Tel mig eiga eitt gott ár eftir Tómas Þór Þórðarson skrifar 19. október 2016 06:00 Veigar Páll kominn í hvíta búninginn. vísir/ernir „Ég var búinn að heyra af áhuga FH en þegar haft var samband var þetta fljótt að gerast,“ segir Veigar Páll Gunnarsson við Fréttablaðið, en framherjinn þrautreyndi samdi við Íslandsmeistarana til eins árs á blaðamannafundi í Kaplakrika í gær. Veigar kemur til FH frá uppeldisfélagi sínu Stjörnunni þar sem hann hefur spilað eftir endurkomuna á klakann fyrir fjórum árum. Veigar, sem verður 37 ára gamall á næsta ári, er búinn að spila meistaraflokksbolta í 20 ár og á að baki tvo Íslandmeistaratitla með KR og Stjörnunni og einn Noregsmeistaratitil með Stabæk, en hann er talinn einn af bestu erlendu leikmönnunum sem hafa spilað í norsku úrvalsdeildinni. „Ég er stoltur og ánægður yfir að FH sýndi mér áhuga og ég mun gera allt hvað ég get til að FH haldi því striki sem félagið hefur verið á undanfarin ár,“ segir Veigar Páll en FH varð meistari annað árið í röð á nýliðnu tímabili og í áttunda sinn á síðustu þrettán árum. Það hefur aldrei endað neðar en í öðru sæti á þessu tímabili.Illa nýttur í Garðabænum? Veigar Páll átti ekki fast sæti í Stjörnuliðinu á síðustu leiktíð og langt frá því. Fyrrverandi landsliðsmaðurinn byrjaði aðeins þrjá leiki af þeim 17 sem hann spilaði á síðustu leiktíð en skoraði engu að síður fimm mörk og var eini leikmaðurinn í deildinni sem skoraði mark á minna en 90 mínútna fresti. Veigar skoraði „ekki nema“ í þremur leikjum (tvær tvennur) sem sýnir kannski svart á hvítu hversu fáar mínútur hann fékk hjá uppeldisfélaginu í Garðabænum sem hann vann Íslandsmeistaratitilinn með fyrir tveimur árum. „Ég viðurkenni það, að ég var alls ekki sáttur við spiltímann hjá Stjörnunni. Líklegt er að þetta hefði ekkert breyst á næstu leiktíð og í raun er líklegra að þetta hefði versnað. Mér gekk vel í þeim leikjum sem ég spilaði og það var glæsilegur árangur fyrir Stjörnuna að ná öðru sæti en ég vildi spila meira. Hópurinn er samt sterkur og það er þjálfarinn sem ræður,“ segir Veigar Páll sem telur sig geta gefið mikið af sér til Íslandsmeistaraliðsins á næstu leiktíð. „Eins og mér leið á síðustu leiktíð finnst mér ég eiga eitt mjög gott ár eftir. Við fáum gott undirbúningstímabil og ég þarf bara að koma mér í gott form. Ég kann fótboltann alveg í hausnum en ég þarf bara að vera í góðu formi þannig ég geti skilað því sem býr í hausnum niður í lappirnar,“ segir Veigar Páll Gunnarsson.Á að hjálpa til við mörkin Veigar Páll er fyrsti leikmaðurinn sem FH fær til sín eftir að tímabilinu lauk en áður var félagið búið að semja við Steven Lennon sem spilar oft sömu stöðu og Garðbæingurinn fyrir aftan fremsta mann. Auk þess að spila með liðinu mun Veigar þjálfa í afreksskóla FH en Hafnarfjarðarliðið virðist ætla honum stóra hluti á næstu árum jafnt innan sem utan vallar. „Fyrst og fremst er hann frábær fótboltamaður. Það vita allir að Veigar er frábær í fótbolta en hins vegar er hann líka mjög sterkur og stór karakter þannig að hann mun hjálpa okkur á fleiri stöðum en bara á fótboltavellinum,“ segir Ólafur Páll Snorrason, aðstoðarþjálfari FH. FH-liðið skoraði aðeins 32 mörk á síðustu leiktíð, næstminnst af efstu fimm liðunum, en sóknarleikurinn reyndist meisturunum erfiður í sumar þó það kæmi á endanum ekki að sök. „Við eigum eftir að sjá hvort einhverjir yfirgefi FH-liðið og hvort við þurfum þá að styrkja þann hluta leikmannahópsins. Við erum með skýra sýn á það sem við ætlum að reyna að vinna í þennan veturinn og eitt af því er að skora fleiri mörk. Það er líka ein af þeim ástæðum að Veigar er mættur,“ segir Ólafur Páll Snorrason. Pepsi Max-deild karla Mest lesið „Núna ætla ég að klára þetta þar sem þetta er síðasta tímabilið mitt hérna“ Sport Tiger trúir enn á sjálfan sig: „Líður enn eins og ég geti unnið golfmót“ Golf „Þetta var eitt það erfiðasta sem ég hef farið í gegnum“ Sport Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn Birna með slitið krossband og missir af úrslitaeinvíginu Körfubolti Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Uppgjörið og viðtöl: Valur - Afturelding 27-29 | Mosfellingar í úrslit Handbolti Evrópudraumurinn lifir góðu lífi eftir fjórða sigurinn í röð Enski boltinn United lyfti sér upp að hlið Newcastle Enski boltinn „Þetta var ótrúlega erfitt“ Fótbolti Fleiri fréttir Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Bragi Karl tryggði ÍR-ingum stig á elleftu stundu Uppgjörið og viðtöl: Stjarnan - Fram 1-1 | Aftur komu Rúnarsmenn til baka Oliver með þrennu gegn gömlu félögunum Sextán ára stelpa skoraði í Bestu eftir stoðsendingu frá einni fimmtán ára Sjá meira
„Ég var búinn að heyra af áhuga FH en þegar haft var samband var þetta fljótt að gerast,“ segir Veigar Páll Gunnarsson við Fréttablaðið, en framherjinn þrautreyndi samdi við Íslandsmeistarana til eins árs á blaðamannafundi í Kaplakrika í gær. Veigar kemur til FH frá uppeldisfélagi sínu Stjörnunni þar sem hann hefur spilað eftir endurkomuna á klakann fyrir fjórum árum. Veigar, sem verður 37 ára gamall á næsta ári, er búinn að spila meistaraflokksbolta í 20 ár og á að baki tvo Íslandmeistaratitla með KR og Stjörnunni og einn Noregsmeistaratitil með Stabæk, en hann er talinn einn af bestu erlendu leikmönnunum sem hafa spilað í norsku úrvalsdeildinni. „Ég er stoltur og ánægður yfir að FH sýndi mér áhuga og ég mun gera allt hvað ég get til að FH haldi því striki sem félagið hefur verið á undanfarin ár,“ segir Veigar Páll en FH varð meistari annað árið í röð á nýliðnu tímabili og í áttunda sinn á síðustu þrettán árum. Það hefur aldrei endað neðar en í öðru sæti á þessu tímabili.Illa nýttur í Garðabænum? Veigar Páll átti ekki fast sæti í Stjörnuliðinu á síðustu leiktíð og langt frá því. Fyrrverandi landsliðsmaðurinn byrjaði aðeins þrjá leiki af þeim 17 sem hann spilaði á síðustu leiktíð en skoraði engu að síður fimm mörk og var eini leikmaðurinn í deildinni sem skoraði mark á minna en 90 mínútna fresti. Veigar skoraði „ekki nema“ í þremur leikjum (tvær tvennur) sem sýnir kannski svart á hvítu hversu fáar mínútur hann fékk hjá uppeldisfélaginu í Garðabænum sem hann vann Íslandsmeistaratitilinn með fyrir tveimur árum. „Ég viðurkenni það, að ég var alls ekki sáttur við spiltímann hjá Stjörnunni. Líklegt er að þetta hefði ekkert breyst á næstu leiktíð og í raun er líklegra að þetta hefði versnað. Mér gekk vel í þeim leikjum sem ég spilaði og það var glæsilegur árangur fyrir Stjörnuna að ná öðru sæti en ég vildi spila meira. Hópurinn er samt sterkur og það er þjálfarinn sem ræður,“ segir Veigar Páll sem telur sig geta gefið mikið af sér til Íslandsmeistaraliðsins á næstu leiktíð. „Eins og mér leið á síðustu leiktíð finnst mér ég eiga eitt mjög gott ár eftir. Við fáum gott undirbúningstímabil og ég þarf bara að koma mér í gott form. Ég kann fótboltann alveg í hausnum en ég þarf bara að vera í góðu formi þannig ég geti skilað því sem býr í hausnum niður í lappirnar,“ segir Veigar Páll Gunnarsson.Á að hjálpa til við mörkin Veigar Páll er fyrsti leikmaðurinn sem FH fær til sín eftir að tímabilinu lauk en áður var félagið búið að semja við Steven Lennon sem spilar oft sömu stöðu og Garðbæingurinn fyrir aftan fremsta mann. Auk þess að spila með liðinu mun Veigar þjálfa í afreksskóla FH en Hafnarfjarðarliðið virðist ætla honum stóra hluti á næstu árum jafnt innan sem utan vallar. „Fyrst og fremst er hann frábær fótboltamaður. Það vita allir að Veigar er frábær í fótbolta en hins vegar er hann líka mjög sterkur og stór karakter þannig að hann mun hjálpa okkur á fleiri stöðum en bara á fótboltavellinum,“ segir Ólafur Páll Snorrason, aðstoðarþjálfari FH. FH-liðið skoraði aðeins 32 mörk á síðustu leiktíð, næstminnst af efstu fimm liðunum, en sóknarleikurinn reyndist meisturunum erfiður í sumar þó það kæmi á endanum ekki að sök. „Við eigum eftir að sjá hvort einhverjir yfirgefi FH-liðið og hvort við þurfum þá að styrkja þann hluta leikmannahópsins. Við erum með skýra sýn á það sem við ætlum að reyna að vinna í þennan veturinn og eitt af því er að skora fleiri mörk. Það er líka ein af þeim ástæðum að Veigar er mættur,“ segir Ólafur Páll Snorrason.
Pepsi Max-deild karla Mest lesið „Núna ætla ég að klára þetta þar sem þetta er síðasta tímabilið mitt hérna“ Sport Tiger trúir enn á sjálfan sig: „Líður enn eins og ég geti unnið golfmót“ Golf „Þetta var eitt það erfiðasta sem ég hef farið í gegnum“ Sport Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn Birna með slitið krossband og missir af úrslitaeinvíginu Körfubolti Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Uppgjörið og viðtöl: Valur - Afturelding 27-29 | Mosfellingar í úrslit Handbolti Evrópudraumurinn lifir góðu lífi eftir fjórða sigurinn í röð Enski boltinn United lyfti sér upp að hlið Newcastle Enski boltinn „Þetta var ótrúlega erfitt“ Fótbolti Fleiri fréttir Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Bragi Karl tryggði ÍR-ingum stig á elleftu stundu Uppgjörið og viðtöl: Stjarnan - Fram 1-1 | Aftur komu Rúnarsmenn til baka Oliver með þrennu gegn gömlu félögunum Sextán ára stelpa skoraði í Bestu eftir stoðsendingu frá einni fimmtán ára Sjá meira