Umfjöllun og viðtöl: Afturelding - Stjarnan 30-28 | Fyrsti heimasigur Mosfellinga eftir áramót Ingvi Þór Sæmundsson í N1-höllinni skrifar 20. mars 2017 21:30 Ernir Hrafn Arnarson á ferðinni í kvöld. vísir/anton Afturelding vann tveggja marka sigur á Stjörnunni, 30-28, þegar liðin mættust í 24. umferð Olís-deildar karla í kvöld. Þetta var fyrsti heimasigur Aftureldingar á árinu en með honum komst liðið upp í 3. sæti deildarinnar. Stjörnumenn, sem hafa verið á ágætis siglingu eftir áramót, eru áfram í 8. sætinu. Afturelding byrjaði leikinn betur og komst í 3-1. Stjarnan náði fljótlega undirtökunum þökk sé góðri markvörslu Sveinbjörns Péturssonar og vel útfærðum hraðaupphlaupum. Vörn Aftureldingar var galopin í upphafi leiks og eftir 13 mínútur var staðan 6-10, Stjörnunni í vil. Þegar 18 mínútur voru liðnar af leiknum kom Ólafur Gústafsson Stjörnunni fjórum mörkum yfir, 8-12. Ólafur fékk högg er hann skoraði og kom ekkert meira við sögu í leiknum. Þetta var algjör vendipunktur í leiknum. Það sá strax á Stjörnuliðinu sem missti tökin á leiknum. Garðbæingar komust reyndar í 8-13 skömmu eftir að Ólafur fór af velli en Afturelding svaraði með 6-1 kafla og jafnaði metin í 14-14. Davíð Svansson fór að verja í markinu og Mikk Pinnonen og Kristinn Bjarkason áttu góða innkomu í sóknina. Sá síðastnefndi sá til þess að staðan í hálfleik væri jöfn er hann jafnaði metin i 15-15, rétt áður en hálfleiksflautið gall. Jafnt var á öllum tölum framan af seinni hálfleik og aldrei munaði meira en einu marki á liðunum. Um miðjan seinni hálfleik hertu heimamenn skrúfurnar í vörninni og Davíð hélt áfram að verja í markinu. Mosfellingar nýttu sér þennan góða varnarleik til að ná tveggja marka forskoti, 25-23. Þegar tvær mínútur voru eftir kom Árni Bragi Eyjólfsson Aftureldingu svo þremur mörkum yfir, 28-25, í fyrsta skipti í leiknum. Það bil náðu Stjörnumenn ekki að brúa og Afturelding fagnaði góðum sigri, 30-28. Guðni Már Kristinsson átti frábæran leik í liði Aftureldingar og skoraði sjö mörk úr jafn mörgum skotum. Árni Bragi kom næstur með fimm mörk. Kristinn átti einnig góðan leik sem og Pinnonen og Jón Heiðar Gunnarsson. Þá varði Davíð 18 skot í markinu (40%). Ari Magnús Þorgeirsson skoraði sjö mörk fyrir Stjörnuna sem mátti illa við brotthvarfi Ólafs. Hann skoraði fimm mörk líkt og Stefán Darri Þórsson.Einar Andri: Lagfærðum vörnina Einar Andri Einarsson, þjálfari Aftureldingar, var að vonum ánægður með fyrsta heimasigurinn á árinu. „Við vorum í basli í byrjun leiks og vorum búnir að fá á okkur 13 mörk eftir 21 mínútu. Vörnin var í basli en sóknin var ágæt. Svo náðum við að gera lagfæringar á vörninni og Birkir [Benediktsson] kom sterkur inn. Það var grunnurinn að þessu, að ná tökum á varnarleiknum,“ sagði Einar Andri eftir leikinn í kvöld. Hann segist vera ánægður með sóknarleik Aftureldingar í undanförnum leikjum. „Ég er mjög ánægður með það. Sóknin hefur verið mjög góð í síðustu þremur leikjum. Vörnin var fín á köflum og það er stígandi í þessu. Mér fannst við kasta sigrinum gegn Gróttu frá okkur. Við áttum að vinna hann. Ég lít svo á að við séum í góðu jafnvægi og að bæta okkur á réttum tíma fyrir úrslitakeppnina,“ sagði Einar Andri. Hann segir að nú sé lag fyrir Mosfellinga að bæta leik sinn fyrir úrslitakeppnina sem hefst í næsta mánuði. „Við eigum erfiða leiki eftir og þurfum að einbeita okkur að frammistöðunni. Laga vörn, sókn og markvörslu fyrir úrslitakeppnina,“ sagði Einar Andri að lokum.Einar: Hefði verið gaman að spila með Ólaf í 60 mínútur Einar Jónsson, þjálfari Stjörnunnar, sagði að slæm nýting á dauðafærum hefði riðið baggamuninum í tapinu fyrir Aftureldingu í kvöld. „Mér fannst við fara illa með dauðafæri, sérstaklega í seinni hálfleik, og í fljótu bragði vantaði það upp á. Á meðan nýttu þeir flest sín dauðafæri. Á móti svona góðu liði og í svona jöfnum leik gengur það ekki,“ sagði Einar. Ólafur Gústafsson meiddist á 18. mínútu og kom ekki meira við sögu eftir það. Á þeim tímapunkti var staðan 8-12 og Ólafur búinn að skora fimm mörk. Einar segir að brotthvarf hans hafi haft sitt að segja um útkomu leiksins. „Þetta gerði okkur erfitt fyrir. Óli er frábær leikmaður og stór póstur í okkar liði. Við förum bara að venjast þessu, hann nær aldrei meira en 20-30 mínútum í hverjum leik,“ sagði Einar. „Þetta hökti en að mínu mati spiluðum við nokkuð vel í seinni hálfleik þrátt fyrir að Ólaf hafi vantað. En það hefði verið gaman að spila þennan leik með hann í 60 mínútur,“ sagði Einar að endingu. Olís-deild karla Mest lesið Klökkur Jóhann Berg beygði af í viðtali Enski boltinn Koddaslagur sjónvarpsstjörnu endaði með ósköpum Sport Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Jóhann Berg fer frá Burnley í sumar Enski boltinn Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf De Zerbi hættir hjá Brighton Enski boltinn Tvisvar sinnum rekinn á sama deginum Fótbolti Rekinn tveimur dögum eftir bikarmeistaratitilinn Fótbolti Fleiri fréttir Í beinni: Valur - Olympiacos | Fyrri úrslitaleikur Vals í Evrópubikarnum „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Sjá meira
Afturelding vann tveggja marka sigur á Stjörnunni, 30-28, þegar liðin mættust í 24. umferð Olís-deildar karla í kvöld. Þetta var fyrsti heimasigur Aftureldingar á árinu en með honum komst liðið upp í 3. sæti deildarinnar. Stjörnumenn, sem hafa verið á ágætis siglingu eftir áramót, eru áfram í 8. sætinu. Afturelding byrjaði leikinn betur og komst í 3-1. Stjarnan náði fljótlega undirtökunum þökk sé góðri markvörslu Sveinbjörns Péturssonar og vel útfærðum hraðaupphlaupum. Vörn Aftureldingar var galopin í upphafi leiks og eftir 13 mínútur var staðan 6-10, Stjörnunni í vil. Þegar 18 mínútur voru liðnar af leiknum kom Ólafur Gústafsson Stjörnunni fjórum mörkum yfir, 8-12. Ólafur fékk högg er hann skoraði og kom ekkert meira við sögu í leiknum. Þetta var algjör vendipunktur í leiknum. Það sá strax á Stjörnuliðinu sem missti tökin á leiknum. Garðbæingar komust reyndar í 8-13 skömmu eftir að Ólafur fór af velli en Afturelding svaraði með 6-1 kafla og jafnaði metin í 14-14. Davíð Svansson fór að verja í markinu og Mikk Pinnonen og Kristinn Bjarkason áttu góða innkomu í sóknina. Sá síðastnefndi sá til þess að staðan í hálfleik væri jöfn er hann jafnaði metin i 15-15, rétt áður en hálfleiksflautið gall. Jafnt var á öllum tölum framan af seinni hálfleik og aldrei munaði meira en einu marki á liðunum. Um miðjan seinni hálfleik hertu heimamenn skrúfurnar í vörninni og Davíð hélt áfram að verja í markinu. Mosfellingar nýttu sér þennan góða varnarleik til að ná tveggja marka forskoti, 25-23. Þegar tvær mínútur voru eftir kom Árni Bragi Eyjólfsson Aftureldingu svo þremur mörkum yfir, 28-25, í fyrsta skipti í leiknum. Það bil náðu Stjörnumenn ekki að brúa og Afturelding fagnaði góðum sigri, 30-28. Guðni Már Kristinsson átti frábæran leik í liði Aftureldingar og skoraði sjö mörk úr jafn mörgum skotum. Árni Bragi kom næstur með fimm mörk. Kristinn átti einnig góðan leik sem og Pinnonen og Jón Heiðar Gunnarsson. Þá varði Davíð 18 skot í markinu (40%). Ari Magnús Þorgeirsson skoraði sjö mörk fyrir Stjörnuna sem mátti illa við brotthvarfi Ólafs. Hann skoraði fimm mörk líkt og Stefán Darri Þórsson.Einar Andri: Lagfærðum vörnina Einar Andri Einarsson, þjálfari Aftureldingar, var að vonum ánægður með fyrsta heimasigurinn á árinu. „Við vorum í basli í byrjun leiks og vorum búnir að fá á okkur 13 mörk eftir 21 mínútu. Vörnin var í basli en sóknin var ágæt. Svo náðum við að gera lagfæringar á vörninni og Birkir [Benediktsson] kom sterkur inn. Það var grunnurinn að þessu, að ná tökum á varnarleiknum,“ sagði Einar Andri eftir leikinn í kvöld. Hann segist vera ánægður með sóknarleik Aftureldingar í undanförnum leikjum. „Ég er mjög ánægður með það. Sóknin hefur verið mjög góð í síðustu þremur leikjum. Vörnin var fín á köflum og það er stígandi í þessu. Mér fannst við kasta sigrinum gegn Gróttu frá okkur. Við áttum að vinna hann. Ég lít svo á að við séum í góðu jafnvægi og að bæta okkur á réttum tíma fyrir úrslitakeppnina,“ sagði Einar Andri. Hann segir að nú sé lag fyrir Mosfellinga að bæta leik sinn fyrir úrslitakeppnina sem hefst í næsta mánuði. „Við eigum erfiða leiki eftir og þurfum að einbeita okkur að frammistöðunni. Laga vörn, sókn og markvörslu fyrir úrslitakeppnina,“ sagði Einar Andri að lokum.Einar: Hefði verið gaman að spila með Ólaf í 60 mínútur Einar Jónsson, þjálfari Stjörnunnar, sagði að slæm nýting á dauðafærum hefði riðið baggamuninum í tapinu fyrir Aftureldingu í kvöld. „Mér fannst við fara illa með dauðafæri, sérstaklega í seinni hálfleik, og í fljótu bragði vantaði það upp á. Á meðan nýttu þeir flest sín dauðafæri. Á móti svona góðu liði og í svona jöfnum leik gengur það ekki,“ sagði Einar. Ólafur Gústafsson meiddist á 18. mínútu og kom ekki meira við sögu eftir það. Á þeim tímapunkti var staðan 8-12 og Ólafur búinn að skora fimm mörk. Einar segir að brotthvarf hans hafi haft sitt að segja um útkomu leiksins. „Þetta gerði okkur erfitt fyrir. Óli er frábær leikmaður og stór póstur í okkar liði. Við förum bara að venjast þessu, hann nær aldrei meira en 20-30 mínútum í hverjum leik,“ sagði Einar. „Þetta hökti en að mínu mati spiluðum við nokkuð vel í seinni hálfleik þrátt fyrir að Ólaf hafi vantað. En það hefði verið gaman að spila þennan leik með hann í 60 mínútur,“ sagði Einar að endingu.
Olís-deild karla Mest lesið Klökkur Jóhann Berg beygði af í viðtali Enski boltinn Koddaslagur sjónvarpsstjörnu endaði með ósköpum Sport Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Jóhann Berg fer frá Burnley í sumar Enski boltinn Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf De Zerbi hættir hjá Brighton Enski boltinn Tvisvar sinnum rekinn á sama deginum Fótbolti Rekinn tveimur dögum eftir bikarmeistaratitilinn Fótbolti Fleiri fréttir Í beinni: Valur - Olympiacos | Fyrri úrslitaleikur Vals í Evrópubikarnum „Umgjörðin er bara engu lík, gæsahúð að hlaupa inn á völlinn“ „Þurfum bara okkar besta leik í vetur“ Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Sjá meira