Umfjöllun og viðtöl: KR - Þór Ak. 99-68 | Öruggt hjá KR í fyrsta leik Ingvi Þór Sæmundsson í DHL-höllinni skrifar 15. mars 2017 21:30 Þórir Þorbjarnarson sækir að körfu Þórsara. vísir/eyþór KR tók forystuna í einvíginu við Þór Ak. í 8-liða úrslitum Domino's deildar karla með 99-68 sigri í DHL-höllinni í kvöld. Þetta var tuttugasti sigur KR í röð í 8-liða úrslitum en þeir töpuðu síðast leik á þessu stigi úrslitakeppninnar árið 2008. KR-ingar voru alltaf með frumkvæðið í leiknum í kvöld. Þórsarar voru í miklum vandræðum í sókninni en héldu sér inni í leiknum í fyrri hálfleik með góðri vörn. Staðan í hálfleik var 40-31. KR-ingar byrjuðu seinni hálfleikinn af gríðarlegum krafti og skoruðu 12 af 14 fyrstu stigum hans. Brynjar Þór Björnsson snögghitnaði og setti niður þrjá þrista í 3. leikhluta. KR náði góðri forystu sem Þór ógnaði aldrei. Á endanum munaði 31 stigi á liðunum, 99-68.Af hverju vann KR? Íslandsmeistararnir sýndu styrk sinn í leiknum í kvöld. Þeir spiluðu sterka vörn og héldu Þór í 68 stigum og 34% skotnýtingu. KR-ingar hittu ekkert sérstaklega í fyrri hálfleik en skotnýtingin rauk upp í þeim seinni og þá varð brekkan of brött fyrir Þórsara. Gestirnir náðu einu ágætis áhlaupi og minnkuðu muninn í 14 stig en nær komust þeir ekki. KR-ingar sýndu enga miskunn og kláruðu leikinn af öryggi.Bestu menn vallarins: Brynjar skoraði 22 stig og var stigahæstur í jöfnu liði KR. Jón Arnór Stefánsson hitti vel og skilaði 18 stigum, fimm fráköstum og sex stoðsendingum. Pavel Ermolinskij stýrði sóknarleiknum vel og reif niður 15 fráköst og gaf níu stoðsendingar. Þórir Guðmundur Þorbjarnarson átti einnig fína innkomu af bekknum. Tryggvi Snær Hlinason spilaði skínandi vel í sínum fyrsta leik í úrslitakeppni á ferlinum. Stóri maðurinn skoraði 12 stig, tók 11 fráköst og varði sex skot. Þá átti Sindri Davíðsson góða innkomu; skoraði 12 stig og tók sjö fráköst.Tölfræðin sem vakti athygli: Þriggja stiga nýting Þórs var afleit, eða 14%. Þórsarar töpuðu 14 boltum, sem er ekkert til að kvarta yfir, en KR-ingar skoruðu 23 stig eftir þessa töpuðu bolta gestanna.Hvað gekk illa? Sóknarleikur Þórs var of slakur til að liðið ætti möguleika í KR í kvöld. Norðanmenn spiluðu fína vörn í fyrri hálfleik en sóknin fylgdi ekki með. Skotnýting var döpur (34%) og Þórsarar áttu fá svör við varnarleik KR-inga. Lykilmenn Þórs eins og George Beamon, Darrel Lewis, Þröstur Leó Jóhannsson og Ingvi Rafn Ingvarsson voru í tómum vandræðum í sókninni í kvöld og Þórsarar þurfa miklu meira og betra framlag frá þeim í leik tvö á laugardaginn.Finnur Freyr: Allt annað viðhorf Finnur Freyr Stefánsson, þjálfari KR, kvaðst sáttur með spilamennsku sinna manna í sigrinum á Þór í kvöld. „Mér fannst viðhorfið allt annað og við höndluðum slæmu kaflana betur en við höfum gert. Einbeitingin var góð og við héldum ákefðinni í vörninni uppi,“ sagði Finnur eftir leikinn. Stigaskorið dreifðist vel hjá Íslands- og bikarmeisturunum í kvöld og það voru margir sem lögðu hönd á plóg í sókninni. „Aðalsmerki okkar undanfarin ár er að vera með mörg vopn. Þótt Mike [Craion] hafi dregið vagninn í fyrra hafa alltaf verið margir sem leggja sitt á vogarskálarnar í minni tíð. Við erum bestir þannig,“ sagði Finnur. En er eitthvað sem KR-ingar þurfa að laga fyrir annan leikinn í einvíginu á laugardaginn? „Jájá, klárlega. Það eru hlutir sem við þurfum að skoða og tækla betur. Það er þannig eftir hvern einasta leik. Nú þurfum við bara að hvíla okkur og gera okkur klára fyrir risaleik á Akureyri,“ sagði Finnur að endingu.Benedikt: Menn fá að halda og ýta Tryggva Benedikt Guðmundsson, þjálfari Þórs, sagði að sínir menn hefðu þurft að spila mun betur en þeir gerðu í leiknum í kvöld til að eiga möguleika gegn KR. „Það vantaði töluvert upp á og í kvöld sáum við kannski loksins hvað býr í þessu KR-liði sem menn eru búnir að bíða eftir í vetur. Nú kannaðist maður við þá. Þeir hafa verið óþekkjanlegir í ansi mörgum leikjum í vetur en þeir eru greinilega að komast í gírinn,“ sagði Benedikt. Þór spilaði fína vörn í fyrri hálfleik en liðið hitti ekki neitt allan leikinn. Til marks um það var þriggja stiga nýting gestanna aðeins 14%. „Hittnin í kvöld var skelfileg. Við vitum að það þarf allt að ganga upp til að vinna þetta lið og þá þarf hittnin að vera aðeins yfir meðallagi. Hún getur ekki verið langt undir meðallagi eins og var í kvöld,“ sagði Benedikt sem hrósaði Tryggva Snæ Hlinasyni sem stóð sig vel í sínum fyrsta leik í úrslitakeppni á ferlinum. „Mér fannst hann virkilega góður og hann er kominn á þann stað að höndla úrslitakeppnina. Núna er Þór búinn að fá aðlögun, við fáum ekki nema einn leik í aðlögun. Við þurfum að vinna næsta leik til að halda okkur á lífi,“ sagði Benedikt. Um miðjan 4. leikhluta þurfti Tryggvi skyndilega að hætta leik og spilaði ekki meira það sem eftir lifði leiks. „Það er tekið vel á honum inni í teig og menn fá að halda og ýta honum. Þetta tekur bara á hjá honum. Þessir stóru strákar eru öðruvísi gerðir en þessi meðalmaður. Þetta fór ekkert vel í hann,“ sagði Benedikt að lokum. Dominos-deild karla Mest lesið Harma auglýsingar á gólfi og vilja banna þær eftir meiðsli Martins Körfubolti Segir aðeins þau hlutlausu hafa skemmt sér yfir fótbolta Ten Hag Enski boltinn Rangnick hafnar Bayern München Fótbolti Fengið nóg af því að vera ruslakista fyrir viðbjóð frá fólki Körfubolti Veikur og meiddur Doncic fór á kostum og Boston flaug áfram Körfubolti Drakk átta bjóra fyrir beina útsendingu Fótbolti Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Bucks í sögubækurnar eftir sigurinn á Pacers Körfubolti „Féllu dómar í dag sem voru að mér fannst ansi augljósir“ Handbolti Fleiri fréttir Harma auglýsingar á gólfi og vilja banna þær eftir meiðsli Martins Veikur og meiddur Doncic fór á kostum og Boston flaug áfram Bucks í sögubækurnar eftir sigurinn á Pacers PlayAir leiksins var Dedrick Deon Basile Ein af stóru Sólunum gæti fært sig yfir í Stóra eplið Uppgjörið, viðtöl og myndir: Stjarnan - Keflavík 85-82 | Hvolpasveitin jafnaði einvígið „Ansi erfitt fyrir Grindvíkinga að hann hagi sér svona og fái mögulega leikbann“ Magnaður Maxey bjargaði Sixers frá sumarfríi Guðni stal senunni í Smáranum: „Sástu forsetann þarna?“ LeBron gæti fengið sig lausan frá Lakers og verið án félags í sumar Remy Martin ekki meira með í þessari úrslitakeppni „Breytir einvíginu ansi mikið“ „Af hverju þurfa þeir meiri athygli, er þetta ekki bara fínt?“ Uppgjör: Grindavík - Keflavík 102-94 | Gulir unnu fyrsta bardagann Martin meiddist og á leið upp á sjúkrahús Lakers lætur Ham líklega fara Fengið nóg af því að vera ruslakista fyrir viðbjóð frá fólki LeBron James gæti hafa spilað kveðjuleik sinn „Þeir voru bara miklu betri í kvöld og áttu sigurinn skilið“ „Skákin er bara byrjuð“ Uppgjör: Valur - Njarðvík 84 - 105 | Deildarmeistararnir fengu kjaftshögg „Gæinn væri Alpha hundur í öllum liðum“ Tók sinn tíma að jafna sig Landsliðsmaður blandar sér í umræðuna um umdeilda sigurkörfu Njarðvíkinga Liðsfélagarnir í sumarfríi en hann að vinna tólf tíma á dag á Íslandi Fyrstir áfram en þjálfarinn meiddist alvarlega þegar leikmaður hans lenti á honum „Hver karfa skiptir máli þannig að ég varð smá reiður“ Uppgjör: Grindavík - Njarðvík 79-83 | Grænar stálu heimavellinum í Smáranum Brunson skaut Philadelphia í kaf LeBron og Davis köstuðu líflínu til Lakers Sjá meira
KR tók forystuna í einvíginu við Þór Ak. í 8-liða úrslitum Domino's deildar karla með 99-68 sigri í DHL-höllinni í kvöld. Þetta var tuttugasti sigur KR í röð í 8-liða úrslitum en þeir töpuðu síðast leik á þessu stigi úrslitakeppninnar árið 2008. KR-ingar voru alltaf með frumkvæðið í leiknum í kvöld. Þórsarar voru í miklum vandræðum í sókninni en héldu sér inni í leiknum í fyrri hálfleik með góðri vörn. Staðan í hálfleik var 40-31. KR-ingar byrjuðu seinni hálfleikinn af gríðarlegum krafti og skoruðu 12 af 14 fyrstu stigum hans. Brynjar Þór Björnsson snögghitnaði og setti niður þrjá þrista í 3. leikhluta. KR náði góðri forystu sem Þór ógnaði aldrei. Á endanum munaði 31 stigi á liðunum, 99-68.Af hverju vann KR? Íslandsmeistararnir sýndu styrk sinn í leiknum í kvöld. Þeir spiluðu sterka vörn og héldu Þór í 68 stigum og 34% skotnýtingu. KR-ingar hittu ekkert sérstaklega í fyrri hálfleik en skotnýtingin rauk upp í þeim seinni og þá varð brekkan of brött fyrir Þórsara. Gestirnir náðu einu ágætis áhlaupi og minnkuðu muninn í 14 stig en nær komust þeir ekki. KR-ingar sýndu enga miskunn og kláruðu leikinn af öryggi.Bestu menn vallarins: Brynjar skoraði 22 stig og var stigahæstur í jöfnu liði KR. Jón Arnór Stefánsson hitti vel og skilaði 18 stigum, fimm fráköstum og sex stoðsendingum. Pavel Ermolinskij stýrði sóknarleiknum vel og reif niður 15 fráköst og gaf níu stoðsendingar. Þórir Guðmundur Þorbjarnarson átti einnig fína innkomu af bekknum. Tryggvi Snær Hlinason spilaði skínandi vel í sínum fyrsta leik í úrslitakeppni á ferlinum. Stóri maðurinn skoraði 12 stig, tók 11 fráköst og varði sex skot. Þá átti Sindri Davíðsson góða innkomu; skoraði 12 stig og tók sjö fráköst.Tölfræðin sem vakti athygli: Þriggja stiga nýting Þórs var afleit, eða 14%. Þórsarar töpuðu 14 boltum, sem er ekkert til að kvarta yfir, en KR-ingar skoruðu 23 stig eftir þessa töpuðu bolta gestanna.Hvað gekk illa? Sóknarleikur Þórs var of slakur til að liðið ætti möguleika í KR í kvöld. Norðanmenn spiluðu fína vörn í fyrri hálfleik en sóknin fylgdi ekki með. Skotnýting var döpur (34%) og Þórsarar áttu fá svör við varnarleik KR-inga. Lykilmenn Þórs eins og George Beamon, Darrel Lewis, Þröstur Leó Jóhannsson og Ingvi Rafn Ingvarsson voru í tómum vandræðum í sókninni í kvöld og Þórsarar þurfa miklu meira og betra framlag frá þeim í leik tvö á laugardaginn.Finnur Freyr: Allt annað viðhorf Finnur Freyr Stefánsson, þjálfari KR, kvaðst sáttur með spilamennsku sinna manna í sigrinum á Þór í kvöld. „Mér fannst viðhorfið allt annað og við höndluðum slæmu kaflana betur en við höfum gert. Einbeitingin var góð og við héldum ákefðinni í vörninni uppi,“ sagði Finnur eftir leikinn. Stigaskorið dreifðist vel hjá Íslands- og bikarmeisturunum í kvöld og það voru margir sem lögðu hönd á plóg í sókninni. „Aðalsmerki okkar undanfarin ár er að vera með mörg vopn. Þótt Mike [Craion] hafi dregið vagninn í fyrra hafa alltaf verið margir sem leggja sitt á vogarskálarnar í minni tíð. Við erum bestir þannig,“ sagði Finnur. En er eitthvað sem KR-ingar þurfa að laga fyrir annan leikinn í einvíginu á laugardaginn? „Jájá, klárlega. Það eru hlutir sem við þurfum að skoða og tækla betur. Það er þannig eftir hvern einasta leik. Nú þurfum við bara að hvíla okkur og gera okkur klára fyrir risaleik á Akureyri,“ sagði Finnur að endingu.Benedikt: Menn fá að halda og ýta Tryggva Benedikt Guðmundsson, þjálfari Þórs, sagði að sínir menn hefðu þurft að spila mun betur en þeir gerðu í leiknum í kvöld til að eiga möguleika gegn KR. „Það vantaði töluvert upp á og í kvöld sáum við kannski loksins hvað býr í þessu KR-liði sem menn eru búnir að bíða eftir í vetur. Nú kannaðist maður við þá. Þeir hafa verið óþekkjanlegir í ansi mörgum leikjum í vetur en þeir eru greinilega að komast í gírinn,“ sagði Benedikt. Þór spilaði fína vörn í fyrri hálfleik en liðið hitti ekki neitt allan leikinn. Til marks um það var þriggja stiga nýting gestanna aðeins 14%. „Hittnin í kvöld var skelfileg. Við vitum að það þarf allt að ganga upp til að vinna þetta lið og þá þarf hittnin að vera aðeins yfir meðallagi. Hún getur ekki verið langt undir meðallagi eins og var í kvöld,“ sagði Benedikt sem hrósaði Tryggva Snæ Hlinasyni sem stóð sig vel í sínum fyrsta leik í úrslitakeppni á ferlinum. „Mér fannst hann virkilega góður og hann er kominn á þann stað að höndla úrslitakeppnina. Núna er Þór búinn að fá aðlögun, við fáum ekki nema einn leik í aðlögun. Við þurfum að vinna næsta leik til að halda okkur á lífi,“ sagði Benedikt. Um miðjan 4. leikhluta þurfti Tryggvi skyndilega að hætta leik og spilaði ekki meira það sem eftir lifði leiks. „Það er tekið vel á honum inni í teig og menn fá að halda og ýta honum. Þetta tekur bara á hjá honum. Þessir stóru strákar eru öðruvísi gerðir en þessi meðalmaður. Þetta fór ekkert vel í hann,“ sagði Benedikt að lokum.
Dominos-deild karla Mest lesið Harma auglýsingar á gólfi og vilja banna þær eftir meiðsli Martins Körfubolti Segir aðeins þau hlutlausu hafa skemmt sér yfir fótbolta Ten Hag Enski boltinn Rangnick hafnar Bayern München Fótbolti Fengið nóg af því að vera ruslakista fyrir viðbjóð frá fólki Körfubolti Veikur og meiddur Doncic fór á kostum og Boston flaug áfram Körfubolti Drakk átta bjóra fyrir beina útsendingu Fótbolti Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Bucks í sögubækurnar eftir sigurinn á Pacers Körfubolti „Féllu dómar í dag sem voru að mér fannst ansi augljósir“ Handbolti Fleiri fréttir Harma auglýsingar á gólfi og vilja banna þær eftir meiðsli Martins Veikur og meiddur Doncic fór á kostum og Boston flaug áfram Bucks í sögubækurnar eftir sigurinn á Pacers PlayAir leiksins var Dedrick Deon Basile Ein af stóru Sólunum gæti fært sig yfir í Stóra eplið Uppgjörið, viðtöl og myndir: Stjarnan - Keflavík 85-82 | Hvolpasveitin jafnaði einvígið „Ansi erfitt fyrir Grindvíkinga að hann hagi sér svona og fái mögulega leikbann“ Magnaður Maxey bjargaði Sixers frá sumarfríi Guðni stal senunni í Smáranum: „Sástu forsetann þarna?“ LeBron gæti fengið sig lausan frá Lakers og verið án félags í sumar Remy Martin ekki meira með í þessari úrslitakeppni „Breytir einvíginu ansi mikið“ „Af hverju þurfa þeir meiri athygli, er þetta ekki bara fínt?“ Uppgjör: Grindavík - Keflavík 102-94 | Gulir unnu fyrsta bardagann Martin meiddist og á leið upp á sjúkrahús Lakers lætur Ham líklega fara Fengið nóg af því að vera ruslakista fyrir viðbjóð frá fólki LeBron James gæti hafa spilað kveðjuleik sinn „Þeir voru bara miklu betri í kvöld og áttu sigurinn skilið“ „Skákin er bara byrjuð“ Uppgjör: Valur - Njarðvík 84 - 105 | Deildarmeistararnir fengu kjaftshögg „Gæinn væri Alpha hundur í öllum liðum“ Tók sinn tíma að jafna sig Landsliðsmaður blandar sér í umræðuna um umdeilda sigurkörfu Njarðvíkinga Liðsfélagarnir í sumarfríi en hann að vinna tólf tíma á dag á Íslandi Fyrstir áfram en þjálfarinn meiddist alvarlega þegar leikmaður hans lenti á honum „Hver karfa skiptir máli þannig að ég varð smá reiður“ Uppgjör: Grindavík - Njarðvík 79-83 | Grænar stálu heimavellinum í Smáranum Brunson skaut Philadelphia í kaf LeBron og Davis köstuðu líflínu til Lakers Sjá meira