Sport

Denver þorir ekki að spila í appelsínugulu í Super Bowl

Henry Birgir Gunnarsson skrifar
Peyton Manning verður í hvítu í Super Bowl þann 7. febrúar.
Peyton Manning verður í hvítu í Super Bowl þann 7. febrúar. vísir/getty

Denver Broncos ákvað mjög óvænt að spila í útivallarbúningum sínum í Super Bowl-leiknum gegn Carolina Panthers.

Broncos fékk að velja hvaða búningum félagið vildi spila í. Venjulega velur lið að spila í sínum heimavallarbúningum. Sá búningur Broncos er appelsínugulur en félagið ákvað að velja hvíta útivallarbúninginn.

Ástæðan er lélegt gengi Broncos í Super Bowl er það spilar í appelsínugulu. Fjórum sinnum hefur félagið spilað í appelsínugulu í úrslitaleiknum og alltaf hefur liðið tapað.

Denver hefur aftur á móti unnið einn titil í hvítu en einnig tapað Super Bowl í hvítu. Einu sinni spilaði liðið í bláu í Super Bowl og vann. Broncos gekk þó betur í appelsínugulu í vetur. Liðið var 8-1 í appelsínugulu en 5-2 í hvítu búningunum.

Carolina verður í svörtum búningum en liðið hefur aldrei unnið leik í úrslitakeppninni í svörtu.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira