Sport

Cody lætur troða blöðru upp í nefið á sér

Henry Birgir Gunnarsson skrifar

Það er ótrúlegt hvað UFC-bardagakappar leggja á sig í aðdraganda bardaga.

Það fáum við að sjá í nýjasta þættinum af Embedded sem eru upphitunarþættir fyrir UFC 207 sem fer fram á föstudagskvöld eða aðfararnótt laugardags á íslenskum tíma.

Cody Garbrandt fær tækifæri til þess að vinna bantamvigtarbeltið af Dominick Cruz og þessi spennandi strákur leggur allt undir.

Í þætti dagsins fer hann til læknis sem treður blöðru upp í nefið á honum en það á að hjálpa honum með súrefnisupptöku í bardaganum. Meiri orku og meira úthald. Það er allt gert.

Cruz er einnig í þættinum sem og Amanda Nunes og TJ Dillashaw.

Sjá má þáttinn hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira