Innlent

Í verulegri lífshættu eftir alvarlega hnífaárás: Krafist gæsluvarðhalds yfir árásarmanninum í dag

Sunna Kristín Hilmarsdóttir skrifar
Einn maður var handtekinn vegna árásarinnar í gær og verður krafist gæsluvarðhalds yfir honum í dag.
Einn maður var handtekinn vegna árásarinnar í gær og verður krafist gæsluvarðhalds yfir honum í dag. vísir/gva

Samkvæmt heimildum Vísis verður í dag krafist gæsluvarðhalds yfir manni sem grunaður er um að hafa ráðist með hníf á karlmann á þrítugsaldri í Vesturbæ Reykjavíkur í nótt.

Eftir því sem Vísir kemst næst var um mjög grófa líkamsárás að ræða og var maðurinn sem ráðist var á í verulegri lífshættu. Hann liggur nú þungt haldinn á gjörgæsludeild Landspítalans og er haldið sofandi í öndunarvél.

Í dagbók lögreglu í morgun kom fram að hún hefði verið kölluð út um eittleytið í nótt vegna alvarlegrar hnífaárásar. Var brotaþoli fluttur á slysadeild og árásarmaðurinn handtekinn nokkru síðar. Hann gistir nú fangageymslur vegna rannsóknar málsins.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira