Yfirlýsing vegna Extreme Chill Festival Sigursteinn Sigurðsson skrifar 27. ágúst 2015 06:00 Við erum Vestlendingar og höfum alltaf verið talsmenn lögreglunnar þar. Við þekkjum lögreglumenn og konur á öllu Vesturlandinu og höfum sum okkar í gegnum þau kynni kynnst þeim ljóta heimi sem þetta góða fólk þarf að takast á við. Við erum líka skapandi fólk og störfum við listir. Við erum stjórn Vitbrigða Vesturlands sem eru samtök skapandi, ungs fólks á Vesturlandi. Okkar félagsmenn búa í landshlutanum eða eru með tengingar þangað af einhverju tagi, en hafa það sameiginlegt að vilja starfa þar og efla menningu og mannlíf á sínum svæðum. Okkur hefur gengið það ágætlega og við deilum þeim göfuga draumi að vilja skapa frjótt og ögrandi umhverfi fyrir okkur og aðra til að dafna í.Þakklæti er drjúg umbun Við vinnum mikið að því að láta þessa drauma okkar verða að veruleika. Við leggjum líka allt í sölurnar til þess að svo verði. Oft er okkar hugmyndum og gjörningum tekið með fyrirvara en þegar ávöxturinn fer að sjást förum við að finna fyrir þakklæti heimafólks. Þegar það gerist erum við búin að leggja óendanlega vinnu á okkur. Meirihlutann af þessari vinnu fáum við aldrei greiddan í peningum og ef svo væri værum við öll rík ef við hefðum fengið fulla umbun fyrir þær sýningar, viðburði, listaverk og félagastarf sem við höfum unnið fyrir menninguna og samfélagið á Vesturlandi. Þakklæti íbúa eru þó drjúg umbun og klapp á bakið er gulls ígildi. Aftur á móti eru niðrandi orð og gjörðir særandi meira en orð fá lýst. Við höfum öll upplifað það að fara heim sár og leið eftir athugasemdir frá sveitungum og öðrum um okkar verk, verk Vitbrigðanna og listgreinanna sem við störfum við. Þessi neikvæðu og hrokafullu viðbrögð eru sprottin af vanþekkingu, fordómum og skilningsleysi en við erum einmitt að reyna að eyða því. Batnandi fólki er best að lifa og eftir lærdómsríkt ferli má fyrirgefa illa ígrundaðar athugasemdir. En hvað gerir maður þegar heilt lögregluembætti ákveður beinlínis að vinna skemmdarverk á tónlistarviðburði á Snæfellsnesi? Til okkar hafa streymt undanfarna daga fréttir af fólki sem er beinlínis skelfingu lostið eftir harkalega meðferð Lögreglunnar á Vesturlandi – sem okkur þykir vænt um eins og ég benti á í upphafi þessarar greinar. Við þekkjum til margra þeirra sem tóku þátt í þessum aðgerðum og við vitum að þetta fólk er ekki svona. Það er mjög mikilvægt að hafa góða gæslu á öllum þeim bæjar- og útihátíðum sem haldnar eru á Íslandi og allt of mörg fíkniefnamál komu upp á svona lítilli hátíð eins og Extreme Chill Festival er, einnig komu upp barnaverndarmál sem við erum mjög fegin að komu upp á yfirborðið svo hægt sé að grípa inn í þar sem þörf er á. Eins og sagt var í heimildarmyndinni „Bannað að vera fáviti“ um Eistnaflug á Neskaupstað var tekið fram að það munu alltaf koma dópistar sem varpa skugga á annars góða hátíð. En athyglisvert er að engin ofbeldismál komu upp á Hellisandi. Engum var nauðgað (að því sem við best vitum) og ekkert var skemmt og engu stolið ef marka má tilkynningu frá embættinu. Ef slíkt er borið saman við hinar ýmsu bæjarhátíðir um land allt, til að mynda Þjóðhátíð í Vestmannaeyjum og Eina með öllu á Akureyri, myndi hátíðin hafa þótt fara vel fram. Hins vegar eru fjölmargir gestir sem upplifa sig niðurlægða og það af lögreglunni á Vesturlandi. Fjölmargir gestir sem neyta ekki einu sinni tóbaks sem þurftu að afklæðast fyrir framan ókunnuga. Hver er ástæðan fyrir því að svona er komið fram við fólk?Óorði komið á Vesturland Skipuleggjendur Extreme Chill Festival eru ekki óreglufólk heldur löghlýðnir, vinnandi skattgreiðendur. Þau voru ekki að skipuleggja dópfestival. Frystiklefinn í Rifi er líka á svífandi siglingu og það skiptir reksturinn þar gríðarlega miklu máli að ekki komi upp neikvæð umfjöllun um staðinn sem getur hreinlega rústað þeirri miklu skipulagsvinnu sem fer í að byggja upp svona stað og viðburði. Það er vinna sem hefur tekið mörg ár. Aðgerðir Lögreglunnar á Vesturlandi eru að skemma þessa miklu vinnu sem skipuleggjendurnir hafa lagt í hátíðina. Þær koma einnig óorði á Vesturland sem menningarlandshluta og þar með er verið að skemma okkar vinnu og Vitbrigðanna svo um munar. Þess vegna erum við tilneydd til að fordæma þessar aðgerðir harðlega. Við hvetjum Úlfar Lúðvíksson til að biðjast afsökunar á því harðræði sem saklausir gestir hátíðarinnar urðu fyrir og skipuleggjendur Extreme Chill Festival fyrir skilningsleysi og yfirgang. Á sama tíma vonum við að þessi atvik verði til þess að allir læri af því sem gerðist og hátíðin haldi áfram og dafni um ókomin ár. Við vonum innilega að Pan Thorarensen muni halda ótrauður áfram að göfga menninguna á Vesturlandi. Það væri hræðilegt ef þessir atburðir yrðu til þess að Extreme Chill Festival yrði ekki haldið aftur á Hellissandi. Með virðingu til allra viðkomandi aðila, stjórn Vitbrigða Vesturlands. Viltu birta grein á Vísi? Sendu okkur póst. Senda grein Mest lesið Hvað er eiginlega að gerast? Inga Minelgaite Skoðun Ókostir forsetaframbjóðandans Katrínar Jakobsdóttur Alfreð Sturla Böðvarsson Skoðun Svik forsetaframbjóðanda við börnin á Gaza Salvör Gullbrá Þórarinsdóttir Skoðun Nú vandast valið Ebba Margrét Magnúsdóttir Skoðun Nöturlegt ævikvöld Elín Hirst Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson Skoðun Er keisarinn ekki í neinum fötum? Hákon Gunnarsson ,Bergljót Kristinsdóttir Skoðun Manstu ekki eftir mér Sævar Helgi Lárusson Skoðun Gerum góðan dal enn betri Eiríkur Hjálmarsson Skoðun Á að banna TikTok? Óttar Birgisson Skoðun Skoðun Skoðun Opið bréf til samgönguráðherra og vegamálastjóra Hópur ferðaþjóna í Dölunum skrifar Skoðun Hugleiðingar ellilífeyrisþega um landsmálin og orkumálin Ingimundur Andrésson skrifar Skoðun Að tilheyra - Fjölmenningarþing Reykjavíkur skrifar Skoðun Katrínu sem forseta Stefán Friðrik Stefánsson skrifar Skoðun Fegin að vera frekar spurð hvaða ég sé, en „hverra manna ertu“ Matthildur Björnsdóttir skrifar Skoðun Þekking á naloxone nefúða getur bjargað lífi Hildur Vattnes Kristjánsdóttir skrifar Skoðun Svik forsetaframbjóðanda við börnin á Gaza Salvör Gullbrá Þórarinsdóttir skrifar Skoðun Getum við breytt fortíðinni? Ásgeir Jónsson skrifar Skoðun Á að banna TikTok? Óttar Birgisson skrifar Skoðun Gerum góðan dal enn betri Eiríkur Hjálmarsson skrifar Skoðun Ný norræn stjórnarskrá Hrannar Björn Arnarsson,Ragnheiður Þórarinsdóttir skrifar Skoðun Getum við verið hamingjusöm í vinnunni? Héðinn Sveinbjörnsson skrifar Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson skrifar Skoðun Stærsta loftslagsráðstefna í heimi Nótt Thorberg skrifar Skoðun Er keisarinn ekki í neinum fötum? Hákon Gunnarsson ,Bergljót Kristinsdóttir skrifar Skoðun Hugleiðing um sáttamiðlun Ámundi Loftsson skrifar Skoðun Nöturlegt ævikvöld Elín Hirst skrifar Skoðun Hvað er eiginlega að gerast? Inga Minelgaite skrifar Skoðun Manstu ekki eftir mér Sævar Helgi Lárusson skrifar Skoðun Nú vandast valið Ebba Margrét Magnúsdóttir skrifar Skoðun The man who would be king Ian McDonald skrifar Skoðun Umhverfisávinningur þess að þrifta Hólmfríður Jennýjar Árnadóttir skrifar Skoðun Ókostir forsetaframbjóðandans Katrínar Jakobsdóttur Alfreð Sturla Böðvarsson skrifar Skoðun Eru orkumálin að fara úr böndunum? Jónas Guðmundsson skrifar Skoðun Skipulagsmál og uppbygging í Árborg Bragi Bjarnason skrifar Skoðun Ég kýs… Gísli Ásgeirsson skrifar Skoðun Forsetaframboð í Fellini stíl Stefán Ólafsson skrifar Skoðun Borgar þú 65 prósent skatt af þínum tekjum? Guðfinnur Sigurvinsson skrifar Skoðun Brúarsmið á Bessastaði Jóhanna Vigdís Guðmundsdóttir skrifar Skoðun Nú getum við brotið blað Ragnheiður Davíðsdóttir skrifar Sjá meira
Við erum Vestlendingar og höfum alltaf verið talsmenn lögreglunnar þar. Við þekkjum lögreglumenn og konur á öllu Vesturlandinu og höfum sum okkar í gegnum þau kynni kynnst þeim ljóta heimi sem þetta góða fólk þarf að takast á við. Við erum líka skapandi fólk og störfum við listir. Við erum stjórn Vitbrigða Vesturlands sem eru samtök skapandi, ungs fólks á Vesturlandi. Okkar félagsmenn búa í landshlutanum eða eru með tengingar þangað af einhverju tagi, en hafa það sameiginlegt að vilja starfa þar og efla menningu og mannlíf á sínum svæðum. Okkur hefur gengið það ágætlega og við deilum þeim göfuga draumi að vilja skapa frjótt og ögrandi umhverfi fyrir okkur og aðra til að dafna í.Þakklæti er drjúg umbun Við vinnum mikið að því að láta þessa drauma okkar verða að veruleika. Við leggjum líka allt í sölurnar til þess að svo verði. Oft er okkar hugmyndum og gjörningum tekið með fyrirvara en þegar ávöxturinn fer að sjást förum við að finna fyrir þakklæti heimafólks. Þegar það gerist erum við búin að leggja óendanlega vinnu á okkur. Meirihlutann af þessari vinnu fáum við aldrei greiddan í peningum og ef svo væri værum við öll rík ef við hefðum fengið fulla umbun fyrir þær sýningar, viðburði, listaverk og félagastarf sem við höfum unnið fyrir menninguna og samfélagið á Vesturlandi. Þakklæti íbúa eru þó drjúg umbun og klapp á bakið er gulls ígildi. Aftur á móti eru niðrandi orð og gjörðir særandi meira en orð fá lýst. Við höfum öll upplifað það að fara heim sár og leið eftir athugasemdir frá sveitungum og öðrum um okkar verk, verk Vitbrigðanna og listgreinanna sem við störfum við. Þessi neikvæðu og hrokafullu viðbrögð eru sprottin af vanþekkingu, fordómum og skilningsleysi en við erum einmitt að reyna að eyða því. Batnandi fólki er best að lifa og eftir lærdómsríkt ferli má fyrirgefa illa ígrundaðar athugasemdir. En hvað gerir maður þegar heilt lögregluembætti ákveður beinlínis að vinna skemmdarverk á tónlistarviðburði á Snæfellsnesi? Til okkar hafa streymt undanfarna daga fréttir af fólki sem er beinlínis skelfingu lostið eftir harkalega meðferð Lögreglunnar á Vesturlandi – sem okkur þykir vænt um eins og ég benti á í upphafi þessarar greinar. Við þekkjum til margra þeirra sem tóku þátt í þessum aðgerðum og við vitum að þetta fólk er ekki svona. Það er mjög mikilvægt að hafa góða gæslu á öllum þeim bæjar- og útihátíðum sem haldnar eru á Íslandi og allt of mörg fíkniefnamál komu upp á svona lítilli hátíð eins og Extreme Chill Festival er, einnig komu upp barnaverndarmál sem við erum mjög fegin að komu upp á yfirborðið svo hægt sé að grípa inn í þar sem þörf er á. Eins og sagt var í heimildarmyndinni „Bannað að vera fáviti“ um Eistnaflug á Neskaupstað var tekið fram að það munu alltaf koma dópistar sem varpa skugga á annars góða hátíð. En athyglisvert er að engin ofbeldismál komu upp á Hellisandi. Engum var nauðgað (að því sem við best vitum) og ekkert var skemmt og engu stolið ef marka má tilkynningu frá embættinu. Ef slíkt er borið saman við hinar ýmsu bæjarhátíðir um land allt, til að mynda Þjóðhátíð í Vestmannaeyjum og Eina með öllu á Akureyri, myndi hátíðin hafa þótt fara vel fram. Hins vegar eru fjölmargir gestir sem upplifa sig niðurlægða og það af lögreglunni á Vesturlandi. Fjölmargir gestir sem neyta ekki einu sinni tóbaks sem þurftu að afklæðast fyrir framan ókunnuga. Hver er ástæðan fyrir því að svona er komið fram við fólk?Óorði komið á Vesturland Skipuleggjendur Extreme Chill Festival eru ekki óreglufólk heldur löghlýðnir, vinnandi skattgreiðendur. Þau voru ekki að skipuleggja dópfestival. Frystiklefinn í Rifi er líka á svífandi siglingu og það skiptir reksturinn þar gríðarlega miklu máli að ekki komi upp neikvæð umfjöllun um staðinn sem getur hreinlega rústað þeirri miklu skipulagsvinnu sem fer í að byggja upp svona stað og viðburði. Það er vinna sem hefur tekið mörg ár. Aðgerðir Lögreglunnar á Vesturlandi eru að skemma þessa miklu vinnu sem skipuleggjendurnir hafa lagt í hátíðina. Þær koma einnig óorði á Vesturland sem menningarlandshluta og þar með er verið að skemma okkar vinnu og Vitbrigðanna svo um munar. Þess vegna erum við tilneydd til að fordæma þessar aðgerðir harðlega. Við hvetjum Úlfar Lúðvíksson til að biðjast afsökunar á því harðræði sem saklausir gestir hátíðarinnar urðu fyrir og skipuleggjendur Extreme Chill Festival fyrir skilningsleysi og yfirgang. Á sama tíma vonum við að þessi atvik verði til þess að allir læri af því sem gerðist og hátíðin haldi áfram og dafni um ókomin ár. Við vonum innilega að Pan Thorarensen muni halda ótrauður áfram að göfga menninguna á Vesturlandi. Það væri hræðilegt ef þessir atburðir yrðu til þess að Extreme Chill Festival yrði ekki haldið aftur á Hellissandi. Með virðingu til allra viðkomandi aðila, stjórn Vitbrigða Vesturlands.
Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson Skoðun
Skoðun Fegin að vera frekar spurð hvaða ég sé, en „hverra manna ertu“ Matthildur Björnsdóttir skrifar
Skoðun Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson skrifar
Þessum treysti ég til þess að standa vörð um okkar hagsmuni, landið okkar og okkar mannréttindi Ólafur Tryggvi Sigmarsson Skoðun