Formúla 1

Þetta eru frumsýningardagar nýju Formúlu eitt bílanna

Kristinn Ásgeir Gylfason skrifar
Force India bíllinn frumsýndur fyrir 2015.
Force India bíllinn frumsýndur fyrir 2015. Vísir/Getty

Nýtt tímabil Formúlu 1 hefst með æfingum á Barselóna brautinni 27. febrúar. Liðin kappkosta nú við að klára 2017 bílana sína. Nokkur lið hafa þegar tilkynnt um frumsýningardag, Vísir fer yfir málið.

Renault mun frumsýna R.S.17 bíl sinn í London þann 21. febrúar.

Force India frumsýnir sinn bíl fyrir tímabilið á Silverstone brautinni 22. febrúar.

Heimsmeistararnir í Mercedes munu kynna F1 W08 bíl sinn þann 23. febrúar einnig á Silverstone brautinni.

Ferrari mun halda sig við að kynna bíl sinn í Fiorano á Ítalíu þann 24. febrúar.

McLaren mun kynna bíl sinn í Woking á Englandi þann 24. febrúar.

Bílarnir verða svo fluttir til Barselóna í flýti til að verða reiðubúnir fyrir æfingar þar 27. febrúar. Vísir mun fylgjast með og flytja fréttir og myndir af bílunum þegar þeir verðar afhjúpaðir.

Þau lið sem ekki hafa gefið út frumsýningardag munu væntanlega kynna bíla sína að morgni 27. febrúar í Barselóna.


Tengdar fréttir

Manor-liðið í Formúlu 1 er gjaldþrota

Starfsfólk Manor liðsins í Formúlu 1 var sent heim í dag. Enginn kaupandi fannst en liðið var komið í skiptameðferð. Liðið er komið í gjaldþrotameðferð.

Renault semur við Castrol

Formúlu 1 lið Renault hefur samið við olíufélagið BP um að verða styrktaraðili liðsins og sjá því fyrir eldsneyti og smurolíu á komandi tímabili. BP mun gera slíkt undir Castrol merkjum sínum.

Valtteri Bottas kynntur sem ökumaður Mercedes

Mercedes hefur staðfest að Valtteri Bottas mun aka Formúlu 1 bíl liðsins á komandi tímabili. Bottas verður þar með liðsfélagi þrefalda heimsmeistarans Lewis Hamilton.



Fleiri fréttir

Sjá meira