Skoðun
Nicole Leigh Mosty er í fyrsta sæti á lista Bjartrar framtíðar í Reykjavíkurkjördæmi Suður.

Björt framtíð er sprellifandi jákvætt pólítísk afl!

Nichole Leigh Mosty skrifar

Björt framtíð er að þurrkast út! Ertu í framboði? Ha? Björt framtíð? Æ, Nichole það væri gott að fá þig á þing en, vilt þú ekki skipta yfir til Pírata? Eða uppáhaldsviðbrögðin sem ég fæ þegar ég tilkynni framboðið mitt: Vá í alvöru?!? Mikið er ég stolt af þér (svo óþægileg þögn hér) ég skil ekki af hverju þið fáið ekki meira athygli.

Okkur er kennt að vera hógvær, mannleg og siðferðileg sem börn, en í pólitík er það talið vera slæm aðferðafræði og í okkar tilfelli er það talin ástæðan fyrir því að við munum hverfa af þingi. Pólítísk aðferðafræði Bjartrar framtíðar er að leggja áherslu á hagsmuni heildarinnar umfram hagsmuni fárra, að hafa langtímahugsun umfram skammtímamarkmið, að bjóða til samtals og samráðs og síðast en alls ekki síst að bera virðingu fyrir skoðunum annarra. Okkar aðferðafræði er byggð á ákveðnum gildum og vilja til að bæta samfélagið. Þingmenn Bjartrar framtíðar vanda sig, mæta í nefndarvinnu og í þingsal og hafa alltaf í huga að þeirra hlutverk er að þjóna samfélaginu með því að taka ákvarðanir fyrir hag samfélagsins.

Á ársfundi Bjartrar framtíðar síðastliðinn laugardag fékk ég þann heiður að lesa upp eina af nokkrum ályktunum okkur. Áyktunin var og er: ,,Ársfundur Bjartrar framtíðar 2016 ályktar um að auka þurfi beint lýðræði í landinu. Það má til að mynda gera með reglulegum þjóðfundum þar sem úrtak úr þjóðskrá ræður því hverjir veljast til að eiga það samtal hverju sinni.”

Segið þið mér nú af hverju í ósköpunum er til flokkur sem talar fyrir auknu lýðræði, flokkur sem legguráherslu á hagsmuni heildarinnar umfram hagsmuni fárra og flokkur sem vill hafa langtímahugsun umfram skammtímamarkmið en nýtur í augnablikinu meira fylgis?

Þegar við mörg þúsund manns mættum niður á Austurvöll í apríl sl. öskruðum við eftir réttlætti, breytingu og nýjum tækifærum. Við sögðum að við vildum heiðarleika og skynsemi.

Hér er tækifæri ykkar og okkar allra. Við erum ekki að þurrkast út. Björt framtíð er með sex sitjandi þingmenn sem mæta til vinnu, við erum með 11 fulltrúa í sveitarstjórnum um land allt. Við vorum fyrsti flokkurinn til þess að kynna framboðslista í öllum kjördæmum vegna kosninga til Alþings núna 29. október. Okkar listar endarspegla samfélagið sem við búum í. Við erum með kröftugt fólk sem vil bæta og breyta hvernig pólítík á Íslandi er stunduð. Ég hlakka til og segi hér enn og aftur að Björt framtíð er sprelllifandi jákvætt pólítískt afl sem mun svara kalli þjóðarinnar frá því í apríl. Minna fúsk, minna drasl og minna lélegt þýðir meiri Björt framtíð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Skoðun

Sjá meira


Velkomin á Vísi. Þessi vefur notar vafrakökur. Sjá nánar.