Þjóðmenningarmálin fara frá forsætisráðuneyti til menntamálaráðuneytis Heimir Már Pétursson skrifar 11. janúar 2017 20:54 Nýr forsætisráðherra segir að þjóðmenningarmálin verði færð á ný frá forsætisráðuneytinu til menntamálaráðuneytisins. Hann segir að naumur meirihluti ríkisstjórnarinnar geti kallað á málamiðlanir um sum mál í nefndum Alþingis og það sé ekkert við það að athuga. Ráðherrar fyrrverandi ríkisstjórnar komu til fundar við forseta Íslands klukkan tólf á hádegi þar sem gengið var frá afsögn þeirra úr embættum. Fyrstur mætti Sigurður Ingi Jóhannsson, forsætisráðherrann sem sat í embætti í tæpa níu mánuði eða eina meðgöngu.Finnst þér súrt að Framsóknarflokkurinn komst ekki í stjórn að þessu sinni? „Ef maður er í stjórnmálum vill maður auðvitað sitja í ríkisstjórn. Þannig að það er að því leytinu súrt. En ég hins vegar viðurkenni það alveg að það er ánægjulegt að sjá að sú stefna sem við fylgdum; berjast gegn Icesave, leiðrétta skuldir heimila, taka á kröfuhöfunum með þessum hætti hefur skilað þessum frábæra árangri.“Gunnar Bragi hefur ekki trú á að nýja ríkisstjórnin afreki mikið Aðeins tveir af þeim ráðherrum sem sátu í ríksstjórn Sigurðar Inga Jóhannssonar gegna embættum í þeirri stjórn sem tók við í morgun, það er að segja Bjarni Benediktsson forsætisráðherra og Kristján Þór Júlíusson nýr menntamálaráðherra. Gunnar Bragi Sveinsson fyrrverandi utanríkisráðherra, sjávarútvegs og landbúnaðarráðherra var í góðu skapi fyrir síðast ríkisráðsfund fyrrverandi stjórnar. „Ég er þakklátur fyrir þennan tíma sem ég hef fengið að vera í ríkisstjórn. Ég óska að sjálfsögðu nýrri ríkisstjórn velfarnaðar en ég hef svo sem ekkert mikla trú á að þeir afreki mikið.“Verður þú grimmur í stjórnarandstöðunni? „Brjálaður,“ sagði Gunnar Bragi og hló.Nýtt ráðuneyti leggst vel í Kristján Þór Það lá líka vel á Kristjáni Þór Júlíussyni sem lét af embætti heilbrigðisráðherra og settist í stól menntamálaráðherra. Hann spurði fréttamann hvort hann væri með ísfirska spurningu sem fréttamaðurinn játti.Leggst vel í þig að skipta um ráðuneyti? „Ég hef alltaf verið hrifinn að nýjum áskorunum í lífinu já.“Eru menntamálin þér kær? „Já þau eru það. Íslensk menning er fjársjóður okkar Íslendinga og það ber að gæta hans vel og standa ríkan vörð um hann.,“ sagði Kristján Þór. Já, það var líka slegið á létta strengi í góða veðrinu á Bessastöðum í dag, en eftir að forseti Íslands hafði veitt gömlu ríkisstjórninni lausn blasti hvunnudagurinn við fyrrverandi ráðherrum. Sigurður Ingi sagði að loknum ríkisráðsfundi að hann ætlaði að nota tækifærið til að fara á hestbak. Enda hefði hann ekki komist á bak í marga mánuði.Heilbrigðisráðherra byrjaður að pota í fjármálaráðherra Óttar Proppé formaður Bjartrar framtíðar sagðist ekki kvíða því að taka við heilbrigðisráðuneytinu. „Ég er ekkert hræddur við að taka við erfiðu ráðuneyti. Þvert á móti ég er bara mjög spenntur að taka á mjög mikilvægum málaflokki og hlakka til að beita öllum kröftum mínum í það.Ertu strax farinn að biðja Benedikt um meiri pening í heilbrigðismálin? „Já ég var aðeins að byrja að potast í honum í morgun. Við vorum saman í viðtölum og svona á milli upptakna var maður aðeins að minna hann á það,“ sagði Óttarr. Benedikt Jóhannesson formaður Viðreisnar tekur við fjármálaráðuneytinu.Heldur þú að þetta verði dugleg ríkisstjórn og vinsæl? „Ég vona að hún verði dugleg og þá verður hún vonandi vinsæl líka.“Hvað verður fyrsta verkefnið þegar þú kemur í fjármálaráðuneytið, verður gustur af þér þar? „Maður reynir að standa sig. En ég verð nú að játa það að maður þarf að læra af fólkinu sem er þar líka og maður þarf að heyra hverjir eru siðirnir þar,“ sagði Benedikt.Yngsta konan til að verða ráðherra og fyrsta konan í sjávarútvegs-og landbúnaðarráðuneytið Nýja ríkisstjórnin er skipuð sjö körlum og fjórum konum, þeirra á meðal hinni 29 ára Þórdísi Kolbrúnu Gylfadóttur sem er yngst kvenna á Íslandi til að taka við ráðherraembætti.Kom þér á óvart að formaðurinn skyldi biðja þig að taka við ráðherraembætti? „Já ég get ekki sagt að ég hafi beint búist við því eða gert tilkall til þess. En ég lét alveg skýrt í ljós að ég væri reiðubúin að axla þá ábyrgð ef hann væri tilbúinn að fela mér hana. Þannig að þetta kom skemmtilega á óvart já,“ sagði Þórdís Kolbrún á leið á ríkisráðsfund. Þorgerður Katrín Gunnarsdóttir er fyrsta konan til að gegna embætti sjávarútvegs- og landbúnaðarráðherra. Hún segir mikilvægst að ná sátt um þær mikilvægu atvinnugreinar sem heyra undir ráðuneytið, með samtali við fulltrúa greinarinnar og almenning. „Fyrsta verkefnið verður líklega það sem ég hef sagt að endurskoða nefnd um búvörusamnnginn. Við ætlum okkur að vera búin að endurskoða hann fyrir 2019. Þá er bara best að byrja strax,“ sagði Þorgerður Katrín.Traust ríkisstjórn þrátt fyrir tæpan meirihluta Bjarni Benediktsson forsætisráðherra hefur trú á að nú sé traust ríkisstjórn mætt til leiks þrátt fyrir tæpan meirihluta á Alþingi. „Það er allt til staðar fyrir okkur í ytra umhverfinu til að láta til okkar taka og ná góðum árangri. En ég veit það líka að sagan geymir ekki dæmi um að þriggja flokka stjórnir hafi lifað heilt kjörtímabil. Þess vegna vitum við þegar við leggjum af stað að við þurfum mikið að leggja á okkur. Og já kannski munum við í nefndunum þurfa að gera viðbótarmálamiðlanir og það er bara allt í lagi,“ sagði Bjarni. Sigmundur Davíð Gunnlaugsson færði þjóðmenningarmál frá menntamálaráðuneyti til forsætisráðuneytis á sínum tíma en því verður breytt aftur. „Já þessi þjóðmenningarmál verða í mennta- og menningarmálaráðuneytinu.“ Þannig að þau fara frá þér? „Já þau fara úr forsætisráðuneytinu þangað,“ sagði Bjarni Benediktsson. Alþingi Tengdar fréttir Nýr samgönguráðherra: Engin önnur lausn í stöðunni en að hafa flugvöllinn áfram í Vatnsmýri Jón Gunnarsson segir nauðsynlegt að sátt náist í málefnum Reykjavíkurflugvallar á kjörtímabilinu. 11. janúar 2017 09:55 Nýr utanríkisráðherra sér tækifæri í útgöngu Breta úr ESB Hann segir að eitt af stóru málunum verði að gæta hagsmuna Íslands í tengslum við útgöngu Breta úr Evrópusambandinu 11. janúar 2017 11:29 Ný ríkisstjórn tekin við: Málefni Seðlabankans færast til forsætisráðuneytisins Á ríkisráðsfundi í dag þar sem forseti Íslands féllst á tillögu Bjarna Benediktssonar um skipun fyrsta ráðuneytis hans voru gerðar nokkrar breytingar á forsetaúrskurði um skiptingu stjórnmálaefna milli ráðuneyta. 11. janúar 2017 14:45 Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Bein útsending: Kosningasjónvarp Stöðvar 2 Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Beið í klukkustund eftir að fá að kjósa Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna Sjá meira
Nýr forsætisráðherra segir að þjóðmenningarmálin verði færð á ný frá forsætisráðuneytinu til menntamálaráðuneytisins. Hann segir að naumur meirihluti ríkisstjórnarinnar geti kallað á málamiðlanir um sum mál í nefndum Alþingis og það sé ekkert við það að athuga. Ráðherrar fyrrverandi ríkisstjórnar komu til fundar við forseta Íslands klukkan tólf á hádegi þar sem gengið var frá afsögn þeirra úr embættum. Fyrstur mætti Sigurður Ingi Jóhannsson, forsætisráðherrann sem sat í embætti í tæpa níu mánuði eða eina meðgöngu.Finnst þér súrt að Framsóknarflokkurinn komst ekki í stjórn að þessu sinni? „Ef maður er í stjórnmálum vill maður auðvitað sitja í ríkisstjórn. Þannig að það er að því leytinu súrt. En ég hins vegar viðurkenni það alveg að það er ánægjulegt að sjá að sú stefna sem við fylgdum; berjast gegn Icesave, leiðrétta skuldir heimila, taka á kröfuhöfunum með þessum hætti hefur skilað þessum frábæra árangri.“Gunnar Bragi hefur ekki trú á að nýja ríkisstjórnin afreki mikið Aðeins tveir af þeim ráðherrum sem sátu í ríksstjórn Sigurðar Inga Jóhannssonar gegna embættum í þeirri stjórn sem tók við í morgun, það er að segja Bjarni Benediktsson forsætisráðherra og Kristján Þór Júlíusson nýr menntamálaráðherra. Gunnar Bragi Sveinsson fyrrverandi utanríkisráðherra, sjávarútvegs og landbúnaðarráðherra var í góðu skapi fyrir síðast ríkisráðsfund fyrrverandi stjórnar. „Ég er þakklátur fyrir þennan tíma sem ég hef fengið að vera í ríkisstjórn. Ég óska að sjálfsögðu nýrri ríkisstjórn velfarnaðar en ég hef svo sem ekkert mikla trú á að þeir afreki mikið.“Verður þú grimmur í stjórnarandstöðunni? „Brjálaður,“ sagði Gunnar Bragi og hló.Nýtt ráðuneyti leggst vel í Kristján Þór Það lá líka vel á Kristjáni Þór Júlíussyni sem lét af embætti heilbrigðisráðherra og settist í stól menntamálaráðherra. Hann spurði fréttamann hvort hann væri með ísfirska spurningu sem fréttamaðurinn játti.Leggst vel í þig að skipta um ráðuneyti? „Ég hef alltaf verið hrifinn að nýjum áskorunum í lífinu já.“Eru menntamálin þér kær? „Já þau eru það. Íslensk menning er fjársjóður okkar Íslendinga og það ber að gæta hans vel og standa ríkan vörð um hann.,“ sagði Kristján Þór. Já, það var líka slegið á létta strengi í góða veðrinu á Bessastöðum í dag, en eftir að forseti Íslands hafði veitt gömlu ríkisstjórninni lausn blasti hvunnudagurinn við fyrrverandi ráðherrum. Sigurður Ingi sagði að loknum ríkisráðsfundi að hann ætlaði að nota tækifærið til að fara á hestbak. Enda hefði hann ekki komist á bak í marga mánuði.Heilbrigðisráðherra byrjaður að pota í fjármálaráðherra Óttar Proppé formaður Bjartrar framtíðar sagðist ekki kvíða því að taka við heilbrigðisráðuneytinu. „Ég er ekkert hræddur við að taka við erfiðu ráðuneyti. Þvert á móti ég er bara mjög spenntur að taka á mjög mikilvægum málaflokki og hlakka til að beita öllum kröftum mínum í það.Ertu strax farinn að biðja Benedikt um meiri pening í heilbrigðismálin? „Já ég var aðeins að byrja að potast í honum í morgun. Við vorum saman í viðtölum og svona á milli upptakna var maður aðeins að minna hann á það,“ sagði Óttarr. Benedikt Jóhannesson formaður Viðreisnar tekur við fjármálaráðuneytinu.Heldur þú að þetta verði dugleg ríkisstjórn og vinsæl? „Ég vona að hún verði dugleg og þá verður hún vonandi vinsæl líka.“Hvað verður fyrsta verkefnið þegar þú kemur í fjármálaráðuneytið, verður gustur af þér þar? „Maður reynir að standa sig. En ég verð nú að játa það að maður þarf að læra af fólkinu sem er þar líka og maður þarf að heyra hverjir eru siðirnir þar,“ sagði Benedikt.Yngsta konan til að verða ráðherra og fyrsta konan í sjávarútvegs-og landbúnaðarráðuneytið Nýja ríkisstjórnin er skipuð sjö körlum og fjórum konum, þeirra á meðal hinni 29 ára Þórdísi Kolbrúnu Gylfadóttur sem er yngst kvenna á Íslandi til að taka við ráðherraembætti.Kom þér á óvart að formaðurinn skyldi biðja þig að taka við ráðherraembætti? „Já ég get ekki sagt að ég hafi beint búist við því eða gert tilkall til þess. En ég lét alveg skýrt í ljós að ég væri reiðubúin að axla þá ábyrgð ef hann væri tilbúinn að fela mér hana. Þannig að þetta kom skemmtilega á óvart já,“ sagði Þórdís Kolbrún á leið á ríkisráðsfund. Þorgerður Katrín Gunnarsdóttir er fyrsta konan til að gegna embætti sjávarútvegs- og landbúnaðarráðherra. Hún segir mikilvægst að ná sátt um þær mikilvægu atvinnugreinar sem heyra undir ráðuneytið, með samtali við fulltrúa greinarinnar og almenning. „Fyrsta verkefnið verður líklega það sem ég hef sagt að endurskoða nefnd um búvörusamnnginn. Við ætlum okkur að vera búin að endurskoða hann fyrir 2019. Þá er bara best að byrja strax,“ sagði Þorgerður Katrín.Traust ríkisstjórn þrátt fyrir tæpan meirihluta Bjarni Benediktsson forsætisráðherra hefur trú á að nú sé traust ríkisstjórn mætt til leiks þrátt fyrir tæpan meirihluta á Alþingi. „Það er allt til staðar fyrir okkur í ytra umhverfinu til að láta til okkar taka og ná góðum árangri. En ég veit það líka að sagan geymir ekki dæmi um að þriggja flokka stjórnir hafi lifað heilt kjörtímabil. Þess vegna vitum við þegar við leggjum af stað að við þurfum mikið að leggja á okkur. Og já kannski munum við í nefndunum þurfa að gera viðbótarmálamiðlanir og það er bara allt í lagi,“ sagði Bjarni. Sigmundur Davíð Gunnlaugsson færði þjóðmenningarmál frá menntamálaráðuneyti til forsætisráðuneytis á sínum tíma en því verður breytt aftur. „Já þessi þjóðmenningarmál verða í mennta- og menningarmálaráðuneytinu.“ Þannig að þau fara frá þér? „Já þau fara úr forsætisráðuneytinu þangað,“ sagði Bjarni Benediktsson.
Alþingi Tengdar fréttir Nýr samgönguráðherra: Engin önnur lausn í stöðunni en að hafa flugvöllinn áfram í Vatnsmýri Jón Gunnarsson segir nauðsynlegt að sátt náist í málefnum Reykjavíkurflugvallar á kjörtímabilinu. 11. janúar 2017 09:55 Nýr utanríkisráðherra sér tækifæri í útgöngu Breta úr ESB Hann segir að eitt af stóru málunum verði að gæta hagsmuna Íslands í tengslum við útgöngu Breta úr Evrópusambandinu 11. janúar 2017 11:29 Ný ríkisstjórn tekin við: Málefni Seðlabankans færast til forsætisráðuneytisins Á ríkisráðsfundi í dag þar sem forseti Íslands féllst á tillögu Bjarna Benediktssonar um skipun fyrsta ráðuneytis hans voru gerðar nokkrar breytingar á forsetaúrskurði um skiptingu stjórnmálaefna milli ráðuneyta. 11. janúar 2017 14:45 Mest lesið Forsetavaktin: Sjöundi forseti lýðveldisins verður kjörinn Innlent Mætti á kjörstað en fékk þau svör að hún væri búin að kjósa Innlent Bein útsending: Kosningasjónvarp Stöðvar 2 Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent „Galið! Kosningar eru greinilega ekki fyrir öll!“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Beið í klukkustund eftir að fá að kjósa Innlent Ólík sýn á hvort Ísland eigi að styðja vörn Úkraínumanna Innlent Fleiri fréttir Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna Sjá meira
Nýr samgönguráðherra: Engin önnur lausn í stöðunni en að hafa flugvöllinn áfram í Vatnsmýri Jón Gunnarsson segir nauðsynlegt að sátt náist í málefnum Reykjavíkurflugvallar á kjörtímabilinu. 11. janúar 2017 09:55
Nýr utanríkisráðherra sér tækifæri í útgöngu Breta úr ESB Hann segir að eitt af stóru málunum verði að gæta hagsmuna Íslands í tengslum við útgöngu Breta úr Evrópusambandinu 11. janúar 2017 11:29
Ný ríkisstjórn tekin við: Málefni Seðlabankans færast til forsætisráðuneytisins Á ríkisráðsfundi í dag þar sem forseti Íslands féllst á tillögu Bjarna Benediktssonar um skipun fyrsta ráðuneytis hans voru gerðar nokkrar breytingar á forsetaúrskurði um skiptingu stjórnmálaefna milli ráðuneyta. 11. janúar 2017 14:45