Dæmdur í þriggja ára fangelsi fyrir að nauðga 16 ára stúlku Birgir Olgeirsson skrifar 1. febrúar 2017 11:56 Héraðsdómur Reykjavíkur hefur dæmt hælisleitanda til þriggja ára fangelsisvistar fyrir að nauðga stúlku á sautjánda aldursári. Pilturinn var ákærður fyrir nauðgun með því að hafa beitt stúlkuna ólögmætri nauðung til að hafa við hana samræði og önnur kynferðismök en í ákærunni er pilturinn sagður hafa nuddað kynfæri hennar og lagst síðan ofan á hana og haft við hana samræði þrátt fyrir að hún hefði sagt honum að hún vildi það ekki og beðið hann um að hætta. Aðfaranótt 13. mars í fyrra fékk lögregla tilkynningu um að stúlkan væri í annarlegu ástandi fyrir utan veitingastaðinn Café París í miðbæ Reykjavíkar. Þegar lögreglan mætti á vettvang hitti hún fyrir stúlkuna og unga konu sem sat hjá henni. Grét stúlkan mikið og var færð á lögreglustöð til viðræðna.Hittust í strætó Hún sagði lögreglu að henni hefði verið nauðgað deginum áður og það væri ástæða þess að hún gréti. Hún sagðist þekkja gerandann sem hún hefði hitt í strætó og síðan rætt við hann á Facebook. Í máli stúlkunnar kom fram að þau hefðu ákveðið að hittast og farið saman að farfuglaheimili í Laugardalnum þar sem þau höfðu samræði í tvígang um kvöldið. Stúlkan lýsti því að henni hefði liðið illa á eftir og farið á salernið í húsinu. Þegar hún kom aftur í herbergið ætlaði hún að klæða sig en pilturinn vildi hafa samræði aftur. Stúlkan sagðist hafa sagt nei en að pilturinn hafi ekki látið það stoppað sig. Vinur stúlkunnar skutlaði þeim síðan í Hafnarfjörð þar sem pilturinn fór úr bifreiðinni. Er hann var farinn brotnaði stúlkan saman og sagði vini sínum frá því sem gerðist. Var í kjölfarið farið með stúlkuna á Neyðarmóttökuna.Sagðist ekki þekkja stúlkuna Við yfirheyrslu í apríl árið 2016 sagðist pilturinn hvorki þekkja stúlkuna né vita hver hún væri. Sagðist hann hvorki kannast við hana né að hafa verið í samskiptum við hana á Facebook eða að hafa hitt hana í strætó. Hann gaf aftur skýrslu 11. maí árið 2016 og sagðist vilja breyta framburði sínum að því er varðaði hvernig hann þekkti brotaþola. Hann sagði að þegar hann hann gaf skýrslu í fyrra skiptið hafi hann verið hræddur og liðið eins og hann væri einn. Hann væri einn í nýju landi og þekkti ekki hvernig hlutirnir gengju fyrir sig. Hann sagðist hafa hitt stúlkuna í strætó og síðar hafi hann rætt við hana á Facebook og þau hist í Hafnarfirði. Hann sagði þau hafa rætt saman um venjulega hluti en eftir það hafi hann ekki hitt stúlkuna. Þegar borin voru undir hann ýmis samskipti á Facebook við stúlkuna kannaðist hann við sum þeirra en önnur hafi hann ekki skrifað sjálfur.Viðurkenndi samræði fyrir dómi Við yfirheyrslu 20. september í fyrra var honum greint frá því að lífsýni úr honum hefðu fundist í nærbuxum stúlkunnar samkvæmt DNA-greiningu sem fór fram. Hann sagði að þau hefðu farið í strætisvagni frá Hafnarfirði að Hlemmi í Reykjavík. Þar keypti pilturinn áfengi en stúlkan marihuana sem þau hafi reykt. Sagði hann ekkert hafa gerst sem skýrt gæti niðurstöður úr DNA-rannsókninni. Fyrir dómi viðurkenndi hann að þau hafi haft samræði með vilja þeirra beggja.Óttaðist yfirvöld Hann var spurður hvers vegna framburður hans tæki sífelldum breytingum fyrir dómi. Þar sagðist hann vera nýfluttur til landsins og með hælisumsókn í ferli. Hann hafi engum treyst, ekki einu sinni lögreglu en af henni hafi hann slæma reynslu frá sínu heimalandi þar sem mikil spilling hafi ríkt. Ákærði óttaðist einnig að honum yrði vísað úr landi en hann kom fyrst hingað 7. janúar árið 2016 sem flóttamaður. Hann sagði samneyti af þessum toga fara gegn trúarskoðunum sínum en hann væri kaþólskrar trúar. Það hafi verið ástæða þess að hann hafi neitað því að hafa haft samræði við stúlkuna.Sagði enskukunnáttuna slæma Hinn dæmdi sagði enskukunnáttu sína slæma og hann hafi notast við þýðingarforrit þegar hann sendi stúlkunni skilaboð á Facebook. Sagðist hann til dæmis ekki hafa skilið þegar stúlkan sendi honum skilaboð á ensku að hann hefði nauðgað henni. Fyrir dóm mætti ráðgjafi hjá Barnavernd sem kvaðst hafa orðið tilsjónarmaður piltsins við komu til landsins í janúar í fyrra. Þá mætti einnig fósturfaðir piltsins sem kynntist honum í janúar í fyrra eftir að pilturinn kom til landsins. Báðir sögðu þeir piltinn hafa sagt snemma að hann treysti ekki yfirvöldum vegna reynslu af þeim i heimalandinu. Héraðsdómur Reykjavíkur leit svo á að framburður stúlkunnar hefði verið stöðugur undir meðförum málsins. Ótrúverðugur framburður piltsins auk framburður vitna hafi stutt frásögn stúlkunnar. Var það mat dómsins að það væri hafið yfir vafa að pilturinn hefði brotið gegn stúlkunni. Auk fangelslsisdómsins var pilturinn dæmdur til að greiða 900 þúsund krónur í skaðabætur til móður stúlkunnar þar sem hún er undir lögaldri.Dómurinn var birtur í heild sinni á vefsíðu dómstólsins í gær. Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent Kviknaði í bensínbíl í akstri á Dalbraut Innlent „Við erum ekki hlutlaus þjóð“ Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira
Héraðsdómur Reykjavíkur hefur dæmt hælisleitanda til þriggja ára fangelsisvistar fyrir að nauðga stúlku á sautjánda aldursári. Pilturinn var ákærður fyrir nauðgun með því að hafa beitt stúlkuna ólögmætri nauðung til að hafa við hana samræði og önnur kynferðismök en í ákærunni er pilturinn sagður hafa nuddað kynfæri hennar og lagst síðan ofan á hana og haft við hana samræði þrátt fyrir að hún hefði sagt honum að hún vildi það ekki og beðið hann um að hætta. Aðfaranótt 13. mars í fyrra fékk lögregla tilkynningu um að stúlkan væri í annarlegu ástandi fyrir utan veitingastaðinn Café París í miðbæ Reykjavíkar. Þegar lögreglan mætti á vettvang hitti hún fyrir stúlkuna og unga konu sem sat hjá henni. Grét stúlkan mikið og var færð á lögreglustöð til viðræðna.Hittust í strætó Hún sagði lögreglu að henni hefði verið nauðgað deginum áður og það væri ástæða þess að hún gréti. Hún sagðist þekkja gerandann sem hún hefði hitt í strætó og síðan rætt við hann á Facebook. Í máli stúlkunnar kom fram að þau hefðu ákveðið að hittast og farið saman að farfuglaheimili í Laugardalnum þar sem þau höfðu samræði í tvígang um kvöldið. Stúlkan lýsti því að henni hefði liðið illa á eftir og farið á salernið í húsinu. Þegar hún kom aftur í herbergið ætlaði hún að klæða sig en pilturinn vildi hafa samræði aftur. Stúlkan sagðist hafa sagt nei en að pilturinn hafi ekki látið það stoppað sig. Vinur stúlkunnar skutlaði þeim síðan í Hafnarfjörð þar sem pilturinn fór úr bifreiðinni. Er hann var farinn brotnaði stúlkan saman og sagði vini sínum frá því sem gerðist. Var í kjölfarið farið með stúlkuna á Neyðarmóttökuna.Sagðist ekki þekkja stúlkuna Við yfirheyrslu í apríl árið 2016 sagðist pilturinn hvorki þekkja stúlkuna né vita hver hún væri. Sagðist hann hvorki kannast við hana né að hafa verið í samskiptum við hana á Facebook eða að hafa hitt hana í strætó. Hann gaf aftur skýrslu 11. maí árið 2016 og sagðist vilja breyta framburði sínum að því er varðaði hvernig hann þekkti brotaþola. Hann sagði að þegar hann hann gaf skýrslu í fyrra skiptið hafi hann verið hræddur og liðið eins og hann væri einn. Hann væri einn í nýju landi og þekkti ekki hvernig hlutirnir gengju fyrir sig. Hann sagðist hafa hitt stúlkuna í strætó og síðar hafi hann rætt við hana á Facebook og þau hist í Hafnarfirði. Hann sagði þau hafa rætt saman um venjulega hluti en eftir það hafi hann ekki hitt stúlkuna. Þegar borin voru undir hann ýmis samskipti á Facebook við stúlkuna kannaðist hann við sum þeirra en önnur hafi hann ekki skrifað sjálfur.Viðurkenndi samræði fyrir dómi Við yfirheyrslu 20. september í fyrra var honum greint frá því að lífsýni úr honum hefðu fundist í nærbuxum stúlkunnar samkvæmt DNA-greiningu sem fór fram. Hann sagði að þau hefðu farið í strætisvagni frá Hafnarfirði að Hlemmi í Reykjavík. Þar keypti pilturinn áfengi en stúlkan marihuana sem þau hafi reykt. Sagði hann ekkert hafa gerst sem skýrt gæti niðurstöður úr DNA-rannsókninni. Fyrir dómi viðurkenndi hann að þau hafi haft samræði með vilja þeirra beggja.Óttaðist yfirvöld Hann var spurður hvers vegna framburður hans tæki sífelldum breytingum fyrir dómi. Þar sagðist hann vera nýfluttur til landsins og með hælisumsókn í ferli. Hann hafi engum treyst, ekki einu sinni lögreglu en af henni hafi hann slæma reynslu frá sínu heimalandi þar sem mikil spilling hafi ríkt. Ákærði óttaðist einnig að honum yrði vísað úr landi en hann kom fyrst hingað 7. janúar árið 2016 sem flóttamaður. Hann sagði samneyti af þessum toga fara gegn trúarskoðunum sínum en hann væri kaþólskrar trúar. Það hafi verið ástæða þess að hann hafi neitað því að hafa haft samræði við stúlkuna.Sagði enskukunnáttuna slæma Hinn dæmdi sagði enskukunnáttu sína slæma og hann hafi notast við þýðingarforrit þegar hann sendi stúlkunni skilaboð á Facebook. Sagðist hann til dæmis ekki hafa skilið þegar stúlkan sendi honum skilaboð á ensku að hann hefði nauðgað henni. Fyrir dóm mætti ráðgjafi hjá Barnavernd sem kvaðst hafa orðið tilsjónarmaður piltsins við komu til landsins í janúar í fyrra. Þá mætti einnig fósturfaðir piltsins sem kynntist honum í janúar í fyrra eftir að pilturinn kom til landsins. Báðir sögðu þeir piltinn hafa sagt snemma að hann treysti ekki yfirvöldum vegna reynslu af þeim i heimalandinu. Héraðsdómur Reykjavíkur leit svo á að framburður stúlkunnar hefði verið stöðugur undir meðförum málsins. Ótrúverðugur framburður piltsins auk framburður vitna hafi stutt frásögn stúlkunnar. Var það mat dómsins að það væri hafið yfir vafa að pilturinn hefði brotið gegn stúlkunni. Auk fangelslsisdómsins var pilturinn dæmdur til að greiða 900 þúsund krónur í skaðabætur til móður stúlkunnar þar sem hún er undir lögaldri.Dómurinn var birtur í heild sinni á vefsíðu dómstólsins í gær.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent Kviknaði í bensínbíl í akstri á Dalbraut Innlent „Við erum ekki hlutlaus þjóð“ Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira