Fótbolti

Ólafur og lærisveinar hans unnu langþráðan sigur í kvöld

Óskar Ófeigur Jónsson skrifar
Ólafur Helgi Kristjánsson, þjálfari Randers.
Ólafur Helgi Kristjánsson, þjálfari Randers. vísir/getty

Randers, lið Ólafs Kristjánssonar, er komið í átta liða úrslit dönsku bikarkeppninnar eftir sigur í sextán liða úrslitum í kvöld.

Randers vann 1-0 sigur á SønderjyskE á heimavelli en þetta var fyrstu sigur liðsins í deild og bikar síðan 20. nóvember síðastliðinn.

Randers var fyrir liðinn búið að ná í eitt stig í síðustu átta deildarleikjum sínum.

Sigurmark Randers í kvöld skoraði Þjóðverjinn Marvin Pourié úr vítaspyrnu á 15. mínútu leiksins.

Theódór Elmar Bjarnason, Björn Daníel Sverrisson og félagar í AGF unnu á sama tíma 3-1 útisigur á Kjartani Henry Finnbogasyni og félögum í Horsens. Kasper Junker skoraði öll mörk AGF í leiknum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira