Innlent

Íslenska parið í ótímabundið gæsluvarðhald

Sunna Karen Sigurþórsdóttir skrifar
Efnin voru falin í smokkum og fölskum botni í þremur ferðatöskum.
Efnin voru falin í smokkum og fölskum botni í þremur ferðatöskum. Vísir

Íslenska parið sem handtekið var annan í jólum í borginni Fortaleza í norðausturhluta Brasilíu vegna gruns um fíkniefnasmygl hefur verið úrskurðað í ótímabundið gæsluvarðhald, samkvæmt heimildum fréttastofu.

Parið verður að öllum líkindum í gæsluvarðhaldi þar til mál þeirra fer fyrir dóm, en búist er við að málsmeðferð muni taka yfir eitt ár. Þau bíða nú eftir að verða flutt í annað fangelsi í borginni.

Sjá einnig: Fær ekki leiguhúsnæði eftir fangelsisdvöl í Brasilíu

Um er að ræða par á þrítugsaldri sem grunað er um að hafa ætlað að smygla fjórum kílóum af kókaíni úr landi að því er fram hefur komið í brasilískum fjölmiðlum.

Þau áttu bókað flug úr landi frá alþjóðaflugvellinum í Pinto Martins, þar sem flugtengingar í Evrópu eru í gegnum Þýskaland og Portúgal.

Þau gætu átt yfir höfði sér allt að fimmtán ára fangelsi.

Fjallað var um málið í kvöldfréttum Stöðvar 2 í gær en þar kom meðal annars fram að parið er á meðal fjögurra Íslendinga sem sitja í fangelsum í Brasilíu.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira