Enski boltinn

Leicester náði aðeins í stig gegn Aston Villa en fór samt á toppinn

Stefán Árni Pálsson skrifar
Rudy Gestede fagnar jöfnungarmarkinu.
Rudy Gestede fagnar jöfnungarmarkinu. Vísir/Getty

Leicester náði aðeins í eitt stig gegn botnliði Aston Villa í ensku úrvalsdeildinni í knattspyrnu í dag þegar liðið mættust og gerði 1-1 jafntefli á Villa Park.

Shinji Okazaki kom Leicester yfir eftir um hálftíma leik. Nokkrum mínútum síðar misnotaði Riyad Mahrez vítaspyrnu fyrir gestina.

Staðan var 1-0 í hálfleik en um korteri fyrir leikslok náði Rudy Gestede að jafna metin fyrir Aston Villa og þar við sat.

Leicester fór í efsta sæti deildarinnar með stiginu og hefur liðið 44 stig, einu stigi meira en Manchester City og Arsenal. Aston Villa er sem fyrr á botninum með 12 stig.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira