Sjókuldi á Snæfellsnesi Sigríður Jónsdóttir skrifar 25. febrúar 2015 13:30 Kári Viðarsson á mikið hrós skilið fyrir vinnu sína og gríðarlegt hugsjónastarf. MARHöfundar:Kári Viðarsson og Hallgrímur H. HelgasonMeðhöfundar:Birgir Óskarsson og Freydís BjarnadóttirLeikstjóri: Árni Grétar JóhannssonLeikarar:Freydís Bjarnadóttir og Kári ViðarssonHljóðmynd: Ragnar Ingi HrafnkelssonSviðsmynd: Kári ViðarssonLýsing: Friðþjófur Þorsteinsson og Robert Youngson Á Snæfellsnesi má finna lítið atvinnuleikhús sem hefur vaxið og dafnað á síðustu misserum. Frystiklefinn á Rifi er algjörlega einstakt leikhúsrými sem ber með sér fjölbreytta möguleika en Kári Viðarsson á mikið hrós skilið fyrir vinnu sína og gríðarlegt hugsjónastarf. Sýningar á MAR eru orðnar rétt rúmlega þrjátíu síðan verkið var frumsýnt í desember á síðasta ári og allar líkur eru á að þær verði fleiri enda húsfyllir síðastliðinn laugardag. MAR er tvískipt heimildaleikrit og fjallar í grunninn um tvö sjóslys sem gerast með þrjátíu og fimm ára millibili, annars vegar þegar Elliði SI 1 sökk út af Öndverðarnesi árið 1962 og hins vegar þegar Margrét SH 196 hvarf við strendur Breiðafjarðar árið 1997. Við fylgjumst með ungri konu takast á við dauða fósturföður síns og upplifun loftskeytamannsins á Elliða SI 1. Hlutverk Freydísar er byggt á hennar eigin reynslu við að missa stjúpföður sinn í sjóslysi og sýnir hún mikið hugrekki að takast á við atburðinn á þennan máta. Kári leikur síðan lofskeytamanninn sem berst af öllu afli við íslensku náttúruöflin. Aftur á móti flækist leikurinn aðeins þar sem Freydís leikur einnig unnustu sjómannsins á mismunandi tímapunktum þar sem tilhugalíf þeirra er rakið og verður til þess að söguþráður verksins verður frekar óljós. Hópurinn notast við raunverulegar upptökur af samskiptum loftskeytamannsins á Elliða SI 1 við Júpíter RE 161 þetta örlagaríka febrúarkvöld og rennur manni kalt vatn milli skinns og hörunds við að heyra þessi samskipti. Því miður eru hljóðgæðin á þessum upptökum ekki nægilega góð þannig að einhverjar upplýsingar komast ekki til skila. Árni Grétar notast við ljósaskiptingar til að stökkva á milli atriða og þær verða örlítið fyrirsjáanlegar þegar líða tekur á en líkt og leikurinn verða þessar skiptingar fljótlega blæbrigðalitlar. Sviðshönnunin sem er í höndum Kára heppnast með ágætum og þá sérstaklega stálramminn sem hann byggir um loftskeytamanninn, einskonar pallur sem hangir úr loftinu í keðjum. Þegar líða tekur á sýninguna fer vatn að flæða út úr pípunum en vatnselgurinn myndar virkilega fallega hljóðmynd og fagurfræðilega sterka útkomu. MAR fær mikinn kraft frá því að vera sviðsett í köldum Frystiklefanum á Rifi og er ferðalagið þangað á miðjum vetri mikilvæg áminning um harðneskju íslenskrar náttúru sem má aldrei taka af léttúð. Aftur á móti er dramatíska risinu í verkinu ábótavant og leikurinn tiltölulega flatur þrátt fyrir fallegar senur inn á milli.Niðurstaða: Magnaður efniviður og einstakt leikhúsrými sem vert er að gera sér ferð til að sjá en úrvinnslan ekki nægilega sterk. Gagnrýni Menning Mest lesið Hvaða frambjóðandi er bestur í að flaka fisk? Lífið „Margir héldu að ég væri endanlega búinn að missa það“ Lífið Forsetaáskorunin: „Held að geimverur sé á meðal vor“ Lífið Styrktist í trúnni eftir áfallið Lífið Balti var í hesthúsinu þegar Jason Statham hringdi Bíó og sjónvarp Kristján hennar Höllu stefnir á fyrsta lanið á Bessastöðum Lífið „Ómenntaður kúka kennslu sóði!“ Lífið „Mönnum fannst fréttnæmt að hommi færi á hommabar“ Lífið Nýjasti rafvirki landsins fimmtug með ofurkrafta Lífið Ætluðu að draga sig úr Eurovision fram á síðustu stundu Lífið Fleiri fréttir Ekkert mjálm í Unu Torfa og Sinfó Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira
MARHöfundar:Kári Viðarsson og Hallgrímur H. HelgasonMeðhöfundar:Birgir Óskarsson og Freydís BjarnadóttirLeikstjóri: Árni Grétar JóhannssonLeikarar:Freydís Bjarnadóttir og Kári ViðarssonHljóðmynd: Ragnar Ingi HrafnkelssonSviðsmynd: Kári ViðarssonLýsing: Friðþjófur Þorsteinsson og Robert Youngson Á Snæfellsnesi má finna lítið atvinnuleikhús sem hefur vaxið og dafnað á síðustu misserum. Frystiklefinn á Rifi er algjörlega einstakt leikhúsrými sem ber með sér fjölbreytta möguleika en Kári Viðarsson á mikið hrós skilið fyrir vinnu sína og gríðarlegt hugsjónastarf. Sýningar á MAR eru orðnar rétt rúmlega þrjátíu síðan verkið var frumsýnt í desember á síðasta ári og allar líkur eru á að þær verði fleiri enda húsfyllir síðastliðinn laugardag. MAR er tvískipt heimildaleikrit og fjallar í grunninn um tvö sjóslys sem gerast með þrjátíu og fimm ára millibili, annars vegar þegar Elliði SI 1 sökk út af Öndverðarnesi árið 1962 og hins vegar þegar Margrét SH 196 hvarf við strendur Breiðafjarðar árið 1997. Við fylgjumst með ungri konu takast á við dauða fósturföður síns og upplifun loftskeytamannsins á Elliða SI 1. Hlutverk Freydísar er byggt á hennar eigin reynslu við að missa stjúpföður sinn í sjóslysi og sýnir hún mikið hugrekki að takast á við atburðinn á þennan máta. Kári leikur síðan lofskeytamanninn sem berst af öllu afli við íslensku náttúruöflin. Aftur á móti flækist leikurinn aðeins þar sem Freydís leikur einnig unnustu sjómannsins á mismunandi tímapunktum þar sem tilhugalíf þeirra er rakið og verður til þess að söguþráður verksins verður frekar óljós. Hópurinn notast við raunverulegar upptökur af samskiptum loftskeytamannsins á Elliða SI 1 við Júpíter RE 161 þetta örlagaríka febrúarkvöld og rennur manni kalt vatn milli skinns og hörunds við að heyra þessi samskipti. Því miður eru hljóðgæðin á þessum upptökum ekki nægilega góð þannig að einhverjar upplýsingar komast ekki til skila. Árni Grétar notast við ljósaskiptingar til að stökkva á milli atriða og þær verða örlítið fyrirsjáanlegar þegar líða tekur á en líkt og leikurinn verða þessar skiptingar fljótlega blæbrigðalitlar. Sviðshönnunin sem er í höndum Kára heppnast með ágætum og þá sérstaklega stálramminn sem hann byggir um loftskeytamanninn, einskonar pallur sem hangir úr loftinu í keðjum. Þegar líða tekur á sýninguna fer vatn að flæða út úr pípunum en vatnselgurinn myndar virkilega fallega hljóðmynd og fagurfræðilega sterka útkomu. MAR fær mikinn kraft frá því að vera sviðsett í köldum Frystiklefanum á Rifi og er ferðalagið þangað á miðjum vetri mikilvæg áminning um harðneskju íslenskrar náttúru sem má aldrei taka af léttúð. Aftur á móti er dramatíska risinu í verkinu ábótavant og leikurinn tiltölulega flatur þrátt fyrir fallegar senur inn á milli.Niðurstaða: Magnaður efniviður og einstakt leikhúsrými sem vert er að gera sér ferð til að sjá en úrvinnslan ekki nægilega sterk.
Gagnrýni Menning Mest lesið Hvaða frambjóðandi er bestur í að flaka fisk? Lífið „Margir héldu að ég væri endanlega búinn að missa það“ Lífið Forsetaáskorunin: „Held að geimverur sé á meðal vor“ Lífið Styrktist í trúnni eftir áfallið Lífið Balti var í hesthúsinu þegar Jason Statham hringdi Bíó og sjónvarp Kristján hennar Höllu stefnir á fyrsta lanið á Bessastöðum Lífið „Ómenntaður kúka kennslu sóði!“ Lífið „Mönnum fannst fréttnæmt að hommi færi á hommabar“ Lífið Nýjasti rafvirki landsins fimmtug með ofurkrafta Lífið Ætluðu að draga sig úr Eurovision fram á síðustu stundu Lífið Fleiri fréttir Ekkert mjálm í Unu Torfa og Sinfó Falleg tónlist GDRN hljómaði ekki nógu vel Love Lies Bleeding: Ekið af hraðbraut og út í skurð Mislukkuð sýning í Borgarleikhúsinu með góðum sprettum Knox Goes Away: Gamlir en ekki sigraðir Ripley: Listaverk Tom Ripleys fullkomnað Blue Lights: Fljúgandi start Sjá meira