins við gervigreindina Skynet. Eftir að mannkynið hafði náð yfirhöndinni í baráttunni við þann ógnvald undir forystu uppreisnarmannsins John Connor ákveður Skynet að senda vélmennið T-800 aftur til ársins 1984 til að myrða móður Johns, Sarah Connor. Til að koma í veg fyrir það sendir mannkynið Kyle Reese aftur til ársins 1984.Mæðginin Sarah og John Connor í Terminator 2: Judgment day.IMDBSarah ættmóðirin og John Connor með upphafsstafi Krists En hvaða trúar- og biblíustef sér Davíð Þór í Terminator-seríunni? „Sarah er náttúrlega ættmóðirin, hún er móðir framtíðarinnar, eins og í gamla testamentinu. Og það er engin tilviljun að hún heiti Sarah en ekki Jennifer eða Ashley,“ segir Davíð Þór. „John Connor hefur náttúrlega upphafsstafina J.C., eins og títt er um kristgervinga,“ segir Davíð og nefnir sem dæmi John Cobb úr Green Mile, John Carter úr samnefndri kvikmynd og Jiminy Cricket, samvisku Gosa. „Í annarri myndinni leikur Arnold Schwarzenegger kristgervingin sem er verndarengillinn og endar á að deyja píslarvættisdauða fyrir mannkynið,“ segir Davíð Þór.John Connor getinn af veru að handan Hann segir Kyle Reese kristgervingin í fyrstu myndinni sem fórnar sér fyrir mannkynið, en í myndinni fellur hann fyrir Söruh Connor. „Þar með er John Connor getinn, ef ekki beinlínis af handan veru, þá allavega getinn af manni sem er ekki úr okkar raunveruleika, gagngert til að bjarga mannkyninu frá tortímingu. Ef þú horfir á fyrstu myndina er það gegnum gangandi spádómsþema úr gamla testamentinu: Sjá mær verður þunguð og sonur hennar mun verða kallaður friðarhöfðingi og undraráðgjafi og bjarga mannkyninu frá glötun,“ segir Davíð.Getur ekki sýnt allar fimm Fimm myndir eru í Terminator-seríunni en aðeins þrjár sýndar í safnaðarheimili Laugarneskirkju í dag. Það þýðir að myndunum Terminator 3: The Rise of the Machines og Terminator: Genisys verður sleppt en Davíð segir það ekki vera einhverskonar yfirlýsing frá sér um gæði myndanna. „Það er fyrst og fremst tímaklemma. Ég hef ekki tíma til að sýna þær allar fimm. Fyrsta er náttúrlega nauðsynleg. Hún leggur grunninn og svo er spurning hvaða tvær myndir átti að velja. Ég vildi síður sýna þá nýjustu, þó hún heiti vissulega Genisys, þannig að ég valdi þessar einfaldlega út frá hugmyndinni um trúarstefin. Ef þú ert að leita að trúarstefi í kvikmynd sem heitir Judgment Day, þá þarftu ekki annað en að lesa plakatið, myndin heitir Judgement Day, og ef þú ætlar að finna trúarstef í kvikmynd sem heitir Salvation, þá er það það sama. Það er ekki einu sinni eins og það sé verið að reyna að fela trúarstefin, þau koma fyrir í heiti myndanna.“Ævisaga Jesú Krists blóði drifin Og þó svo að Terminator-myndirnar séu ofbeldisfullar segir Davíð það vel við hæfi að sýna þær í safnaðarheimili Laugarneskirkju. „Ævisaga Jesú Krists er ansi skuggaleg og hann deyr býsna ofbeldisfullum dauðdaga sjálfur. Það hefur verið reynt að sykurhúða líf hans og boðskap í gegnum tíðina. Ég held að tilhneigingin sé svolítið í hina áttina í þetta skiptið. Til að skilja samfélagsboðskap Jesú Krists verðum við að skilja að hann bjó í samfélagi þar sem ríkti mjög miskunnarlaus, grimmúðleg fasistastjórn sem ofsótti og arðrændi alþýðuna með morðum og ofbeldi. Ef þú ætlar að gera mynd um trúverðugan kristgerving, hvernig getur hann þá verið að berjast gegn öðru en morðum og ofbeldi?“
Mest lesið Skoða að hefja gjaldtöku við Gróttu Innlent Sér ekki fyrir sér hvalveiðar í sumar Innlent Óhollar vörur drepa fjórðung Evrópubúa Erlent Bjarni ferðaðist um Malaví með vélinni sem fórst Innlent Mesta mengunin vegna gossins mælst í Skotlandi Innlent Yrðu stórtíðindi í íslenskum stjórnmálum ef VG dytti út af þingi Innlent Flugfélagið býður hinum slösuðu minnst 1,4 milljónir í bætur Erlent Björguðu hesti úr sjálfheldu í Skagafirði Innlent „Ég kem ekki nálægt þessum málum aftur“ Innlent Vonast til þess að ráðgátan um Lögréttutjöldin leysist Innlent Fleiri fréttir Forsendur ríkisstjórnarinnar hafi verið slegnar af borðinu Dregur úr gasmengun með auknum vindi næstu daga Nektarmyndum fækkar meðal ungmenna Skoða að hefja gjaldtöku við Gróttu Sér ekki fyrir sér hvalveiðar í sumar Yrðu stórtíðindi í íslenskum stjórnmálum ef VG dytti út af þingi Bjarni ferðaðist um Malaví með vélinni sem fórst Björguðu hesti úr sjálfheldu í Skagafirði Mesta mengunin vegna gossins mælst í Skotlandi „Þetta eru engar eðlilegar eða venjulegar dýraveiðar“ Spegilmynd af samfélaginu muni búa á Heklureit Tekist á um safnskóla í Laugardal: Áformin „vanvirðing og eiginlega valdníðsla“ Leiðinlegt þegar hönnun og hagkvæmni er stillt upp sem andstæðum Vonast til þess að ráðgátan um Lögréttutjöldin leysist Rannsaka kynferðisbrot en ekki innbrot Ráðherra sendir lögreglu erindi vegna netsölu áfengis Umdeild ákvörðun ráðherra og gosmóða yfir borginni Auka framlag Íslands til UNRWA um hundrað milljónir Skýra þurfi stöðu ríkissáttasemjara Karlmaður á þrítugsaldri lést í slysinu á Vesturlandsvegi Kári Stefánsson formaður í nýjum starfshóp „Ég kem ekki nálægt þessum málum aftur“ Senda fólk inn úr sólinni Segir allan áburð um kynferðisbrot úr lausu lofti gripinn Sextán ára reyndi að stinga lögguna af Ólíðandi misbeiting matvælaráðherra á valdi Þyrla kölluð út vegna vélsleðaslyss við Langjökul „Svartur dagur fyrir dýravelferð á Íslandi“ Allt önnur spá í kortunum Ólafur Ragnar segir deilur um forsetaembættið endanlega afgreiddar Sjá meira