Körfubolti

Matthías Orri: Var kominn með leið á körfuboltanum

Anton Ingi Leifsson skrifar
Matthías í leik með ÍR.
Matthías í leik með ÍR. vísir/daníel

Matthías Orri Sigurðarson, sem skrifaði á dögunum undir tveggja ára samning við ÍR, segir að sér líkaði meira við hugmyndina af háskólaboltanum heldur en að taka þátt í honum.

Matthías lék á síðasta ári í háskólaboltanum í Bandaríkjunum, en ÍR gekk frá samningum við hann í vikunni.

„Aðal ástæðan afhverju ég ákvað að hætta hérna er að ég var bara kominn með leiða af körfuboltanum og naut hans ekki," sagði Matthías í samtali við Karfan.is.

„Ég komst svo bara að þeirri niðurstöðu að mér líkaði meira við hugmyndina af háskólaboltanum heldur en að taka þátt í honum. Þannig er að koma heim til að hafa gaman af því að spila körfubolta og sjá svo hvert það leiðir mig á næstu árum."

„Það kom ekkert sérstakt upp á úti. Ég átti að fá stórt hlutverk í liðinu á næsta ári en ég hafði bara litla ánægju af því að vera þarna lengur körfuboltalega séð,“ sagði Matthías Orri sem mun vafalítið leika stórt hlutverk hjá ÍR á næstu leiktíð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.